તમિલનાડુમાં ‘થલપતિ’ વિજયના શપથગ્રહણમાં એક્ટ્રેસ ત્રિશા અને અબજોપતિ ડેઝી માર્ટિને ખેંચ્યું સૌનું ધ્યાન
Thalapathy Vijay: તમિલનાડુના રાજકારણમાં એક નવા યુગની શરૂઆત થઈ છે. દ્રવિડિયન પક્ષોના ગઢ ગણાતા આ રાજ્યમાં સુપરસ્ટારમાંથી રાજનેતા બનેલા વિજયે મુખ્યમંત્રી તરીકે શપથ ગ્રહણ કર્યા છે. આ ઐતિહાસિક ક્ષણના સાક્ષી બનવા માટે દક્ષિણ ભારતની દિગ્ગજ હસ્તીઓ ઉમટી પડી હતી, પરંતુ આ આખા સમારોહમાં બે મહિલાઓની હાજરીએ સૌથી વધુ ચર્ચાઓ જગાવી હતી.
ત્રિશાની એન્ટ્રી અને રાજકીય અટકળો
શપથગ્રહણ સમારોહમાં પ્રથમ હરોળમાં મુખ્યમંત્રી વિજયના માતા-પિતા એસ.એ. ચંદ્રશેખર અને શોભાની બાજુમાં અભિનેત્રી ત્રિશા બેઠેલી જોવા મળી હતી. ત્રિશાની હાજરીએ સોશિયલ મીડિયા પર અટકળો તેજ કરી દીધી છે. એવી ચર્ચાઓ ચાલી રહી છે કે વિજયે ખાલી કરેલી ‘તિરુચી’ બેઠક પરથી ત્રિશા આગામી સમયમાં ચૂંટણી લડી શકે છે. વિજયના પરિવાર સાથે તેની નિકટતા ઘણું બધું કહી જાય છે.
અબજોપતિ ડેઝી માર્ટિનની ભાવુક ક્ષણો
બીજી તરફ, તમિલનાડુના સૌથી ધનિક પરિવારોમાંથી એક અને લોટરી કિંગની પુત્રી ડેઝી માર્ટિન પણ ચર્ચામાં રહી હતી. જ્યારે તેના પતિ આધવ અર્જુને મંત્રી તરીકે શપથ લીધા, ત્યારે ડેઝીની આંખોમાં હર્ષના આંસુ હતા. એરીઝ ઇન્વેસ્ટમેન્ટ્સની મેનેજિંગ ડિરેક્ટર અને અબજોપતિ બિઝનેસ વુમન હોવા છતાં ડેઝી અત્યંત શાંતિથી કાર્યક્રમમાં સહભાગી થઈ હતી.
બાસ્કેટબોલ પ્લેયરથી મંત્રી સુધીની સફર અને વિવાદ
આધવ અર્જુનની સફર કોઈ ફિલ્મી વાર્તાથી કમ નથી. એક સમયે આર્થિક રીતે નબળા પરિવારમાંથી આવતા આ બાસ્કેટબોલ ખેલાડીએ અમીર પરિવારમાં લગ્ન કર્યા ત્યારે તેની ખૂબ ટીકા થઈ હતી. આજે તે મુખ્યમંત્રી વિજય પછી તમિલનાડુના બીજા સૌથી ધનિક રાજનેતા છે. જોકે, તેમની સફળતા વિવાદોથી ઘેરાયેલી છે. ડેઝીના ભાઈ જોસેફ ચાર્લ્સ માર્ટિને જાહેરમાં આધવ પર ગંભીર આક્ષેપો કર્યા છે, જેના કારણે આ વિજય ઉત્સવમાં કૌટુંબિક વિખવાદનો ઓછાયો પણ જોવા મળ્યો હતો.
આ પણ વાંચોઃ ભારતીય જહાજ બાદ હવે યુએઈ શિપ પર ઈરાનની નજર
આ પણ વાંચોઃ મૌની રોયના 4 વર્ષના લગ્નજીવનનો આવ્યો અંત, આખરે અભિનેત્રીએ પોતે જ છૂટાછેડાના સમાચાર કન્ફર્મ કર્યા
અમારી WhatsApp ચેનલમાં જોડાવા આ લિંક પર ક્લીક કરો
