આધાર કાર્ડમાં ફોટો બદલવો છે? જાણો સ્ટેપ-બાય-સ્ટેપ સરળ પ્રક્રિયા અને નિયમો

Aadhaar Card Photo Update: આધાર કાર્ડ આજે ભારતમાં સૌથી મહત્વપૂર્ણ ઓળખ દસ્તાવેજ બની ચૂક્યું છે, જેનો ઉપયોગ બેંક એકાઉન્ટ ખોલાવવાથી લઈને તમામ સરકારી અને બિનસરકારી યોજનાઓ સુધી દરેક જગ્યાએ થાય છે. પરંતુ ઘણા લોકોના આધાર કાર્ડમાં તેમની તસવીર ખૂબ જ જૂની અથવા એટલી ઝાંખી હોય છે કે વ્યક્તિને ઓળખવી પણ મુશ્કેલ બની જાય છે. જો તમારા આધાર કાર્ડમાં પણ ફોટો ખરાબ છે અને તમે તેને બદલવા માંગો છો, તો આ માહિતી તમારા માટે ખૂબ ઉપયોગી નીવડશે.

સૌથી પહેલા એ સમજવું જરૂરી છે કે તમે ઘરે બેઠા ઓનલાઈન આધાર કાર્ડમાં ફોટો બદલી શકતા નથી. આ માટે તમારે નજીકના આધાર સેવા કેન્દ્ર પર જ જવું પડે છે. ભારતીય વિશિષ્ટ ઓળખ પ્રાધિકરણ (UIDAI) લોકોને પોતાની નવી અને સ્પષ્ટ તસવીર અપડેટ કરવાની સંપૂર્ણ સુવિધા આપે છે. ચાલો જાણીએ આધાર કાર્ડમાં ફોટો અપડેટ કરાવવાની સંપૂર્ણ પ્રક્રિયા.

1. નજીકના આધાર સેવા કેન્દ્ર, બેંક અથવા પોસ્ટ ઓફિસની મુલાકાત

આધાર કાર્ડમાં પોતાનો ફોટો બદલાવવા માટે તમારે સીધા તમારા નજીકના આધાર સેવા કેન્દ્ર, અધિકૃત બેંક શાખા અથવા મુખ્ય પોસ્ટ ઓફિસ જવું પડશે. ફોટો અપડેટ માટે બાયોમેટ્રિક ડેટા અને નવી લાઈવ તસવીરની જરૂર પડે છે, તેથી કેન્દ્ર પર રૂબરૂ જવું ફરજિયાત છે.

2. આધાર અપડેટ ફોર્મ ભરીને જરૂરી માહિતી આપવી

આધાર કેન્દ્ર પર પહોંચ્યા પછી તમારે આધાર નોંધણી/સુધારા (Aadhaar Enrolment/Correction) ફોર્મ ભરવાનું રહેશે. આ ફોર્મમાં તમારી સાચી માહિતી લખીને ‘ફોટો અપડેટ’ વિકલ્પ પર ટિક કરવાનું રહેશે. ત્યારબાદ આ ફોર્મ કાઉન્ટર પર બેઠેલા અધિકારીને જમા કરાવવાનું રહેશે.

3. બાયોમેટ્રિક વેરિફિકેશન અને લાઈવ ફોટો

ફોર્મ જમા થયા પછી ઓપરેટર કમ્પ્યુટર સિસ્ટમ દ્વારા તમારી બાયોમેટ્રિક માહિતી જેવી કે ફિંગરપ્રિન્ટ (આંગળીઓના નિશાન) અને આઈરિસ (આંખની પૂતળી) સ્કેન કરશે. ત્યારબાદ કેન્દ્ર પર રહેલા વેબકેમ કેમેરા દ્વારા તમારી એકદમ નવી અને સ્પષ્ટ લાઈવ તસવીર પાડવામાં આવશે.

4. નક્કી કરેલી ફી ચૂકવવી અને રસીદ સાચવવી

તસવીર અને બાયોમેટ્રિક અપડેટની આ આખી પ્રક્રિયા પૂર્ણ થયા પછી તમારે કેન્દ્ર પર નિર્ધારિત સર્વિસ ચાર્જ રોકડ અથવા ડિજિટલ માધ્યમથી ચૂકવવાનો રહેશે. ફી ચૂકવ્યા બાદ તમને એક રસીદ (Acknowledgement Slip) મળશે, જેના પર અપડેટ રિક્વેસ્ટ નંબર (URN) લખેલો હોય છે. આ નંબરની મદદથી તમે ઓનલાઈન તમારા આવેદનનું સ્ટેટસ ચેક કરી શકો છો. સામાન્ય રીતે આ પ્રક્રિયાના ૧૫ દિવસની અંદર આધાર કાર્ડમાં નવો ફોટો અપડેટ થઈ જાય છે.

આ પણ વાંચોઃ UP ચૂંટણી 2027 પર BJPનો ‘Gen-Z’ પ્લાન, દરેક સીટે બનશે 10 યુવા ટીમો

આ પણ વાંચોઃ રક્ષાબંધન પર રહેશે ચંદ્રગ્રહણનું છાયા? જાણો રાખડી બાંધવાનું શુભ મુહૂર્ત અને સુતક કાળનું સત્ય

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X