મંદિરમાં નિર્વસ્ત્ર પહોંચી મૂર્તિ લઈને તળાવમાં કૂદી, મહિલાના મોતથી ચકચાર

Tejswini Death : હૈદરાબાદમાં રહેતી સોફ્ટવેર એન્જિનિયર તેજસ્વિનીના મોતના મામલે પોલીસ તપાસમાં ચોંકાવનારી વિગતો સામે આવી છે. થોડા દિવસો પહેલાં પીરજાદીગુડા વિસ્તારમાં આવેલા એક તળાવમાંથી તેમનો મૃતદેહ મળી આવ્યો હતો. હવે તપાસ દરમિયાન મળેલા CCTV ફૂટેજના આધારે પોલીસે અનેક મહત્વના તારણો મેળવ્યા છે.

મંદિરમાં નિર્વસ્ત્ર પ્રવેશ્યાનો દાવો

પોલીસના જણાવ્યા અનુસાર, પ્રાથમિક તપાસમાં સામે આવ્યું છે કે તેજસ્વિની કપડાં ઉતારીને એક મંદિરમાં પ્રવેશી હતી. CCTV ફૂટેજમાં તેઓ મંદિરની અંદરથી એક દેવીની મૂર્તિ લઈ જતી જોવા મળ્યાનો દાવો કરવામાં આવ્યો છે.

મૂર્તિ સાથે તળાવ તરફ ગઈ હોવાનો દાવો

તપાસ અધિકારીઓના જણાવ્યા મુજબ, મંદિરમાંથી મૂર્તિ લઈને તેજસ્વિની નજીકના તળાવ તરફ ગઈ હતી. પોલીસે શંકા વ્યક્ત કરી છે કે તેમણે મૂર્તિ સાથે જ તળાવમાં કૂદકો માર્યો હતો. જોકે, તળાવમાં કૂદ્યાનું કોઈ CCTV ફૂટેજ મળ્યું નથી. હાલમાં પોલીસ તળાવમાં મૂર્તિની શોધખોળ કરી રહી છે, જે તપાસમાં મહત્વનો પુરાવો બની શકે છે.

વધારે ભાડું ચૂકવતી હતી

તપાસ દરમિયાન એવું પણ સામે આવ્યું છે કે તેજસ્વિની જે ફ્લેટમાં રહેતી હતી તેના માટે તેઓ દરરોજ આશરે ₹3,500 જેટલું ભાડું ચૂકવતી હતી, જે માસિક એક લાખ રૂપિયાથી વધુ થાય છે. પોલીસ આર્થિક બાબતો અને તેમની રહેણાંક પરિસ્થિતિની પણ તપાસ કરી રહી છે.

દરેક પાસાથી તપાસ ચાલુ

પોલીસ હાલમાં આ કેસમાં આત્મહત્યાના સંભવિત કારણો, નાણાકીય લેવડદેવડ, આસપાસના લોકોના નિવેદનો તેમજ અન્ય તમામ સંભવિત પાસાઓની તપાસ કરી રહી છે. તેજસ્વિનીની માતાની પણ પૂછપરછ કરવામાં આવી છે.

હાલ સુધી પોલીસે આત્મહત્યાનું ચોક્કસ કારણ જાહેર કર્યું નથી અને તપાસ ચાલુ હોવાનું જણાવ્યું છે.

આ પણ વાંચો : હોસ્પિટલમાં પણ સોનમ વાંગચુકની ભૂખ હડતાળ યથાવત, પત્નીની અપીલ