ઑસ્ટ્રેલિયા સામેની વનડે સિરીઝ બાદ રોહિત શર્માની ઇમોશનલ પોસ્ટ: સિડનીને છેલ્લી વાર કહ્યું ‘અલવિદા’

નવી દિલ્હી: 26 ઓક્ટોબર, 2025: ભારતીય ક્રિકેટ ટીમની ઑસ્ટ્રેલિયા સામેની ત્રણ મેચોની વનડે સિરીઝ પૂરી થઈ ગઈ છે. ભલે ટીમ ઇન્ડિયા આ સિરીઝમાં 3માંથી માત્ર એક જ મેચ જીતી શકી હોય, પરંતુ પૂર્વ કેપ્ટન અને દિગ્ગજ ખેલાડી રોહિત શર્માને ‘પ્લેયર ઑફ ધ સિરીઝ’ જાહેર કરવામાં આવ્યો છે. રોહિતે આ સિરીઝમાં એક અડધી સદી અને એક અણનમ સદી ફટકારી હતી. રોહિત અને વિરાટની રમત જોતાં મિશન વર્લ્ડ કપ 2027 માટેની આશાઓ જીવંત દેખાઈ છે.

વતન વાપસી પહેલાં ઇમોશનલ પોસ્ટ

સિરીઝ સમાપ્ત થયા બાદ રોહિત શર્મા સ્વદેશ પરત ફર્યા છે. પરંતુ વતન પરત ફરતા પહેલાં, રોહિતે પોતાના ‘X’ (અગાઉનું ટ્વિટર) એકાઉન્ટ પર એક ભાવનાત્મક પોસ્ટ કરી હતી. પોતાની આ પોસ્ટમાં તેણે લખ્યું, “છેલ્લી વાર સિડનીને અલવિદા.”

One last time, signing off from Sydney 👊 pic.twitter.com/Tp4ILDfqJm

— Rohit Sharma (@ImRo45) October 26, 2025

નોંધનીય છે કે ઑસ્ટ્રેલિયા સામેની ત્રીજી અને અંતિમ વનડે મેચ સિડનીમાં જ રમાઈ હતી, જેમાં રોહિતે અણનમ સદી (Not Out Century) ફટકારીને ભારતને 9 વિકેટથી શાનદાર જીત અપાવી હતી.

રોહિતે પૂર્ણ કરી 50 સદી

આ સિરીઝમાં રોહિત શર્માએ આંતરરાષ્ટ્રીય ક્રિકેટમાં કુલ 50 સદી પૂરી કરીને એક મોટો માઇલસ્ટોન હાંસલ કર્યો છે.

• ટેસ્ટ ક્રિકેટ: 12 સદી
• વનડે ક્રિકેટ: 33 સદી
• ટી20 ક્રિકેટ: 05 સદી
• કુલ આંતરરાષ્ટ્રીય સદી: 50

ઑસ્ટ્રેલિયામાં વિદેશી બેટર દ્વારા સૌથી વધુ વનડે સદી

ઑસ્ટ્રેલિયાની ધરતી પર વિદેશી બેટર તરીકે સૌથી વધુ વનડે સદી ફટકારવાનો રેકોર્ડ પણ રોહિતના નામે છે:

કોઈ એક વિરોધી ટીમ સામે સૌથી વધુ વનડે સદી

વિશ્વ ક્રિકેટમાં કોઈ એક ચોક્કસ ટીમ સામે સૌથી વધુ વનડે સદી ફટકારવાના રેકોર્ડમાં પણ રોહિત શર્મા ટોચના ખેલાડીઓની યાદીમાં સામેલ છે:

આ પણ વાંચોઃ મલેશિયાની મુલાકાતે ટ્રમ્પનો અનોખો અંદાજ, કર્યો ડાન્સ, પુતિન વિશે કહ્યું – ‘હું સમય બગાડીશ નહીં!’, જુઓ video

આ પણ વાંચોઃ ગુજરાતના મંત્રીમંડળમાં 23 કરોડપતિ, જાણો કોણ છે સૌથી વધુ પૈસાદાર મંત્રી