“મેં સિદ્ધાંતો અને પ્રામાણિકતાથી કામ કર્યું…” પોતાના પર થયેલી FIR બાદ સંદીપ પાઠક ખુલીને આવ્યા સામે

Sandeep Pathak: તાજેતરમાં રાઘવ ચઢ્ઢા સહિત 6 સાંસદોએ આમ આદમી પાર્ટીમાંથી રાજીનામું આપી બધાને ચોંકાવી દીધા હતા. તેમાં આમ આદમી પાર્ટીના સાંસદ સંદીપ પાઠકનું નામ પણ સામેલ છે. રાઘવ ચઢ્ઢા અને સંદીપ પાઠક આમ આદમી પાર્ટી છોડીને હવે ભાજપમાં જોડાયા છે. હવે સંદીપ પાઠક પોતાના પર થયેલી FIR અને AAP કેમ છોડી તે સહિતના તમામ મુદ્દાઓ પર ખુલીને સામે આવ્યા છે.

FIR વિશે હજી સુધી માહિતી મળી નથી

રાજ્યસભા સાંસદ સંદીપ પાઠકે કહ્યું, “ગઈકાલથી ટીવી ચેનલો રિપોર્ટ આપી રહી છે કે પંજાબમાં મારા વિરુદ્ધ બે FIR નોંધાઈ છે. મને હજી સુધી આ FIR અંગે કોઈ ઔપચારિક અથવા અનૌપચારિક માહિતી મળી નથી.”

સરકારી મશીનરીનો દુરુપયોગ

પાઠકે કહ્યું, “ગઈકાલથી હું FIRની નકલ મળવાની રાહ જોઈ રહ્યો છું જેથી હું જવાબ આપી શકું. મારી પાસે હજુ સુધી FIR વિશે કોઈ માહિતી નથી. શક્ય છે કે જો સરકારી મશીનરીનો ખોટો ઉપયોગ કરીને કોઈ એફઆઈઆર નોંધાઈ હોય, તો હું તેને જોયા પછી જ સંપૂર્ણ રીતે જવાબ આપી શકીશ.”

મેં સિદ્ધાંતો અનુસાર કામ કર્યું – પાઠક

પાઠકે આગળ કહ્યું, “જે કોઈ મને જાણે છે, જેણે મારી સાથે કામ કર્યું છે, પછી ભલે તે સ્વયંસેવકો હોય કે નેતા, તે સારી રીતે જાણે છે કે હું સિદ્ધાંતો અને સચ્ચાઈનું પાલન કરનારો વ્યક્તિ છું. જ્યાં સુધી મેં આમ આદમી પાર્ટીમાં કામ કર્યું, ત્યાં સુધી મેં સિદ્ધાંતો અને સચ્ચાઈ અનુસાર કામ કર્યું.”

#WATCH | Delhi: Rajya Sabha MP Sandeep Pathak says, “Since yesterday, television channels have been reporting that two FIRs have been filed against me in Punjab. I have yet to receive any formal or informal information about these FIRs. Since yesterday, I’ve been waiting to… pic.twitter.com/HDKjZ2a92B

— ANI (@ANI) May 3, 2026

મતભેદોના કારણે AAP છોડી – પાઠક

તેમણે કહ્યું, “આજે હું ભારતીય જનતા પાર્ટી (BJP)માં છું. હું સિદ્ધાંતો અને પ્રામાણિકતા અનુસાર જ કામ કરતો રહીશ. રાજકારણમાં સફળતા કે નિષ્ફળતા મારા માટે કોઈ ફરક નથી પાડતી. મને એ સુનિશ્ચિત કરવું છે કે, ભલે હું નિષ્ફળ થઈ જાઉં, પરંતુ હું ક્યારેય મારા રાજકીય ધર્મનો ભંગ ન કરું. મેં આમ આદમી પાર્ટી કોઈ વ્યક્તિગત કારણસર છોડી નથી. મેં આ વિચારધારા અને કામ કરવાની પદ્ધતિમાં લાંબા સમયથી ચાલતા મતભેદોના કારણે કર્યું છે.”

આ પણ વાંચો: રાઘવ ચઢ્ઢા 5 મેના રોજ રાષ્ટ્રપતિ દ્રૌપદી મુર્મુને મળશે, આ મુદ્દાઓ પર કરશે ચર્ચા