વિરાટ કોહલી વિશ્વનો નંબર 1 ખેલાડી બન્યો, આ ફોર્મેટમાં સચિન કરતા પણ વધારી સદી ફટકારી

VIRAT KOHALI RECORD: વિરાટ કોહલી એક જ ફોર્મેટમાં સૌથી વધુ સદી ફટકારનાર ક્રિકેટર બન્યો છે. તેણે ભારત અને દક્ષિણ આફ્રિકા વચ્ચેની પ્રથમ વનડેમાં આ સિદ્ધિ મેળવી હતી. આ દરમિયાન, ભૂતપૂર્વ દિગ્ગજ બેટ્સમેન રિકી પોન્ટિંગ ટોચના 5 ખેલાડીઓની યાદીમાંથી પાછળ રહી ગયા છે.

રવિવારે દક્ષિણ આફ્રિકા સામેની પ્રથમ વનડેમાં વિરાટ કોહલીએ વર્લ્ડ રેકોર્ડ બનાવ્યો. તે આંતરરાષ્ટ્રીય ક્રિકેટના એક જ ફોર્મેટમાં સૌથી વધુ સદી ફટકારનાર ખેલાડી બન્યો છે. તેણે રાંચીમાં 120 બોલમાં 135 રન બનાવ્યા, જેમાં 11 ચોગ્ગા અને સાત છગ્ગા ફટકાર્યા. 306 વનડે રમીને કોહલીની આ 52મી વનડે સદી હતી.

કોહલીએ દિગ્ગજ બેટ્સમેન સચિન તેંડુલકરને પાછળ છોડીને ઇતિહાસ રચ્યો છે. સચિને ટેસ્ટ ફોર્મેટમાં 51 સદી ફટકારી હતી. તેણે 24 વર્ષની ટેસ્ટ કારકિર્દીમાં 200 ટેસ્ટ મેચમાં આ સિદ્ધિ મેળવી હતી. સચિન સિવાય કોઈએ ટેસ્ટ ક્રિકેટમાં પચાસ સદીનો આંકડો પાર કર્યો નથી.

સચિન પણ યાદીમાં ત્રીજા નંબરે છે. તેણે 463 વનડે મેચમાં 49 સદી ફટકારવાની સિદ્ધિ મેળવી હતી. 2023ના વર્લ્ડ કપ દરમિયાન કોહલીએ સચિનનો સૌથી વધુ ODI સદીનો રેકોર્ડ તોડ્યો. કોહલીએ ન્યૂઝીલેન્ડ સામેની સેમિફાઇનલમાં 50મી સદી ફટકારી.

દક્ષિણ આફ્રિકાના ભૂતપૂર્વ ઓલરાઉન્ડર જેક્સ કેલિસે પોતાની કારકિર્દીમાં 45 ટેસ્ટ સદી ફટકારી હતી. તેમણે આ ફોર્મેટમાં 166 મેચ રમી હતી. તેમણે 2024માં પોતાની છેલ્લી આંતરરાષ્ટ્રીય મેચ રમી હતી.

રિકી પોન્ટિંગ આ યાદીમાં નિષ્ફળ રહ્યા છે. તેઓ 41 ટેસ્ટ સદી સાથે પાંચમા સ્થાને છે. ઓસ્ટ્રેલિયાના ભૂતપૂર્વ કેપ્ટન પોન્ટિંગે ડિસેમ્બર 1995 થી ડિસેમ્બર 2012 સુધી 168 ટેસ્ટ મેચ રમી હતી.

આ પણ વાંચો: ચાલું મેચમાં ગૌતમ ગંભીર અને રોહિત શર્મા વચ્ચે માથાકૂટ થઈ? ડ્રેસિંગ રુમમાંથી ફોટો લીક થયો