હિંદ મહાસાગરમાં ઈરાનના યુદ્ધજહાજ IRIS Dena પર અમેરિકાની સબમરીનનો હુમલો, ભારત સરકારની શરમજનક ચુપ્પી

4 માર્ચ 2026ના રોજ (બુધવારે), હિંદ મહાસાગરમાં શ્રીલંકાના દક્ષિણ કિનારે ગાલે શહેરની નજીક આંતરરાષ્ટ્રીય જળમાં અમેરિકાની નૌકાદળની એક સબમરીને ઈરાનના યુદ્ધપોત IRIS Dena પર ટોર્પેડો (એક પ્રકારનો પાણીની અંદર જતો વિસ્ફોટક હથિયાર) માર્યો. આનાથી ઈરાનનું આ જહાજ ડૂબી ગયું. અમેરિકાના ડિફેન્સ સેક્રેટરી પીટ હેગસેથે પુષ્ટિ કરી કે તેમની સબમરીને આ હુમલો કર્યો હતો. તેમણે કહ્યું કે આ બીજા વિશ્વ યુદ્ધ (WWII) પછી પહેલી વખત છે જ્યારે અમેરિકી સબમરીને ટોર્પેડો વડે દુશ્મનના જહાજને ડુબાડ્યું છે.

આ જહાજમાં આશરે 180 લોકો સવાર હતા. શ્રીલંકાની નૌકાદળે ડિસ્ટ્રેસ કોલ મળતાં બચાવ કામગીરી શરૂ કરી અને 32 લોકોને બચાવીને હોસ્પિટલમાં ખસેડ્યા. અત્યાર સુધીમાં 87થી વધુ લોકોના મોત થયા છે અને 100થી વધુ લોકો હજુ ગુમ છે. સર્ચ ઓપરેશન ચાલુ છે. આ ઘટના અમેરિકા-ઈરાન વચ્ચે ચાલી રહેલા યુદ્ધનો ભાગ છે, જે હવે મધ્ય પૂર્વથી આગળ હિંદ મહાસાગર સુધી પહોંચી ગયો છે. IRIS Dena ઈરાનનું મહત્વનું જહાજ હતું અને તે ભારતમાં થયેલા નૌકાદળની એક્સરસાઈઝમાંથી પરત જઈ રહ્યું હતું.

આ જહાજ ફેબ્રુઆરીમાં ભારતના વિશાખાપટ્ટનમમાં આયોજિત MILAN 2026 નેવલ એક્સરસાઈઝ અને International Fleet Reviewમાં ભાગ લેવા આવ્યું હતું. ભારતીય નૌકાદળે તેને આમંત્રણ આપ્યું હતું. ભારતના રાષ્ટ્રપતિ સામે જહાજની ખૂબીઓ બતાવવામાં આવી હતી અને ઈરાની નાવિકોએ વિશાખાપટ્ટનમમાં માર્ચ પણ કર્યો હતો. જહાજ જ્યારે ઈરાન પરત ફરી રહ્યું હતું ત્યારે આ હુમલો થયો.

ઈરાને આ હુમલાની નિંદા કરી છે. ઈરાનના વિદેશમંત્રીએ કહ્યું કે આ અત્યાચાર છે અને અમેરિકાને આનો ખૂબ પસ્તાવો થશે. ઈરાન કહે છે કે જહાજ આંતરરાષ્ટ્રીય જળમાં હતું, કોઈ યુદ્ધ કાર્યવાહીમાં નહોતું. અમેરિકા કહે છે કે આ ચાલુ યુદ્ધનો ભાગ છે અને ઈરાની નૌકાદળને ટાર્ગેટ કરવામાં આવ્યું છે.

જોકે, આ મુદ્દે ભારત સરકાર તરફથી હજુ સુધી કોઈ નિવેદન આવ્યું નથી. સરકાર હંમેશની જેમ આ વખતે પણ મૌન જ છે. વિપક્ષી પાર્ટીઓ AAP અને કોંગ્રેસે સવાલ ઉઠાવ્યા છે કે ભારતના મહેમાનને આવું થયું તો ભારત કેમ ચૂપ છે? આ ઘટના હિંદ મહાસાગરમાં તણાવ વધારી રહી છે અને ભારતની વિદેશ નીતિ પર પણ સવાલ ઉભા થઈ રહ્યા છે.

ये वीडियो मोदी की कायरता को हमेशा हमेशा के लिए दर्ज करेगा।
भारत के बुलावे पर “मिलन युद्धाभ्यास 2026” के लिए ईरान ने अपना जहाज भेजा था।
महामहिम राष्ट्रपति जी के सामने इस जहाज की खूबियाँ बताई गई।
इस जहाज को अमेरिका ने मार गिराया जिसमें 100 से अधिक नाविक मारे गये, हमारे मेहमान मारे… pic.twitter.com/OzbuXFSZht

— Sanjay Singh AAP (@SanjayAzadSln) March 4, 2026

ભારત સરકાર આ વખતે ખરેખર શરમાજનક રીતે ચૂપ છે. ઈરાનનું જહાજ IRIS Dena આપણા દેશમાં MILAN 2026 નેવલ એક્સરસાઈઝમાં આવ્યું હતું, આપણા મહેમાન તરીકે ભાગ લીધો અને પછી પરત જતું હતું ત્યારે અમેરિકી સબમરીને હિંદ મહાસાગરમાં તેને ટોર્પેડો મારીને ડુબાડી દીધું. એટલું જ નહીં, આ બધું શ્રીલંકાની નજીક થયું, જે આપણા દેશની બાજુમાં છે. પણ મોદી સરકાર એક શબ્દ પણ બોલી રહી નથી.

આપણા મહેમાનનુ આટલુ મોટું અપમાન થાય, તોય બેશરમ સરકાર માત્ર ચૂપ્પી સાધીને બેસી રહે. આ દેશની તાકાત અને આબરુને ખતરામાં મૂકે છે. હવે સમય છે કે સરકાર જાગે, અમેરિકાને સ્પષ્ટ જવાબ આપે અને ભારતના હિતોનું રક્ષણ કરવાની હિંમત બતાવે, નહીં તો લોકો આ નબળાઈને ક્યારેય ભૂલશે નહીં.

એક તરફ વિદેશ નીતિમાં સ્પષ્ટ નબળાઈ દેખાઈ રહી છે, તો બીજી તરફ આંતરિક મુદ્દાઓ પર પણ પારદર્શિતા નથી. દેશના હિતો અને આબરુને બચાવવા માટે સરકારે સ્પષ્ટ જવાબ આપવો જોઈએ, નહીં તો લોકો વધુ શંકા કરશે કે શું કંઈ છુપાવવામાં તો નથી આવી રહ્યું ને? જેમ કે એપસ્ટીન ફાઈલમાં મોદીનું નામ તો ચુપ્પીનુ કારણ નથી ને…સમજાય તો આ ઘણુ બધુ કહી જાય છે.

આ પણ વાંચો: ફક્ત સૈન્ય સંઘર્ષથી નહીં મળે સમાધાન… મિડલ ઈસ્ટ અને યુક્રેન પર PM મોદીનું મોટું નિવેદન