Swara Bhaskar Controversy: ઈન્ટરનેટ પર એક વાર ફરી બોલિવૂડ એક્ટ્રેસ સ્વરા ભાસ્કરની કમેન્ટ ચર્ચાના કેન્દ્રમાં આવી છે. દિલ્હીમાં યોજાયેલા એક ઈવેન્ટ દરમિયાન તેમણે વર્ષ 2018માં આવેલી દીપિકા પાદુકોણની ફિલ્મ ‘પદ્માવત’ પર પોતાનું નિવેદન આપ્યું હતું. જેમાં તેમણે જૌહરના સીન સામે ભારે વિરોધ નોંધાવ્યો હતો. સ્વરાએ જૌહર કરનારી મહિલાઓની સરખામણી દુષ્કર્મ પીડિતા સાથે કરી નાખી, જેના પછી સોશિયલ મીડિયા પર લોકોનો ગુસ્સો ફાટી નીકળ્યો હતો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ટ્રોલિંગ પર સ્વરા ભાસ્કરે આપ્યો સણસણતો જવાબ

પોતાની કમેન્ટ્સના કારણે સ્વરા ભાસ્કરને ભારે ટીકાઓનો સામનો કરવો પડ્યો હતો. અનેક યુઝર્સે તેમની સમજણ અને જ્ઞાન પર સવાલો ઉઠાવીને તેમને ટ્રોલ કરી હતી. કેટલાક લોકોએ તો તેમને ગાળો આપવાનું પણ શરૂ કરી દીધું હતું, જેમાં મહિલાઓ પણ સામેલ હતી. લોકોનો ગુસ્સો એટલો વધી ગયો કે આખરે સ્વરાએ સામે આવીને પલટવાર કરવો પડ્યો.

This! pic.twitter.com/UaPifAS8BA

— Swara Bhasker (@ReallySwara) September 1, 2026

એક્ટ્રેસે સોશિયલ મીડિયા પર ટ્રોલ્સને જવાબ આપતા લખ્યું- “એ ખરેખર હેરાન કરનારી વાત છે કે આટલી મોટી સંખ્યામાં લોકો (મહિલાઓ પણ સામેલ) આ સામાન્ય વાતથી ટ્રિગર થઈ રહ્યા છે કે દુષ્કર્મ પીડિતોને દુષ્કર્મ પછી પણ પોતાની જિંદગી જીવવાનો પૂરો અધિકાર છે.”

આ પણ વાંચોઃ શુક્રનું તુલા રાશિમાં ગોચર: 2 સપ્ટેમ્બરથી મેષ સહિત આ 4 રાશિઓનું ભાગ્ય ચમકશે

X (અગાઉનું ટ્વિટર) પર સ્વરાએ પોતાના વિવાદિત નિવેદનોનો બચાવ ચાલુ રાખ્યો હતો. તેમણે લખ્યું કે એ જોઈને આશ્ચર્ય થાય છે કે કેટલી મહિલાઓ અને પુરુષો આ વાતથી પરેશાન છે કે દુષ્કર્મ પીડિતોને પોતાની સાથે થયેલા આ ભયાનક અપરાધ પછી પણ પોતાની જિંદગી જીવવાનો પૂરો હક છે. ત્યારબાદ અન્ય એક ટ્વિટમાં સ્વરાએ પોતાની વાત આગળ વધારતા લખ્યું- “એ વિચાર કે કોઈ મહિલાની ઈજ્જત અને પવિત્રતા તેના જીવન કરતા વધુ જરૂરી છે, તે ખરેખર ‘ઓનર કિલિંગ’ એટલે કે સન્માનના નામે મહિલાઓની હત્યાનું મૂળ કારણ છે.”

Gonna say it AGAIN… it is WILD how many woman and men are triggered by the idea that rape survivors have the right to life after the horrible crime committed on them.

— Swara Bhasker (@ReallySwara) September 1, 2026

The idea that woman’s chastity is more important than her life is the LITERAL idea behind ‘honour killings’ of women. It’s regressive and horrible- we are able too see it well enough when it happens in Pakistan or Afghanistan.. but dress it up as ‘Indian tradition’, make a glossy…

— Swara Bhasker (@ReallySwara) September 1, 2026

તેમણે વધુમાં ઉમેર્યું, “આ વિચારસરણી અત્યંત પછાત અને ડરામણી છે. જ્યારે આવું અફઘાનિસ્તાન કે પાકિસ્તાનમાં થાય છે, તો આપણે તેને સરળતાથી ખોટું અને ખરાબ માની લઈએ છીએ. પરંતુ જો આ જ વસ્તુને ‘ભારતીય પરંપરા’નું નામ આપી દેવાય અને તેના પર ચમકધમક વાળી બોલિવૂડ ફિલ્મ બનાવી દેવાય, તો જુઓ કેવી રીતે ભણેલા-ગણેલા લોકો પણ તેનો બચાવ કરવા સામે આવી જાય છે.”

શું હતું સ્વરાનું મૂળ નિવેદન, જેના પર થયો વિવાદ?

સ્વરા ભાસ્કરે ફિલ્મ ‘પદ્માવત’ના જૌહર સીન પર કહ્યું હતું કે તેમણે ફિલ્મ જોયા બાદ ડાયરેક્ટર સંજય લીલા ભંસાલીને એક ઓપન લેટર લખ્યો હતો. જેમાં તેમણે 800 મહિલાઓના જૌહર વાળા સીન પર નિશાન સાધ્યું હતું. આ સીનની સરખામણી એક્ટ્રેસે દુષ્કર્મ પીડિતો સાથે કરી હતી અને સવાલ કર્યા હતા કે જો કોઈ મહિલા દુષ્કર્મનો શિકાર બને તો શું તેની જિંદગી ખતમ ગણાવી જોઈએ? પોતાની ઈજ્જત બચાવવા માટે જીવ આપવો કેટલો યોગ્ય છે? શું દુષ્કર્મ થવો એ મહિલાના જીવનનો અંત છે?

Swara Bhaskar speaks about her letter to filmmaker Sanjay Leela Bhansali on the scene of Jauhar in the movie Padmavat pic.twitter.com/6X4Z0SvFtC

— Yeshi Seli (@YeshiSeli) August 31, 2026

બસ, તેમના આ જ સવાલોથી સોશિયલ મીડિયા પર લોકો નારાજ થઈ ગયા અને તેઓ ભારે ટ્રોલિંગનો ભોગ બન્યા.

આ પણ વાંચોઃ ટ્રેન મોડી પડી તો કર્યો જુગાડ, બનાવી એવી એપ જેને Google એ 280 કરોડમાં ખરીદી