મોંઘવારી ભથ્થા (DA) માં 5% નો તોતિંગ વધારો, જાણો કયા કર્મચારીને થશે લાભ
5% DA Hike: કેન્દ્ર સરકારના કર્મચારીઓની જેમ હવે દેશના અલગ-અલગ રાજ્યોની સરકારો પણ પોતાના કર્મચારીઓ અને પેન્શનરો માટે મોંઘવારી ભથ્થા (Dearness Allowance – DA) ની જાહેરાત કરવા લાગી છે. તાજેતરમાં જ અરૂણાચલ પ્રદેશ, રાજસ્થાન, ઉત્તર પ્રદેશ અને બિહાર સહિતના અનેક રાજ્યોએ પોતાના કર્મચારીઓના ભથ્થામાં 2% નો વધારો કર્યો હતો. આ દરમિયાન હવે ત્રિપુરા સરકારે (Tripura Government) પોતાના સરકારી કર્મચારીઓ અને પેન્શનધારકો માટે મોંઘવારી ભથ્થામાં સીધો 5% નો જંગી વધારો કરીને મોટી ભેટ આપી છે.
કેન્દ્રીય કર્મચારીઓ અત્યારે એક તરફ 8મા પગાર પંચની (8th Pay Commission) ભલામણોની રાહ જોઈ રહ્યા છે, તો બીજી તરફ વર્ષના બીજા ભાગના મોંઘવારી ભથ્થાની પણ આતુરતાથી પ્રતીક્ષા કરી રહ્યા છે. કેન્દ્ર સરકારે વર્ષના પ્રથમ ભાગ માટે 2% ડીએ વધાર્યો હતો, જેની જાહેરાત એપ્રિલ મહિનામાં કરાઈ હતી. હવે બીજા ભાગ માટે સપ્ટેમ્બર અથવા ઓક્ટોબર મહિનામાં નિર્ણય લેવાય તેવી સંભાવના છે. આ બધાની વચ્ચે ત્રિપુરાના મુખ્યમંત્રી માણિક સાહાએ (CM Manik Saha) 5% ડીએ વધારવાની જાહેરાત કરીને કર્મચારીઓમાં ખુશીનો માહોલ બનાવી દીધો છે.
ત્રિપુરા સરકારના આ નિર્ણયથી કોને અને કેટલો ફાયદો થશે?
ત્રિપુરા સરકારે ગયા અઠવાડિયે રાજ્ય સરકારના કર્મચારીઓ અને પેન્શનરો માટે મોંઘવારી ભથ્થા (DA) અને મોંઘવારી રાહત (DR) માં 5% વધારાની સત્તાવાર ઘોષણા કરી છે. આ નિર્ણય અંગેની મહત્વની વિગતો નીચે મુજબ છે:
- બેઝિક સેલરીમાં વધારો: આ 5% ના વધારા સાથે જ કર્મચારીઓની બેઝિક સેલરીમાં ડીએનો હિસ્સો વધીને હવે 41% થઈ ગયો છે.
- ક્યારથી અમલી બનશે: મુખ્યમંત્રી માણિક સાહાની જાહેરાત મુજબ, આ નવો વધારો 1 એપ્રિલ 2026 થી લાગુ ગણવામાં આવશે.
- લાભાર્થીઓની સંખ્યા: આ નિર્ણયથી રાજ્યના 1,02,563 સરકારી કર્મચારીઓ અને 81,019 પેન્શનરો સહિત કુલ 1,83,582 લોકોને સીધો આર્થિક ફાયદો થશે.
- સરકાર પર બોજ: કર્મચારીઓને આ 5% ડીએ આપવા માટે ત્રિપુરા સરકાર દર વર્ષે વધારાના ₹500 કરોડનો ખર્ચ કરશે.
મુખ્યમંત્રીએ જણાવ્યું હતું કે, “અમે કર્મચારીઓના ડીએમાં સતત વધારો કરવાનો પ્રયાસ કરી રહ્યા છીએ જેથી કરીને કેન્દ્ર સરકારના કર્મચારીઓ અને રાજ્યના કર્મચારીઓના પગાર વચ્ચેનો તફાવત ઘટાડી શકાય.” રાજ્યના નાણા મંત્રી પ્રણજીત સિંહા રોયના જણાવ્યા અનુસાર, નાણાકીય વર્ષ 2026-27 માટે ત્રિપુરાના કુલ ₹34,212.31 કરોડના બજેટમાંથી આશરે ₹15,000 કરોડ માત્ર પગાર અને પેન્શન પાછળ ખર્ચવામાં આવશે.
નાણા મંત્રાલય, રેલવે અને IBA દ્વારા પણ DA માં વધારો
ચાલુ વર્ષ 2026 માં માત્ર ત્રિપુરા જ નહીં, પરંતુ કેન્દ્ર સરકારના અલગ-અલગ વિભાગો અને બેંકો દ્વારા પણ મોંઘવારી ભથ્થામાં સુધારો કરવામાં આવ્યો છે:
- નાણા મંત્રાલય (Finance Ministry): નાણા મંત્રાલયે 22 એપ્રિલના રોજ કેન્દ્ર સરકારના કર્મચારીઓ અને પેન્શનરો માટે 2% ડીએ વધાર્યો હતો, જે 1 જાન્યુઆરી 2026 થી પ્રભાવી બન્યો છે.
- ઇન્ડિયન બેંક્સ એસોસિએશન (IBA): ત્યારબાદ 2 મેના રોજ IBA એ બેંક કર્મચારીઓ માટે મે, જૂન અને જુલાઈ 2026 ના મહિના માટે ડીએમાં સુધારો કર્યો છે. આનાથી તમામ સ્તરના બેંક અધિકારીઓ અને કર્મચારીઓના પગારમાં વધારો થયો છે. આ અંતર્ગત, ₹48,000 થી ₹1,17,000 વચ્ચેની બેઝિક સેલરી ધરાવતા કર્મચારીઓના પગારમાં ₹435 થી લઈને ₹1,050 સુધીનો વધારો થયો છે.
- ભારતીય રેલવે (Indian Railways): આ જ કડીમાં 13 મેના રોજ ભારતીય રેલવેએ પણ પોતાના લાખો કર્મચારીઓ અને પેન્શનરો માટે ડીએમાં 2% નો વધારો જાહેર કર્યો હતો, જે 1 જાન્યુઆરી 2026 થી લાગુ થઈ ચૂક્યો છે.
આ પણ વાંચોઃ Karnataka: કર્ણાટકના મુખ્યમંત્રી પદેથી રાજીનામું આપશે સિદ્ધારમૈયા?
આ પણ વાંચોઃ Health Tips :ઉનાળામાં નાળિયેર પાણી પીવાથી મળશે આ 5 અદ્ભુત ફાયદા
અમારી WhatsApp ચેનલમાં જોડાવા આ લિંક પર ક્લીક કરો
