અમેરિકન ટેક કંપનીઓ ઈરાનના ટાર્ગેટ પર, ગૂગલ, એમેઝોન, માઈક્રોસોફ્ટ અને Nvidia માટે ખતરો
- અલ જજીરાએ જણાવ્યું હતું કે જેમ જેમ પ્રાદેશિક યુદ્ધનો વ્યાપ માળખાગત યુદ્ધ સુધી વિસ્તરે છે, તેમ તેમ ઈરાનના કાયદેસર લક્ષ્યો પણ વિસ્તરે છે
Iran-US War: ઈરાને બુધવારે અમેરિકન ટેક કંપનીઓને ચેતવણી આપી હતી કે પ્રદેશમાં સંઘર્ષ વધતો જાય તેમ તેમની ઓફિસો અને ઈન્ફ્રાસ્ટ્રક્ચર નિશાન બની શકે છે. અલ જઝીરાએ અહેવાલ આપ્યો છે કે IRGC-સંલગ્ન તસ્નીમ ન્યૂઝ એજન્સીએ મુખ્ય યુએસ ટેકનોલોજી કંપનીઓ American tech companies દ્વારા સંચાલિત ઓફિસો અને ઇન્ફ્રાસ્ટ્રક્ચરની યાદી પ્રકાશિત કરી છે, જેમાં દાવો કરવામાં આવ્યો છે કે તે ઇઝરાયલ સાથે જોડાયેલા છે અને લશ્કરી હેતુઓ માટે ઉપયોગમાં લેવાય છે.
રિપોર્ટમાં આ સ્થાનોને ‘ઈરાનના નવા લક્ષ્યો’ તરીકે વર્ણવવામાં આવ્યા છે. તેમાં કહેવામાં આવ્યું છે કે આ યાદીમાં ગૂગલ, માઈક્રોસોફ્ટ, પેલેન્ટિર ટેક્નોલોજીસ, આઈબીએમ, એનવીડિયા અને ઓરેકલ કોર્પોરેશન જેવી કંપનીઓ દ્વારા સંચાલિત ક્લાઉડ-આધારિત સેવાઓ માટે ઉપયોગમાં લેવાતી માળખાગત સુવિધાઓનો સમાવેશ થાય છે.
અહેવાલ મુજબ આ લિસ્ટેડ ઓફિસો અને માળખાગત સુવિધાઓ ઇઝરાયલના અનેક શહેરો તેમજ કેટલાક ગલ્ફ દેશોમાં આવેલી છે. તસ્નીમે જણાવ્યું હતું કે લક્ષ્યોને ઓળખવામાં આવ્યા હતા કારણ કે તેમની ટેકનોલોજીનો ઉપયોગ લશ્કરી ઉપયોગ માટે કરવામાં આવ્યો હોવાનો આરોપ છે.
અમારી WhatsApp ચેનલમાં જોડાવા આ લીંક પર ક્લીક કરો
અલ જજીરાએ જણાવ્યું હતું કે જેમ જેમ પ્રાદેશિક યુદ્ધનો વ્યાપ માળખાગત યુદ્ધ સુધી વિસ્તરે છે, તેમ તેમ ઈરાનના કાયદેસર લક્ષ્યો પણ વિસ્તરે છે.
ખાતમ અલ-અંબિયા મુખ્યાલયના પ્રવક્તાએ જણાવ્યું હતું કે ઈરાને એવી પણ ચેતવણી આપી હતી કે તે સમગ્ર પ્રદેશમાં યુએસ અને ઇઝરાયલી સંસ્થાઓ સાથે જોડાયેલા આર્થિક કેન્દ્રો અને બેંકોને નિશાન બનાવી શકે છે. ઈરાને તેની એક બેંક પર હુમલો કર્યા પછી આ ચેતવણી આપી છે.
પ્રવક્તાએ જણાવ્યું હતું કે, દુશ્મનોએ યુનાઇટેડ સ્ટેટ્સ અને પ્રદેશમાં ઝાયોનિસ્ટ શાસનના આર્થિક કેન્દ્રો અને બેંકોને નિશાન બનાવવા માટે અમારા હાથ ખુલ્લા છોડી દીધા હતા.અધિકારીએ નાગરિકોને આવા સ્થળોથી દૂર રહેવાની ચેતવણી પણ આપી હતી. પ્રવક્તાએ જણાવ્યું હતું કે, પ્રદેશના લોકોએ બેંકોની એક કિલોમીટરની ત્રિજ્યામાં ન રહેવું જોઈએ. આ દરમિયાન યુનાઇટેડ સ્ટેટ્સ, ઇઝરાયલ અને ઈરાન વચ્ચેનું યુદ્ધ બુધવારે તેના 12મા દિવસમાં પ્રવેશ્યું છે. લેબનોનના આરોગ્ય મંત્રાલયે જણાવ્યું હતું કે બુધવારે વહેલી સવારે દક્ષિણ લેબનોનમાં ઇઝરાયલી હુમલાઓમાં ઓછામાં ઓછા સાત લોકો માર્યા ગયા હતા, જેમાં કાના શહેરમાં પાંચ લોકોનો પણ સમાવેશ થાય છે. તેહરાનના રહેવાસીઓએ પણ રાત્રે યુદ્ધના કેટલાકે ભારે બોમ્બમારાની જાણ કરી હતી, જેમાં શક્તિશાળી વિસ્ફોટોથી પડોશીઓ હચમચી ગયા હતા અને રાજધાનીના કેટલાક ભાગોમાં વીજળી ગુલ થઈ ગઈ હતી.
આ પણ વાંચોઃ ICC T20 Rankings: સંજૂએ મારી લાંબી છલાંગ, વરુણ કરતા નીકળ્યો આગળ, વર્લ્ડ કપ બાદ આ ખેલાડીઓની બલ્લે બલ્લે
