અમદાવાદના સેટેલાઇટ વિસ્તારમાં સંબંધોને શર્મસાર કરતી ચોંકાવનારી ઘટના બની
- સેટેલાઇટ વિસ્તારમાં રહેતા દંપતીના બે વર્ષ પહેલા થયા હતા પ્રેમલગ્ન
- પત્નીએ સૂતેલા પતિના અંગત ભાગ પર એસિડ રેડી દીધું
- અનૈતિક સંબંધોની આશંકાએ કર્યો હુમલો
અમદાવાદના સેટેલાઇટ વિસ્તારમાં સંબંધોને શર્મસાર કરતી એક ચોંકાવનારી ઘટના સામે આવી છે. જ્યાં પત્નીએ પોતાના પતિ પર જ એસિડથી હુમલો કર્યો છે. પતિના અન્ય સ્ત્રી સાથેના આડાસંબંધોની આશંકાએ રોષે ભરાયેલી પત્નીએ આ ખતરનાક કૃત્યને અંજામ આપ્યો હતો.
સેટેલાઇટ વિસ્તારમાં રહેતા દંપતીના બે વર્ષ પહેલા થયા હતા પ્રેમલગ્ન
સેટેલાઇટ વિસ્તારમાં રહેતા આ દંપતીના બે વર્ષ પહેલા પ્રેમલગ્ન થયા હતા. જોકે, છેલ્લા કેટલાક સમયથી પત્નીને તેના પતિના ચારિત્ર્ય પર શંકા હતી. તેને આશંકા હતી કે પતિના અન્ય સ્ત્રી સાથે અનૈતિક સંબંધો છે. આ જ વાતથી રોષે ભરાઈને પત્નીએ પોતાના પતિ રાત્રે જ્યારે પતિ સૂતો હતો, ત્યારે પહેલા તેના પર ગરમ પાણી નાખ્યું અને ત્યારબાદ એસિડનો હુમલો કરી દીધો.
એસિડ એટેકના કારણે યુવક ગંભીર રીતે દાઝી ગયો
એસિડ એટેકના કારણે યુવક ગંભીર રીતે દાઝી ગયો હતો. તેને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો છે, જ્યાં તેની હાલત નાજુક હોવાનું જાણવા મળી રહ્યું છે.
આ પણ વાંચો: ગાંધીનગરમાં ધારાસભ્યો માટે વૈભવી ક્વાર્ટરનું લોકાર્પણ, 220 કરોડના ખર્ચે બન્યા 216 આવાસ
