જંતર-મંતર પર પાકિસ્તાને રચ્યું ષડયંત્ર? ISI મોડ્યૂલના 9 લોકોની ધરપકડ થઈ
નવી દિલ્હી: પંજાબ પોલીસે પાકિસ્તાનની ગુપ્તચર એજન્સી ISIના કથિત ઇશારે આતંકી વારદાતોને અંજામ આપવાના એક મોટા કાવતરાનો પર્દાફાશ કર્યો છે. અમૃતસર પોલીસના સત્તાવાર જણાવ્યા અનુસાર, આ ગંભીર કેસમાં બે અલગ-અલગ ગેંગ સાથે જોડાયેલા ચાર સગીરો સહિત કુલ નવ લોકોની ધરપકડ કરવામાં આવી છે. આરોપીઓ પાસેથી પેટ્રોલ બોમ્બ, બોટલ બોમ્બ, પિસ્તોલ, કારતૂસ અને અન્ય શંકાસ્પદ સામાન જપ્ત કરવામાં આવ્યો છે, જે દેશની સુરક્ષા માટે અત્યંત ચિંતાજનક વિષય છે.
દિલ્હીના જંતર-મંતર પર હુમલાની નાપાક યોજના
પોલીસ તપાસમાં એવું પણ સામે આવ્યું છે કે આ નેટવર્કનું કનેક્શન સીધું દિલ્હીના જંતર-મંતર સાથે જોડાયેલું છે. એક ગેંગના આરોપીઓ ત્યાં ચાલી રહેલા ધરણા દરમિયાન પહોંચ્યા હતા અને તેમને સ્થાનિક સ્તરે મદદ તથા સામગ્રી પૂરી પાડવાની કોશિશ કરવામાં આવી હતી. સુરક્ષા એજન્સીઓની સતર્કતાના કારણે તેઓ પોતાના નાપાક ઇરાદાઓમાં સફળ થઈ શક્યા નહોતા અને આખરે પાછા પંજાબ પરત ફર્યા હતા.
VIDEO | Amritsar, Punjab: Punjab Police have busted two ISI-backed cross border terror modules and apprehended nine accused, including four juveniles.
The investigation also uncovered the installation of surveillance cameras near railway tracks, with footage allegedly shared… pic.twitter.com/ziAuObFLFd
— Press Trust of India (@PTI_News) August 5, 2026
રેલવે ટ્રેક પાસે સીસીટીવી અને લાઇવ ફૂટેજ
આ તપાસ દરમિયાન પોલીસને બીજી ગેંગ વિશે અત્યંત ચોંકાવનારી અને ગંભીર માહિતી મળી છે. આરોપીઓએ સંવેદનશીલ રેલવે ટ્રેક પાસે સીસીટીવી કેમેરા લગાવ્યા હતા અને ત્યાંથી મળતા લાઇવ ફૂટેજ પાકિસ્તાનમાં બેઠેલા હેન્ડલરો સુધી સતત મોકલતા હતા. જોડા ફાટક પાસે રેલવે ટ્રેક પરથી કેમેરો મળી આવ્યા બાદ મોહકમપુરા નિવાસી વંશ કુમાર અને એક સગીરને ઝડપી લેવામાં આવ્યા હતા. તેમની પાસેથી હથિયારો પણ જપ્ત કરવામાં આવ્યા છે.
નાના-મોટા પ્રલોભનોમાં ફસાયેલા સગીરો
પોલીસ કમિશનર ગુરપ્રીત સિંહ ભુલ્લરના જણાવ્યા મુજબ, પકડાયેલા સગીરો આર્થિક રીતે નબળા પરિવારોથી આવે છે અને તેમને નાના-મોટા આર્થિક પ્રલોભનો આપીને દેશવિરોધી ગતિવિધિઓમાં ફસાવવામાં આવ્યા હતા. હાલમાં પોલીસ દ્વારા વિદેશી ફંડિંગ, ISI કનેક્શન, હથિયારોની સપ્લાય અને અન્ય સંભવિત સહયોગીઓની ભૂમિકાની ઊંડાણપૂર્વક તપાસ ચાલી રહી છે, જેથી આ સમગ્ર આતંકી નેટવર્કનો પર્દાફાશ થઈ શકે.
આ પણ વાંચો: ભાવનગરમાં સિંહે પશુપાલક પર કર્યો હિંસક હુમલો, લોકોમાં ભયનો માહોલ
