હોર્મુઝ સ્ટ્રેટ પર ઈરાનનું નિયંત્રણ નથી, યુએસ સૈન્યનું મોટું નિવેદન

America Iran Conflict: અમેરિકી સેન્ટ્રલ કમાન્ડે (US Central Command) સ્પષ્ટ કર્યું છે કે ‘સ્ટ્રેટ ઓફ હોર્મુઝ’ (હોર્મુઝ જળડમરુમધ્ય) એ તમામ જહાજો માટે સંપૂર્ણપણે ખુલ્લું છે, જેઓ આંતરરાષ્ટ્રીય કાયદા અનુસાર આ જળમાર્ગ પરથી પસાર થવા માંગે છે. અમેરિકી સૈન્ય એ સુનિશ્ચિત કરવા માટે સંપૂર્ણપણે તૈનાત અને સજ્જ છે કે ઈરાનની બિનજરૂરી આક્રમકતા, હેરાનગતિ કરનારી હરકતો, ધમકીઓ અને મનસ્વી નિવેદનો છતાં પણ અહીં નૌકાવિહારની સ્વતંત્રતા (Freedom of Navigation) જળવાઈ રહે. અમેરિકાએ ભારપૂર્વક જણાવ્યું છે કે આ વ્યૂહાત્મક જળમાર્ગ પર ઈરાનનું કોઈ નિયંત્રણ નથી અને અહીં જહાજોની અવરજવર સામાન્ય રીતે ચાલુ છે.

ઈરાને હોર્મુઝ જળમાર્ગ બંધ કરવાની કરી હતી જાહેરાત

આ અગાઉ, ઈરાને રવિવારે સત્તાવાર જાહેરાત કરી હતી કે તેણે હોર્મુઝ જળમાર્ગને બંધ કરી દીધો છે. ઈરાનનો દાવો છે કે એક જહાજ મંજૂરી વગરના અનધિકૃત રૂટ પર આગળ વધી રહ્યું હતું, જેના પર હુમલો કરવામાં આવ્યો હતો. ઈરાને ચેતવણી પણ આપી છે કે આ ઘટનાના બદલામાં જો કોઈ પણ પ્રકારની જવાબી કાર્યવાહી કરવામાં આવશે, તો તેનો આકરો જવાબ આપવામાં આવશે.

ઈરાનના ‘ઇસ્લામિક રિવોલ્યુશનરી ગાર્ડ કોર્પ્સ’ (IRGC) ની નૌસેનાએ એક નિવેદનમાં જણાવ્યું છે કે:

એક અજ્ઞાત જહાજે પોતાની સિસ્ટમ બંધ કરીને દરિયાઈ સુરક્ષાને જોખમમાં મૂકી હતી, જેના પર હુમલો કરીને તેને રોકી દેવામાં આવ્યું છે.

અનેક જહાજોએ આ જળમાર્ગ પર મંજૂરી વિનાના રસ્તેથી પસાર થવાનો પ્રયાસ કર્યો હતો અને પોતાનો રૂટ સુધારવાની ચેતવણીઓને નજરઅંદાજ કરી હતી.

IRGC એ સ્પષ્ટ કર્યું છે કે આગામી આદેશ સુધી અને આ વિસ્તારમાં અમેરિકાની દખલઅંદાજી સંપૂર્ણપણે સમાપ્ત ન થાય ત્યાં સુધી આ જળમાર્ગ બંધ રહેશે. નૌસેનાએ વધુમાં ઉમેર્યું કે ઈરાન વિરૂદ્ધ કોઈપણ આક્રમક પગલાનો જડબાતોડ જવાબ અપાશે અને આ ક્ષેત્રમાં દુશ્મનના નવા ઠેકાણાઓને નિશાન બનાવવામાં આવશે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

હોર્મુઝમાં જહાજો પર હુમલો: ઓમાને 23 ક્રૂ મેમ્બર્સને બચાવ્યા

દરમિયાન, ઓમાને રવિવારે જણાવ્યું હતું કે તેણે એક કોમર્શિયલ (વ્યાપારી) જહાજમાંથી ૨૩ ક્રૂ સભ્યોને સુરક્ષિત બહાર કાઢ્યા છે, જ્યારે એક સભ્ય હજુ પણ ગુમ છે. ઓમાનના પૂર્વીય કિનારા નજીક જહાજ પર થયેલા ભીષણ હુમલા બાદ આ બચાવ કામગીરી હાથ ધરવામાં આવી હતી. ઓમાનના મેરીટાઇમ સિક્યુરિટી સેન્ટરે એક સત્તાવાર નિવેદનમાં જણાવ્યું કે, “23 ક્રૂ સભ્યોને બચાવી લેવાયા છે અને તેમને જરૂરી તબીબી સહાય પૂરી પાડવામાં આવી છે, જ્યારે એક ગુમ થયેલા સભ્યની શોધખોળ હજુ ચાલુ છે”.

એજન્સીના અહેવાલ મુજબ, મુસંદમ ગવર્નરેટના દરિયાકાંઠાથી ૪.૪ નોટિકલ માઈલ દૂર સાયપ્રસનો ધ્વજ ધરાવતા ‘GFS ગેલેક્સી’ (GFS Galaxy) નામના જહાજ તરફથી ઈમરજન્સી મદદ માટેનો કોલ મળ્યો હતો. આ મદદનો સિગ્નલ ત્યારે મળ્યો જ્યારે ઈરાન અને અમેરિકા વચ્ચે તાજેતરમાં થયેલા સામસામે ગોળીબાર દરમિયાન આ જહાજ હુમલાની ઝપેટમાં આવી ગયું હતું.

આ પણ વાંચો :ટીમ ઈન્ડિયાની હાર પાછળ IPLનો હાથ? સંજય માંજરેકરનો રોષે ભરાયા, સિલેક્ટર્સને આપી દીધી ચેતવણી

આ પણ વાંચો :રૂઠેલું ચોમાસું ફરી ધમાકેદાર એન્ટ્રી કરશે… આ તારીખોમાં થશે ધોધમાર વરસાદ