લદ્દાખમાં ભયાનક ઠંડી વચ્ચે શૂટિંગ દરમિયાન સલમાન ખાનને ઇજા થઈ, મુંબઈ પરત ફર્યા
મુંબઈ, 21 સપ્ટેમ્બર 2025: સુપરસ્ટાર સલમાન ખાન ‘બેટલ ઓફ ગલવાન’ ફિલ્મની શૂટિંગમાં વ્યસ્ત છે. તેઓ ફિલ્મની શૂટિંગ માટે લદ્દાખમાં કામ કરી રહ્યા હતા. આ દરમિયાન સલમાન ખાનને ઇજા થઈ હતી. પરંતુ તેમણે હિંમત ન હારી અને શેડ્યુલ પૂર્ણ કર્યું. તેઓ મુંબઈ પરત ફરી આવ્યા છે.
સલમાન ખાનને ઇજા થઈ
પિંકવિલાએ પ્રોડક્શન હાઉસના નજીકના સ્ત્રોતના હવાલેથી લખ્યું, ‘લદ્દાખ શેડ્યુલે આખી ટીમના ધૈર્યની કસોટી કરી. સલમાન ખાન અને ક્રૂએ -10 ડિગ્રીથી ઓછા તાપમાનમાં શૂટિંગ કરી. શરીર પર ઇજા થવા અને ઓછા ઓક્સિજન લેવલ હોવા છતાં, સલમાને આ સ્થિતિઓનો સામનો કર્યો.’
View this post on Instagram
લદ્દાખમાં ‘બેટલ ઓફ ગલવાન’ શૂટિંગ પૂર્ણ કર્યા પછી હવે સલમાન ફિલ્મના મુંબઈ શેડ્યુલની શૂટિંગ તૈયારી શરૂ કરવા માટે તૈયાર છે. ફિલ્મનું મુંબઈ શેડ્યુલ આગામી અઠવાડિયામાં શરૂ થશે. તેમાં હાઈ લેવલના એક્શન સાથે ઇમોશનલ સીન પણ શૂટ થશે.
સલમાન ખાને 15 દિવસ લદ્દાખમાં શૂટિંગ કરી
ટીમે 45 દિવસ સુધી રિયલ લોકેશન પર એક્શન અને ડ્રામેટિક સીનની શૂટિંગ પૂર્ણ કરી લીધી છે. આમાંથી 15 દિવસ સુધી સલમાન ખાન સેટ પર હતા. શૂટિંગ દરમિયાન થયેલી ઇજાઓને કારણે હવે સલમાન મુંબઈ શેડ્યુલની શૂટિંગ શરૂ કરતા પહેલાં થોડો આરામ કરવા માંગે છે. તેઓ એક નાનો બ્રેક લઈ રહ્યા છે. મુંબઈ શેડ્યુલમાં ફિલ્મના અનેક બારીક પાસાઓ પર ધ્યાન કેન્દ્રિત કરવામાં આવશે અને ઘણા ઇમોશનલ સીન શૂટ થશે. ફિલ્મનું ડાયરેક્શન અપૂર્વ લાખિયા કરી રહ્યા છે.
સલમાન ખાને જુલાઈમાં ‘બેટલ ઓફ ગલવાન’ ફિલ્મની જાહેરાત કરી હતી. તેમણે મોશન પોસ્ટર શેર કર્યું હતું. ફિલ્મની રિલીઝ ડેટ જાહેર થઈ નથી.
સલમાન ખાનના વર્ક ફ્રન્ટની વાત કરીએ તો ‘બેટલ ઓફ ગલવાન’ ઉપરાંત તેઓ ‘બિગ બોસ 19’માં પણ દેખાશે. સલમાન ખાન ‘બિગ બોસ 19’ના હોસ્ટ છે. ગયા અઠવાડિયાના વીકએન્ડ પર તેઓ દેખાયા ન હતા કારણ કે તેઓ લદ્દાખમાં શૂટિંગ કરી રહ્યા હતા.
આ પણ વાંચો : પૂર્વ ઉપરાષ્ટ્રપતિ જગદીપ ધનખડનું હેલ્થ અપડેટ, અભય ચૌટાલાએ કર્યો મોટો ખુલાસો
