8 વર્ષના સંબંધ બાદ તૂટ્યું લગ્નજીવન, જ્યોતિએ માંગ્યા 10 કરોડ, કહ્યું- હવે લગ્નથી જ લાગે છે ડર
Pavan Sinh Divorce : ભોજપુરી અભિનેતા પવન સિંહ અને તેમની પત્ની જ્યોતિ સિંહ વચ્ચે ચાલી રહેલો વિવાદ ફરી ચર્ચામાં આવ્યો છે. તાજેતરમાં આપેલા એક ઇન્ટરવ્યુમાં જ્યોતિ સિંહે ખુલાસો કર્યો કે તેમણે પવન સિંહ પાસેથી 10 કરોડ રૂપિયાની ગુજરાન ભથ્થાની માંગણી કરી છે. સાથે જ તેમણે પોતાના સંબંધ અને લગ્નજીવન અંગે અનેક ભાવુક વાતો પણ કરી હતી.
જ્યોતિએ જણાવ્યું કે પવન સિંહે હંમેશા અદાલતમાં કહ્યું હતું કે તેઓ હવે સાથે રહેવા માંગતા નથી. શરૂઆતમાં તેમણે 3 કરોડ રૂપિયાની માંગણી કરી હતી, પરંતુ તે માટે પણ સહમતી મળી નહોતી. તેમના જણાવ્યા મુજબ, પવન સિંહ માત્ર 50 લાખ રૂપિયા આપવા તૈયાર હતા.
અમારી WhatsApp ચેનલમાં જોડાવા આ લિંક પર ક્લીક કરો
જ્યોતિએ કહ્યું કે આજના સમયમાં 50 લાખ રૂપિયામાં યોગ્ય ઘર ખરીદવું પણ મુશ્કેલ છે. તેમણે એવો દાવો કર્યો કે 3 કરોડની વાતમાં જ 8 વર્ષ વીતી ગયા, તેથી હવે 10 કરોડની માંગણી કરવામાં આવી છે. તેમના શબ્દોમાં, આ કેસ લાંબા સમય સુધી ચાલશે અને હવે તેઓ ફરી લગ્ન કરવા અંગે વિચારી પણ શકતી નથી.
ઇન્ટરવ્યુ દરમિયાન જ્યોતિએ પોતાના માનસિક દુઃખ અંગે પણ ખુલાસો કર્યો હતો. તેમણે જણાવ્યું કે લગ્નજીવનમાં જે મુશ્કેલીઓ અને માનસિક આઘાતનો સામનો કર્યો છે, તેના કારણે હવે લગ્નના નામથી પણ ડર લાગે છે. જો તેઓને જીવનમાં આગળ વધવું હોત તો ઘણાં વર્ષો પહેલા જ સંબંધ સમાપ્ત કરી દીધો હોત, પરંતુ વર્ષો સુધી સંબંધ જાળવવાનો પ્રયાસ કર્યો હતો.
પવન સિંહના વ્યક્તિગત જીવનની વાત કરીએ તો તેમની પ્રથમ પત્ની પ્રિયા કુમારી સિંહનું વર્ષ 2015માં અવસાન થયું હતું. ત્યારબાદ વર્ષ 2018માં તેમણે જ્યોતિ સિંહ સાથે લગ્ન કર્યા હતા. જોકે થોડા સમય બાદ બંને વચ્ચે મતભેદો વધતા મામલો અલગાવ સુધી પહોંચ્યો હતો.
આ મામલો હવે ભોજપુરી મનોરંજન જગતમાં ચર્ચાનો મુખ્ય વિષય બન્યો છે અને ચાહકો પણ બંનેના સંબંધોને લઈને સતત પ્રતિક્રિયાઓ આપી રહ્યા છે.
આ પણ વાંચો : પાકિસ્તાને ભારતનો કરજ ઉતાર્યો, પાકિસ્તાની નૌકાદળે ભારતીય જહાજ ગૌતમને બચાવ્યું
