Kedarnath: કેદારનાથ ધામમાં ફટાકડા ફોડીને જન્મદિવસની કરી ઉજવણી, વીડિયો વાયરલ
Tourists Burst Crackers Near Kedarnath: ઉત્તરાખંડના વિશ્વપ્રસિદ્ધ તીર્થસ્થળ કેદારનાથમાં ધાર્મિક ઉલ્લંઘનનો એક ગંભીર મામલો સામે આવ્યો છે. રૂદ્રપ્રયાગ પોલીસે મંદિર પરિસર નજીક ફટાકડા ફોડીને જન્મદિવસની ઉજવણી કરીને વીડિયો સોશિયલ મીડિયા પર ફરતો કરનાર એક વ્યક્તિ સામે કડક કાર્યવાહી શરૂ કરી છે.
વીડિયો પોલીસના ધ્યાન પર આવ્યો
પોલીસના જણાવ્યા અનુસાર, કોઈપણ વાંધાજનક અથવા ધાર્મિક રીતે અપમાનજનક પ્રવૃત્તિઓ સામે તાત્કાલિક કાર્યવાહી થાય તે માટે જિલ્લામાં સોશિયલ મીડિયા પર સતત નજર રાખવામાં આવી રહી છે. ઇન્સ્ટાગ્રામ યુઝર ‘sumit_ke_blog’ દ્વારા પોસ્ટ કરવામાં આવેલો એક વીડિયો પોલીસના ધ્યાન પર આવ્યો હતો.
उच्च हिमालय क्षेत्र केदारनाथ धाम में बम पटाखे फूट रहे है। कुछ लोग अपने दोस्त का birthday माना रहे हैं!
@uttarakhandpolice से आग्रह है कि sumit_k_blog पर सक्त से सक्त कार्यवाही की जाए#Kedarnath #uttarakhand pic.twitter.com/UlsBXLA21G— आलोक | Pahadi Vibe (@alokntyl) April 27, 2026
કેદારનાથ પરિસર નજીક ફટાકડા ફોડીને જન્મદિવસની ઉજવણી
આ વીડિયોમાં, સુમિત નામનો યુવક કેદારનાથ પરિસર નજીક જ તેના મિત્રો સાથે ફટાકડા ફોડીને જન્મદિવસની ઉજવણી કરતો જોવા મળે છે. યુવકે પોતે સ્વીકાર્યું કે, ‘હું મારા મિત્રનો જન્મદિવસ ઉજવી રહ્યો હતો અને ફટાકડા ફોડી રહ્યો હતો.’ ધાર્મિક દ્રષ્ટિકોણથી અત્યંત પવિત્ર ગણાતા આ મંદિરમાં આ પ્રકારની પ્રવૃત્તિથી ભક્તોમાં આક્રોશ ફેલાઈ રહ્યો છે. સ્થાનિકો અને યાત્રાળુઓનું કહેવું છે કે આવી ક્રિયાઓ માત્ર ધાર્મિક લાગણીઓને જ નહીં પરંતુ મંદિરની ગરિમા અને પવિત્રતાને પણ અસર કરે છે.
રુદ્રપ્રયાગ પોલીસે તાત્કાલિક કાર્યવાહી કરી
આ મામલાની ગંભીરતાને ધ્યાનમાં રાખીને, રુદ્રપ્રયાગ પોલીસે તાત્કાલિક કાર્યવાહી કરી અને સોનપ્રયાગ કોતવાલીમાં કેસ નોંધ્યો છે. પોલીસના જણાવ્યા અનુસાર, ભારતીય દંડ સંહિતાની કલમ 353(3) FIR નં. 11/2026 હેઠળ કેસ નોંધવામાં આવ્યો છે. હાલમાં તપાસ ચાલી રહી છે અને વીડિયોમાં દેખાતા આરોપીઓની ઓળખ કરવામાં આવી રહી છે. પોલીસ અધિકારીઓએ સ્પષ્ટતા કરી છે કે ધાર્મિક સ્થળો પર કોઈપણ પ્રકારની અયોગ્ય પ્રવૃત્તિ સહન કરવામાં આવશે નહીં. સોશિયલ મીડિયા પર ફરતા આવા વીડિયો પર નજર રાખવામાં આવી રહી છે, અને ગુનેગારો સામે કડક કાનૂની કાર્યવાહી કરવામાં આવશે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
પોલીસે સોશિયલ મીડિયા યુઝર્સને અપીલ કરી
આ ઘટના બાદ, રુદ્રપ્રયાગ પોલીસે યાત્રાળુઓ અને સોશિયલ મીડિયા યુઝર્સને અપીલ કરી છે, જેમાં દરેકને મંદિરોની ગરિમા અને પવિત્રતા જાળવવા અને જનતાની શ્રદ્ધાને ઠેસ પહોંચાડે તેવા વીડિયો કે રીલ બનાવવાથી દૂર રહેવા વિનંતી કરવામાં આવી છે. તંત્રએ ચેતવણી પણ આપી છે કે ધાર્મિક સ્થળો પર અનુશાસનહીનતા દર્શાવનારા અથવા અભદ્ર વર્તન કરનારાઓ સામે કડક કાનૂની કાર્યવાહી કરવામાં આવશે.
