વર્લ્ડ કપ ફાઇનલમાં હાર બાદ મેશી રડી પડ્યા, વીડિયો થયો વાયરલ
Messi cried after losing in the World Cup: ફિફા વર્લ્ડ કપ 2026ની ફાઇનલમાં સ્પેને ડિફેન્ડિંગ ચેમ્પિયન આર્જેન્ટિનાને વધારાના સમયમાં 1-0થી હરાવી વિશ્વ ખિતાબ જીત્યો. આ હાર સાથે આર્જેન્ટિનાનું સતત બીજી વખત વર્લ્ડ કપ જીતવાનું સપનું અધૂરું રહ્યું.
મેચ પૂર્ણ થયા બાદ સૌથી ભાવુક દૃશ્ય ત્યારે જોવા મળ્યું જ્યારે આર્જેન્ટિનાના કેપ્ટન લિયોનેલ મેશી મેદાન પર જ ભાવુક બની ગયા. અંતિમ સીટી વાગતાં જ તેઓ ઘૂંટણિયે બેસી ગયા અને બાદમાં ઇનામ વિતરણ સમારોહ દરમિયાન તેમની આંખોમાં આંસુ જોવા મળ્યા. આ દૃશ્યોના વીડિયો સોશિયલ મીડિયા પર ઝડપથી વાયરલ થયા અને વિશ્વભરના ચાહકોએ મેશીને સમર્થન આપ્યું.
Lionel Messi, Arjantin taraftarlarının tezahüratıyla duygulanıyor. pic.twitter.com/FkN2VjlUSm
— Messi Anıları (@messianilari) July 19, 2026
મેશીના નામે વધુ એક ઐતિહાસિક સિદ્ધિ
ટ્રોફી જીતવામાં નિષ્ફળતા છતાં લિયોનેલ મેશીએ પોતાના નામે વધુ એક મોટો રેકોર્ડ નોંધાવ્યો. તેઓ ફિફા વર્લ્ડ કપના ઇતિહાસમાં ત્રણ ફાઇનલ રમનાર વિશ્વના માત્ર બીજા ખેલાડી બન્યા. ઉપરાંત 39 વર્ષની ઉંમરે વર્લ્ડ કપ ફાઇનલ રમનાર સૌથી વયસ્ક આઉટફિલ્ડ ખેલાડી તરીકે પણ તેમણે ઇતિહાસ રચ્યો.
એન્ઝો ફર્નાન્ડેઝના રેડ કાર્ડથી આર્જેન્ટિનાને મોટો ફટકો
નિયમિત સમયના અંતિમ તબક્કામાં આર્જેન્ટિનાના મિડફિલ્ડર એન્ઝો ફર્નાન્ડેઝને બીજા યેલો કાર્ડ બાદ રેડ કાર્ડ બતાવવામાં આવ્યો. ત્યારબાદ આર્જેન્ટિનાને 10 ખેલાડીઓ સાથે મેચ રમવી પડી, જેનો સ્પેને પૂરતો લાભ ઉઠાવ્યો. વધારાના સમયમાં ફેરાન ટોરેસે નિર્ણાયક ગોલ કરીને સ્પેનને બીજી વખત વર્લ્ડ કપ ચેમ્પિયન બનાવ્યું.
આ પણ વાંચો : પુંછ-રાજૌરી બેલ્ટમાં ભયંકર ભૂસ્ખલનથી તબાહી, 11 લોકોના મોત, કેટલાય લોકો ગુમ
