Stock Market: શેરબજારનું ફ્લેટ ક્લોઝિંગ, નિફ્ટી 23,215.95 લાલ નિશાનમાં બંધ
Stock Market: બુધવારે સ્થાનિક શેરબજારો ફ્લેટ બંધ થયા હતા. BSE અને NSE પર લિસ્ટેડ મોટાભાગના મુખ્ય શેર ઘટાડા સાથે લાલ નિશાનમાં બંધ થયા. આજે બજારે વધારા સાથે વેપાર શરૂ કર્યો હતો અને એક સમયે 0.50 ટકાથી વધુનો ઉછાળો આવ્યો હતો. જોકે દૈનિક વેપારના અંત સુધીમાં બજારમાં વેચાણનું દબાણ રહ્યું હતું. બુધવારે BSEનો બેન્ચમાર્ક ઇન્ડેક્સ સેન્સેક્સ 64.42 પોઈન્ટના નજીવા વધારા સાથે 73,983.18 પોઈન્ટ પર બંધ થયો હતો. જ્યારે NSEનો નિફ્ટી 50 ઇન્ડેક્સ આજે 27.15 પોઈન્ટ ના નજીવા ઘટાડા સાથે 23,214.95 પોઈન્ટ પર બંધ થયો હતો.
સેન્સેક્સ અને નિફ્ટીના અડધાથી વધુ શેરો લાલ નિશાનમાં બંધ થયા
બુધવારે સેન્સેક્સની 30 કંપનીઓમાંથી ફક્ત 12 શેર લીલા રંગમાં વધારા સાથે બંધ થયા હતા અને બાકીની બધી 18 કંપનીઓના શેર લાલ રંગમાં નુકસાન સાથે બંધ થયા હતા. બીજી તરફ નિફ્ટી 50 ની 50 કંપનીઓમાંથી ફક્ત 16 શેર લીલા રંગમાં વધારા સાથે બંધ થયા હતા અને બાકીની બધી 34 કંપનીઓના શેર લાલ રંગમાં નુકસાન સાથે બંધ થયા હતા. સેન્સેક્સની કંપનીઓમાં FMCG કંપની હિન્દુસ્તાન યુનિલિવરના શેર આજે સૌથી વધુ 1.70 ટકાના વધારા સાથે બંધ થયા હતા. જ્યારે Eternal ના શેર આજે સૌથી વધુ 2.22 ટકાના ઘટાડા સાથે બંધ થયા હતા.
આ શેરો લીલા નિશાન પર ટ્રેડિંગ બંધ થયા
આ ઉપરાંત આજે કોટક મહિન્દ્રા બેંકના શેર 1.64 ટકા, એક્સિસ બેંક 1.58 ટકા, આઈસીઆઈસીઆઈ બેંક 1.40 ટકા, આઈટીસી 1.30 ટકા, એચડીએફસી બેંક 1.16 ટકા, એલ એન્ડ ટી 1.06 ટકા, સન ફાર્મા 0.48 ટકા, પાવર ગ્રીડ 0.40 ટકા, એશિયન પેઇન્ટ્સ 0.28 ટકા, ટીસીએસ 0.20 ટકા અને એસબીઆઈના શેર 0.04 ટકાના વધારા સાથે બંધ થયા હતા.
આ પણ વાંચોઃ રશિયા સાથેની મિત્રતા ભારે પડી, EUએ ભારત-ચીનની કંપનીઓ પર પ્રતિબંધ મુક્યા
