કોલકાતાની હોટલમાં ભીષણ આગ લાગી, 14 લોકોના મૃત્યુ, લોકોએ કૂદીને જીવ બચાવ્યા

કોલકાતા, 30 એપ્રિલ 2025: પશ્ચિમ બંગાળની રાજધાની કોલકાતામાં એક હોટલમાં આગ લાગી ગઈ, જે હોટલમાં આગ લાગી તેનું નામ ઋતુરાજ હોટલ છે. આ હોટલ કોલકાતાના મેચુઆપટ્ટી વિસ્તારમાં આવેલી છે. હોટલમાં આગ લાગવાની આ ઘટના મંગળવાર રાતે થઈ હતી. આગ લાગવાની સૂચના મળતા ફાયર બ્રિગેડ અને પોલીસ તાત્કાલિક ઘટનાસ્થળે દોડી આવી હતી અને આગ પર કાબૂ મેળવવાનો પ્રયાસ કર્યો હતો. આગ એટલી ભયાનક હતી કે, તેની ચપેટમાં આવવાથી 14 લોકોના મૃત્યુ થઈ ગયા છે. કેટલાય લોકો પોતાનો જીવ બચાવવા માટે હોટલની બિલ્ડિંગમાંથી કૂદ્યા હતા.

કોલકાતા પોલીસ કમિશનર મનોજ કુમાર વર્માએ જણાવ્યું હતું કે, “આ આગની ઘટના શ્રુતુરાજ હોટેલમાં રાત્રે લગભગ 8:15 વાગ્યે બની હતી. 14 મૃતદેહો બહાર કાઢવામાં આવ્યા છે. ટીમો દ્વારા ઘણા લોકોને બચાવી લેવામાં આવ્યા છે. આગ પર કાબુ મેળવી લેવામાં આવ્યો છે. રાહત અને બચાવ કાર્ય ચાલુ છે. વધુ તપાસ ચાલુ છે. તપાસ માટે એક ખાસ ટીમની પણ રચના કરવામાં આવી છે.”

#WATCH | Kolkata, West Bengal | A fire breaks out in a building near Falpatti Machhua. Fire tenders present at the spot. Efforts to douse the fire are underway. More details awaited. pic.twitter.com/pmCT6zeGVW

— ANI (@ANI) April 29, 2025

સીએમ મમતા બેનર્જીએ ઘટનાની માહિતી લીધી

દરમિયાન, હોટલમાં આગ લાગવાના સમાચાર મળતાં કોલકાતાના મેયર ફિરહાદ હકીમ ઘટનાસ્થળે પહોંચી ગયા હતા. મંત્રી શશી પંજાઓ પણ પહોંચ્યા. ફિરહાદ હકીમે કહ્યું કે મુખ્યમંત્રી મમતા બેનર્જીએ તેમની પાસેથી ઘટના વિશે માહિતી લીધી છે. આ ઘટના બાદથી હોટલ માલિક ફરાર છે. આ આગની ઘટના બાદ, કેન્દ્રીય મંત્રી અને પશ્ચિમ બંગાળ ભાજપ પ્રમુખ સુકાંત મજુમદારે રાજ્ય સરકાર પાસેથી તાત્કાલિક કાર્યવાહીની માંગ કરી છે.

પશ્ચિમ બંગાળ ભાજપ પ્રમુખે શું કહ્યું?

આ સાથે, પશ્ચિમ બંગાળ ભાજપ અધ્યક્ષે સરકારને આગથી પ્રભાવિત લોકોને બચાવવા અને તેમને તાત્કાલિક મદદ પૂરી પાડવા પણ જણાવ્યું. તેમણે પોતાની એક પોસ્ટમાં કહ્યું, ‘હું રાજ્ય વહીવટીતંત્રને વિનંતી કરું છું કે તેઓ તાત્કાલિક અસરગ્રસ્ત લોકોને બચાવે અને તેમની સુરક્ષા સુનિશ્ચિત કરે.’ તેમને જરૂરી તબીબી અને માનવતાવાદી સહાય પૂરી પાડો. વધુમાં, હું ભવિષ્યમાં આવી દુ:ખદ ઘટનાઓને રોકવા માટે અગ્નિ સલામતીના પગલાંની સંપૂર્ણ સમીક્ષા અને વધુ કડક દેખરેખ રાખવાની અપીલ કરું છું.

આ પણ વાંચો: ટેરિફ યુદ્ધ વચ્ચે સુધારા અને રોજગાર સર્જનની તાકાત પર અર્થતંત્ર આગળ વધશે: નાણાં મંત્રાલય