Petrol Diesel Price: પેટ્રોલ-ડીઝલના ભાવ વધશે? કંપનીઓ તરફથી આવ્યું મોટું અપડેટ
National News: મધ્ય પૂર્વમાં ઈરાન અને અમેરિકા વચ્ચે હોર્મુઝ સ્ટ્રેટ પર તણાવ વધી ગયો છે. અમેરિકાએ હોર્મુઝ સ્ટ્રેટ પર નાકાબંધી લાદી છે. આના કારણે વૈશ્વિક સ્તરે ક્રૂડ ઓઈલના ભાવમાં વધારો થયો છે, પરંતુ ભારતમાં એપ્રિલ 2022 થી પેટ્રોલ અને ડીઝલના ભાવમાં વધારો થયો નથી. તેથી ક્રૂડ ઓઈલના ભાવમાં વધારો થવા છતાં ચાર વર્ષ જૂના દરે પેટ્રોલ અને ડીઝલનું વેચાણ તેલ કંપનીઓ માટે ખોટનો સોદો સાબિત થઈ રહ્યું છે.
રશિયા અને યુક્રેન વચ્ચે યુદ્ધ શરૂ થયા પછી વૈશ્વિક બજારમાં ક્રૂડ ઓઈલની કિંમત પ્રતિ બેરલ $100 સુધી પહોંચી ગઈ હતી, જે આ વર્ષની શરૂઆતમાં ઘટીને $70 પ્રતિ બેરલ થઈ ગઈ હતી, પરંતુ ઈરાન-અમેરિકા યુદ્ધને કારણે દર ફરીથી વધીને $100 પ્રતિ બેરલથી વધુ થઈ ગયો, જેના કારણે ભારતનો ઉત્પાદન ખર્ચ પણ વધ્યો છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
દરરોજ ₹1,600 કરોડનું નુકસાન ભોગવી રહી છે કંપની
ક્રૂડ ઓઇલ મોંઘું થવાને કારણે કંપનીઓને પ્રતિ લિટર પેટ્રોલ પર 18 રૂપિયા અને ડીઝલ પર 35 રૂપિયાનું નુકસાન થઈ રહ્યું છે. ગયા મહિને ત્રણ મુખ્ય ઓઈલ કંપનીઓ ઈન્ડિયન ઓઈલ કોર્પોરેશન, ભારત પેટ્રોલિયમ કોર્પોરેશન લિમિટેડ અને હિન્દુસ્તાન પેટ્રોલિયમ કોર્પોરેશન લિમિટેડ દરરોજ લગભગ 2,400 કરોડ રૂપિયાનું નુકસાન ભોગવી રહી હતી. એક્સાઇઝ ડ્યુટીમાં 10 રૂપિયાના ઘટાડા પછી આ નુકસાન ઘટીને 1,600 કરોડ રૂપિયા થઈ ગયું છે. દર 10 ડોલરના ઉછાળાથી નુકસાન લગભગ 6 રૂપિયા પ્રતિ લિટર વધી જાય છે.
ભારત 88% ક્રૂડ ઓઇલ આયાત કરે છે
ભારત તેની જરૂરિયાતનું લગભગ 88% ક્રૂડ ઓઇલ આયાત કરે છે. તેમાંથી 45% મધ્ય પૂર્વ અને 35% રશિયાથી આવે છે. ક્રૂડ ઓઇલની વધતી કિંમતો માત્ર તેલ કંપનીઓ માટે જ નહીં, પરંતુ દેશના ચાલુ ખાતાની ખાધ (CAD) માટે પણ ખતરો છે. અંદાજ છે કે 2026ના પ્રથમ ક્વાર્ટરમાં આ ખાધ વધીને 20 અબજ ડોલર સુધી પહોંચી શકે છે.
અમેરિકા સહિત ઘણા દેશોએ પેટ્રોલ-ડીઝલના ભાવ વધાર્યા
અમેરિકામાં પેટ્રોલની સરેરાશ કિંમતો ઓગસ્ટ 2022 પછી પ્રથમ વખત 4 ડોલર પ્રતિ ગેલનથી ઉપર પહોંચી ગઈ છે. જ્યારે પાકિસ્તાન, નેપાળ અને શ્રીલંકા સહિત ઘણા પડોશી દેશોએ પણ પેટ્રોલ-ડીઝલની કિંમતોમાં વધારો કર્યો છે.
ચૂંટણીઓ પછી વધી જશે ભાવ
સૂત્રોના જણાવ્યા અનુસાર પશ્ચિમ બંગાળ અને તમિલનાડુમાં વિધાનસભા ચૂંટણી પછી તેલ કંપનીઓ 1 મેથી પેટ્રોલ અને ડીઝલના ભાવમાં વધારો કરી શકે છે, એટલે કે સરકારે અત્યાર સુધી ભાવ સ્થિર રાખ્યા હતા, પરંતુ તેલ કંપનીઓના નુકસાનને કારણે કંપનીઓએ ભાવ વધારવાની પરવાનગી આપવી પડી શકે છે, જે દેશવાસીઓ માટે મોટો ફટકો હશે.
આ પણ વાંચોઃ સ્થાનિક ચૂંટણીમાં ગરમાવો, વિવિધ જિલ્લાઓમાં ફોર્મ પાછા ખેંચાયા, મારામારી અને દબાણના આક્ષેપ
