Mercedes એ રજૂ કરી હાઇડ્રોજનથી ચાલતી NextGenH2 ટ્રક, 1000 KM સુધી રૂકાવટ વિના દોડશે

નવી દિલ્હીઃ 29 જાન્યુઆરી, 2026: મર્સિડીઝ-બેન્ઝે હાઈડ્રોજનથી ચાલતો અત્યાધુનિક ટ્રક રજૂ કર્યો છે, જેને NextGenH2 નામ આપવામાં આવ્યું છે. આ ટ્રક ખાસ કરીને ભારે સામાનના લાંબા અંતરના પરિવહન માટે ડિઝાઇન કરવામાં આવ્યો છે. ડાઈમલર ટ્રક (Daimler Truck) દ્વારા તેની સત્તાવાર પુષ્ટિ કરવામાં આવી છે. આ ટ્રક ડીઝલ પર નહીં પરંતુ હાઈડ્રોજન પર ચાલે છે અને તેની સૌથી મોટી ખાસિયત એ છે કે તે સંપૂર્ણપણે પ્રદૂષણમુક્ત છે.

કંપનીનું કહેવું છે કે આ ટ્રક એવા રૂટ્સ માટે તૈયાર કરવામાં આવ્યો છે જ્યાં ઇલેક્ટ્રિક ટ્રકોની રેન્જ ઓછી પડે છે. મર્સિડીઝ-બેન્ઝ 2026ના અંત સુધીમાં જર્મનીના વર્થ (Wörth) પ્લાન્ટમાં આ ટ્રકના પ્રથમ 100 યુનિટ્સનું પ્રોડક્શન શરૂ કરશે.

એક વખત રિફ્યુઅલિંગ, 1,000 કિમીનો સફર

લાંબી દૂરી માટે શ્રેષ્ઠ

આ ટ્રકની સૌથી મોટી તાકાત તેની રેન્જ અને ઝડપી રિફ્યુઅલિંગ છે. એક વખત હાઈડ્રોજન ભર્યા બાદ તે આશરે 1,000 કિલોમીટર (621 માઈલ) સુધી ચાલી શકે છે, જે ડીઝલ ટ્રકોની બરાબરી કરે છે. ખાસ કરીને લાંબી હાઈવે યાત્રાઓ માટે આ ટ્રક આદર્શ છે.

ઝડપી રિફ્યુઅલિંગ

જેમ પેટ્રોલ અથવા ડીઝલ ભરવામાં સમય લાગે છે, તેમ જ આ ટ્રકમાં હાઈડ્રોજન ભરવામાં માત્ર 10થી 15 મિનિટ લાગે છે.

શક્તિશાળી એન્જિન

આ ટ્રકમાં બે ફ્યુઅલ સેલ યુનિટ લગાવવામાં આવી છે, જે 402થી 496 હોર્સપાવર સુધી પાવર જનરેટ કરે છે. ભારે લોડ સાથે પહાડી રસ્તાઓ પર પણ આ ટ્રક સરળતાથી ચાલે છે. હાઈડ્રોજન ટેક્નોલોજી કેવી રીતે કામ કરે છે?

લિક્વિડ હાઈડ્રોજન

આ ટ્રકમાં હાઈડ્રોજનને અત્યંત ઓછા તાપમાન (-423°F) પર લિક્વિડ સ્વરૂપમાં સ્ટોર કરવામાં આવે છે, જેથી ઓછી જગ્યા માં વધારે ઈંધણ સંગ્રહ કરી શકાય.

ફ્યુઅલ સેલ ટેક્નોલોજી

હાઈડ્રોજન અને ઓક્સિજનને જોડીને વિજળી ઉત્પન્ન કરવામાં આવે છે, જેના દ્વારા ઇલેક્ટ્રિક મોટર ચલાવવામાં આવે છે.

બેટરી બેકઅપ

ટ્રકમાં 101 kWh ક્ષમતાની નાની બેટરી પણ આપવામાં આવી છે. આ બેટરી રીજેનરેટિવ બ્રેકિંગ દરમિયાન ઊર્જા સંગ્રહ કરે છે અને ચઢાણ વખતે વધારાની પાવર પૂરી પાડે છે.

આધુનિક ડિઝાઇન અને સુરક્ષા સુવિધાઓ
ડિઝાઇન

NextGenH2નું ડિઝાઇન મર્સિડીઝના ઇલેક્ટ્રિક ટ્રક eActros 600 જેવી છે. એરોડાયનેમિક ડિઝાઇનને કારણે હવા નો પ્રતિકાર ઓછો થાય છે અને ઊર્જાની બચત થાય છે. કેબિનમાં ડ્રાઇવર માટે હાઈ-ટેક સ્ક્રીન્સ અને આરામદાયક સુવિધાઓ આપવામાં આવી છે.

સુરક્ષા ટેક્નોલોજી

આ ટ્રકમાં Active Brake Assist 6 અને Active Sideguard Assist 2 જેવી અદ્યતન સુરક્ષા સિસ્ટમ્સ છે, જે અકસ્માતોને ટાળવામાં મદદ કરે છે. ઉપરાંત, હાઈડ્રોજન લીક શોધવા માટે ખાસ સેન્સર્સ પણ લગાવવામાં આવ્યા છે.

સ્વિસ આલ્પ્સમાં કડક પરીક્ષણ

મર્સિડીઝ-બેન્ઝે NextGenH2 ટ્રકના પ્રોટોટાઇપને સ્વિસ આલ્પ્સના પહાડોમાં અત્યંત ઠંડી અને ગરમ પરિસ્થિતિઓમાં ટેસ્ટ કર્યો છે. એક પરીક્ષણ દરમિયાન આ ટ્રકે 20,000 કિલો (44,000 પાઉન્ડ) સામાન સાથે 1,000 કિમીથી વધુ અંતર સફળતાપૂર્વક કાપ્યું હતું.