નાની સ્ટીલ કંપનીઓએ નોકરી-ઉત્પાદનમાં કપાતનો નિર્ણય ટાળ્યો

નવી દિલ્હી, 23 એપ્રિલ, 2025: સસ્તી આયાત પર નિયંત્રણ મુકવા માટે ભારત દ્વારા પાંચ સ્ટીલ પ્રોડક્ટ પર 12 ટકા સેફગાર્ડ ડ્યૂટી લગાવવામાં આવ્યા પછી નાની સ્ટીલ મિલોએ રોજગારી અને ઉત્પાદનમાં કાપ મુકવાની યોજના હાલ પૂરતી મુલતવી રાખી છે.

મિલના અધિકારીઓના અનુસાર ઘરેલુ ઉત્પાદકોની રક્ષા માટે ડ્યૂટી લગાવવાનો સરકારનો સારો નિર્ણય છે. તેનાથી ચીનથી સ્ટીલની આયાતમાં ઘટાડો થઇ શકે છે. પંજાબના જોગિંદ્રા ગ્રુપના ચેરમેન તેમજ મેનેજિંગ ડિરેક્ટર આદર્શ ગર્ગે જણાવ્યું હતુ કે સેફ ગાર્ડ ડ્યૂટી લગાવવાથી નુકસાનમાં ચાલી રહેલા ઉદ્યોગ માટે મોટી રાહત છે અને આ કિંમત વધારવાની તક આપે છે. હાલમાં અમે રોજગારીમાં કાપ મુકવાનો નિર્ણય મુલતવી રાખ્યો છે. આ પગલાં પછી માંગ કેવી રહે છે તે અમે જોઇશું.

પુણે સ્થિત એનલાઈટ મેટલ્સના ડિરેક્ટર વેદાંત ગોયલે જણાવ્યું હતું કે આ રાહત સ્ટીલની માંગને વેગ આપશે, જે સસ્તી આયાતને કારણે બહારના કામદારોને જાળવી રાખવામાં મદદ કરશે. નેવિગેટ કોમોડિટીઝના મેનેજિંગ ડિરેક્ટર એટિલા વિડનેલે જણાવ્યું હતું કે, “ભારતના ક્રેકડાઉનથી સ્થાનિક અને વૈશ્વિક માંગમાં ઘટાડાની સાથે વધારાના પુરવઠાને સંતુલિત કરવા માટે ફરજિયાત સ્થાનિક સ્ટીલ ઉત્પાદન ક્ષમતામાં સુધારાને વેગ આપવા માટે ચીની સત્તાવાળાઓ પર દબાણ વધશે.” રિસર્ચ સંસ્થા જીટીઆરઆઈએ જણાવ્યું હતું કે ડ્યૂટી લાદવાથી સ્ટીલની આયાતને અટકાવી શકાય છે અને આયાતકારોને સ્થાનિક કંપનીઓ પાસેથી ખરીદી કરવા દબાણ કરી શકાય છે.

આ પણ વાંચોઃ ચાલુ વર્ષે વૈશ્વિક અર્થતંત્રની વૃદ્ધિ 3.3 ટકાથી ઘટીને ફક્ત 2.8 ટકાની થશે