લો બોલો…! હવે સરકારી કર્મચારીઓને 5 હજારથી વધુની ખરીદી પર સાહેબની લેવી પડશે મંજૂરી

ઉત્તરાખંડઃ 18 જુલાઈ, 2025: Uttarakhand Govt Shocking Rule: પત્ની માટે સાડી ખરીદવાની વાત હોય કે બાળક માટે કપડાં ખરીદવાની વાત હોય… જો ઉત્તરાખંડમાં કોઈ સરકારી કર્મચારી 5 હજાર રૂપિયાથી વધુની ખરીદી કરે છે, તો તેણે પોતાના વિભાગના વડા પાસેથી પરવાનગી લેવી પડશે. આ વિચિત્ર આદેશને લઈને સરકારી આદેશ પણ બહાર પાડવામાં આવ્યો છે. આદેશમાં લખ્યું છે કે ‘કોઈપણ સરકારી કર્મચારી જે પોતાના એક મહિનાના પગાર અથવા 5 હજાર રૂપિયાથી વધુ કિંમતની કોઈપણ જંગમ મિલકતના સંબંધમાં ખરીદી, વેચાણ અથવા અન્ય કોઈપણ રીતે વ્યવહાર કરે છે, જે પણ ઓછું હોય, તેણે તાત્કાલિક યોગ્ય અધિકારીને આવા વ્યવહારની જાણ કરવાની રહેશે.’

જ્યારથી આ આદેશ જારી કરવામાં આવ્યો છે, ત્યારથી ઉત્તરાખંડના સરકારી કર્મચારીઓ વિચારવા મજબૂર છે કે, આ આદેશને શું સમજવામાં આવે?

5 હજારથી વધુની ખરીદી માટે પરવાનગી લેવી પડશે.

આ સરકારી આદેશ મુજબ, હવે તે બાળકો માટે કપડાં કે પત્ની માટે સાડી ખરીદી શકશે નહીં. પછી ભલે તે પત્ની માટે ઘરેણાં હોય કે બાળકો માટે લેપટોપ, ઘર માટે એસી હોય કે કુલર… આ બધી વસ્તુઓ ખરીદવા અને વેચવા માટે, સૌ પ્રથમ વિભાગના વડા અથવા સચિવાલયના કર્મચારીઓએ પરવાનગી લેવી પડશે.

કર્મચારીઓ સરકારી આદેશથી નારાજ

કર્મચારીઓ આ આદેશથી નારાજ છે. ઉત્તરાખંડ એસટી-એસસી કર્મચારી મહાસંઘના પ્રમુખ કરમ રામ કહે છે કે આ આદેશ હાસ્યાસ્પદ છે. સરકારે આ આદેશ પાછો ખેંચવો જોઈએ. આજના મોંઘવારીના યુગમાં 10 પ્રકારના ટેક્સ વસૂલવામાં આવે છે. તમે તમારી પત્ની કે બાળકો માટે જે પણ ખરીદવા જાઓ છો, તેની કિંમત 5 હજારથી ઓછી નહીં હોય.

કર્મચારી મહાસંઘના પ્રમુખે કહ્યું- મર્યાદા એક લાખ હોવી જોઈએ

વધુમાં તેમણે કહ્યું કે, આ આદેશ રાજ્યના મુખ્ય સચિવ દ્વારા જારી કરવામાં આવ્યો હોય, તો આવો આદેશ જારી કરતા પહેલા કર્મચારી સંગઠનો અથવા તેમના પ્રતિનિધિઓ સાથે વાતચીત કરવી જરૂરી બની જાય છે. તેમનું માનવું છે કે ઓછામાં ઓછી તેની ઓછામાં ઓછી મર્યાદા 5 હજાર નહીં એક લાખ હોવી જોઈએ.

પ્લૉટ, વાહનની ખરીદી પહેલા પણ આપવી પડશે માહિતી

કર્મચારીઓનું કહેવું છે કે આ નિયમો મુજબ, જો તેઓ પ્લોટ કે વાહન ખરીદવા માંગતા હોય, તો તેમને વિભાગના વડા પાસેથી માહિતી અને પરવાનગી લેતા હતા. પરંતુ હવે દર મહિને 5000 રૂપિયાથી વધુની કોઈપણ જંગમ મિલકત ખરીદવા માટે તેમના વિભાગના વડા પાસેથી પરવાનગી લેવી પડશે. આ ઉપરાંત, સરકારી કર્મચારીઓએ આખા વર્ષ માટે તેમની જંગમ અને સ્થાવર મિલકતનો હિસાબ આપવો પડશે.

આ પણ વાંચોઃ ગુજરાતની મહિલાઓ માટે સુરક્ષા, આશ્રય અને સશક્તિકરણનું પ્રતીક છે આ હેલ્પલાઈન

આ પણ વાંચોઃ ગુજરાત મેરિટાઈમ યુનિવર્સિટીનો પ્રથમ પદવીદાન સમારોહ શનિવારે યોજાશે, મુખ્યપ્રધાન રહેશે ઉપસ્થિત