સ્કિન ગ્લો નથી કરતી? તો પહેલા તમારી થાળી તપાસો, જુઓ તેમાં શું ખૂટે છે

• આપણી ત્વચાનું વાસ્તવિક સ્વાસ્થ્ય અને ચમક બહારથી નહીં, પણ અંદરથી આવે છે. તમે જે ખાઓ છો તે તમારી ત્વચા પર પ્રતિબિંબિત થાય છે

HD ન્યુઝ ડેસ્કઃ જેમ જેમ ઉંમર વધે છે તેમ તેમ આપણી ત્વચા નિસ્તેજ Skin not glowing દેખાવા લાગે છે. આવી સ્થિતિમાં અરીસામાં જોતાં, એવું લાગે છે કે ચમક ગાયબ થઈ રહી છે. શું તમારી સાથે પણ આવું કંઈક થઈ રહ્યું છે? જો હા તો આવી સ્થિતિમાં તમારે પોતાની જાતને એક પ્રશ્ન પૂછવો જોઈએ કે શું મારી થાળીમાં કંઈક ખૂટતું નથી ને? કારણ કે આપણી ત્વચાનું વાસ્તવિક સ્વાસ્થ્ય અને ચમક બહારથી નહીં, પણ અંદરથી આવે છે. તમે જે ખાઓ છો તે તમારી ત્વચા પર પ્રતિબિંબિત થાય છે.

ઉલ્લેખનીય છે કે ચમકતી ત્વચા મેળવવા માટે ફક્ત સૌંદર્ય પ્રસાધનો જ નહીં, પણ યોગ્ય પોષણ પણ યોગ્ય સમયે, યોગ્ય માત્રામાં લેવું જરૂરી છે. જો તમારા આહારમાં કેટલીક આવશ્યક વસ્તુઓનો અભાવ હોય, તો કોઈ પણ ક્રીમ તમારી ત્વચાને ચમકદાર બનાવી શકતી નથી. તેથી અમે તમને જણાવીશું કે ત્વચાની ચમક ખોવાઈ ગઈ હોય ત્યારે તમારી પ્લેટમાં કઈ આવશ્યક વસ્તુઓ ખૂટતી હશે અને કઈ આદતો તમારી ત્વચાને મુરઝાવી રહી છે.

વિટામિન સીની ઉણપ

વિટામિન સી એક શક્તિશાળી એન્ટીઑકિસડન્ટ છે, જે ત્વચાને ફ્રી રેડિકલથી રક્ષણ આપે છે, કોલેજન બનાવે છે અને ચમક વધારે છે. તેની ઉણપથી ત્વચા નિસ્તેજ અને નિર્જીવ દેખાય છે. ચહેરા પર કરચલીઓ દેખાવા લાગે છે. ડાઘ ધબ્બા કંઈ પણ કરવા છતા જતા નથી. આમળા, નારંગી, લીંબુ, કીવી, જામફળ
બ્રોકોલી અને શિમલા મિર્ચ જેવા શાક અને ફળ તેનો સારો સ્ત્રોત છે.

પ્રોટીન અને હેલ્ધી ફેટ્સનો અભાવ

ત્વચાના સમારકામ અને નવા કોષોના નિર્માણ માટે પ્રોટીન અને હેલ્ધી ફેટ્સ જરૂરી છે. તેના વગર ત્વચા શુષ્ક અને ખેંચાયેલી લાગે છે. હિલિંગ પ્રક્રિયા ધીમી પડે છે. ત્વચાની કુદરતી ચમક અદૃશ્ય થઈ જાય છે. ઈંડા, કઠોળ, દાળ, પનીર, ચીઝ, દહીં, બદામ, અખરોટ, અળસીના બીજ, એવોકાડોમાંથી આ બધું મળી રહે છે. આ ઉપરાંત ઘી અને નાળિયેર તેલ મર્યાદિત માત્રામાં ફાયદાકારક છે

ખાંડ અને પ્રોસેસ્ડ ખોરાકનો વપરાશ

જો તમારા આહારમાં પેકેજ્ડ નાસ્તા, મીઠાઈઓ અને જંક ફૂડનું પ્રમાણ વધુ હોય, તો તમારી ત્વચા પર ખીલ, ઓઈલ અને ડલનેસ દેખાવાનું નિશ્ચિત છે. શરીરમાં બળતરા વધે છે. કોલેજન તૂટી જાય છે, જે ત્વચાની સ્થિતિસ્થાપકતા ઘટાડે છે. ત્વચાની ચમક ઓછી થવા લાગે છે. ઠંડા પીણાં, બિસ્કિટ, ચિપ્સ, રિફાઈન્ડ લોટના બદલે ફળો, બદામ અને તાજા ઘરે બનાવેલા ખોરાક પસંદ કરો. જો તમારી ત્વચા ચમકતી નથી, તો ફક્ત ત્વચાના ઉત્પાદનોને દોષ ન આપો. તમારી પ્લેટ જુઓ, શું તેમાં રંગબેરંગી ફળો, લીલા શાકભાજી, સ્વસ્થ ચરબી અને પાણીની ઉણપ છે? જો આવું થઈ રહ્યું છે, તો ચોક્કસપણે તમારા આહાર પર ધ્યાન આપો.

આ પણ વાંચોઃ હળવી અને સુપાચ્ય મગની દાળ ખાવાથી શરીર અને મન બંને રહેશે એકદમ ‘મસ્ત’