અનોખી ‘કામધેનુ’ ગાય: વાછરડાને જન્મ આપ્યા વગર જ આપે છે 5 લીટર દૂધ
કોરબા, તા. 23 ઓગસ્ટ, 2025: છત્તીસગઢના કોરબા જિલ્લામાં એક અનોખો કિસ્સો સામે આવ્યો છે, જ્યાં એક ગાયે વાછરડાને જન્મ આપ્યા વિના જ દૂધ આપવાનું શરૂ કર્યું છે. સામાન્ય રીતે, ગાય વાછરડાના જન્મ પછી જ દૂધ આપે છે, પરંતુ આ ગાયના વર્તનને લોકો ‘ચમત્કાર’ માની રહ્યા છે અને તેની પૂજા કરી રહ્યા છે. કેટલાક લોકો આ ગાયને પૌરાણિક કામધેનુ ગાયની પ્રજાતિ ગણાવી રહ્યા છે.
રોજ 5 લીટર દૂધ આપે છે આ ગાય
ગાયના માલિક ધનંજય સિંહ કોલે જણાવ્યું કે, આ ગાય દરરોજ સવારે અને સાંજે 5 લીટર દૂધ આપે છે. આ ઘટનાથી ગામના લોકો આશ્ચર્યચકિત છે અને આ ગાયને ‘કામધેનુ’ કહી રહ્યા છે. જોકે, પશુચિકિત્સકનું કહેવું છે કે લોકો ભલે તેને ચમત્કાર માનતા હોય, પરંતુ આ પાછળનું કારણ હોર્મોનલ ફેરફારો હોઈ શકે છે.
શું છે સમગ્ર મામલો?
કોરબા જિલ્લાના દીપકા વિસ્તારમાં રહેતા ધનંજય સિંહ કોલ પશુઓનો ઉછેર કરે છે. તેમની પાસે બે ગાય છે. થોડા દિવસો પહેલા, તેમણે જોયું કે જે ગાયે વાછરડાને જન્મ આપ્યો ન હતો તેના આંચળમાંથી દૂધ ટપકી રહ્યું હતું. શરૂઆતમાં તેમને આ વાત સામાન્ય લાગી, પરંતુ પછી દૂધ નિયમિત રીતે ટપકવા લાગ્યું. આ જોઈને તેમણે ગાયનું દૂધ દોહવાનું શરૂ કર્યું અને તેમને ખબર પડી કે ગાય દરરોજ 5 લીટર દૂધ આપે છે.
લોકોએ પૂજા કરવાનું શરૂ કર્યું
જેમ જેમ આ વાત સ્થાનિક લોકો સુધી પહોંચી, તેમ તેમ તેઓ ગાયને જોવા આવવા લાગ્યા. તેઓ ગાયને ‘કામધેનુ’ કહીને બોલાવવા લાગ્યા અને તેની પૂજા કરવા લાગ્યા. ગામના લોકોએ સલાહ આપી કે આ ગાયની નિયમિત પૂજા કરવી જોઈએ. પરિણામે, ગામના લોકોએ ગાયની પૂજા શરૂ કરી અને દરરોજ એક લીટર દૂધ ભગવાનને અર્પણ કરવાનું પણ શરૂ કર્યું.
આ પણ વાંચોઃ પીએમ મોદી ગુજરાતમાં મહેસૂલ, ઊર્જા અને પેટ્રોકેમિકલ્સ વિભાગના ₹1218 વિકાસકાર્યોની ભેટ આપશે
