કેદારનાથ યાત્રા માટે હેલિકોપ્ટર બુકિંગ શરૂ: જાણો ભાડું અને સંપૂર્ણ પ્રક્રિયા

Helicopter bookings for Kedarnath: ચારધામ યાત્રા શરૂ થવા જઈ રહી છે, ત્યારે કેદારનાથ ધામ જવા ઇચ્છતા ભક્તો માટે મહત્વપૂર્ણ માહિતી સામે આવી છે. યાત્રા 19 એપ્રિલથી શરૂ થશે અને કેદારનાથના કપાટ 22 એપ્રિલે ખુલશે. આ સાથે હેલિકોપ્ટર દ્વારા યાત્રા માટે બુકિંગ પ્રક્રિયા 11 એપ્રિલના બપોરે 12 વાગ્યાથી શરૂ કરવામાં આવી છે.

હેલિકોપ્ટર સેવા માટે બુકિંગ માત્ર સત્તાવાર વ્યવસ્થા દ્વારા જ કરવામાં આવશે. યાત્રા માટે 22 એપ્રિલથી 15 જૂન સુધીની અવધિ માટે બુકિંગ માન્ય રહેશે. ટિકિટ બુક કરતા પહેલા ઉત્તરાખંડ પ્રવાસન પોર્ટલ પર નોંધણી કરાવવી ફરજિયાત છે. નોંધણી પછી જ યાત્રિકો પોતાના ખાતા દ્વારા બુકિંગ કરી શકશે. એક ઓળખ પર વધુમાં વધુ 6 ટિકિટ બુક કરવાની મર્યાદા રાખવામાં આવી છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

બુકિંગ પ્રક્રિયા સરળ રાખવામાં આવી છે. પ્રથમ સત્તાવાર પોર્ટલ પર જઈ ટિકિટ બુક વિકલ્પ પસંદ કરવો, ત્યારબાદ સૂચનાઓ મુજબ વિગતો ભરવી અને નોંધણીના આધારે યાત્રા માટે સમય પસંદ કરવો. તમામ પ્રક્રિયા પૂર્ણ થયા બાદ ટિકિટ બુક થઈ જશે.

કેદારનાથ માટે હેલિકોપ્ટર સેવા ગુપ્તકાશી, ફાટા અને સિરસી જેવા સ્થળોથી ઉપલબ્ધ રહેશે. ભાડાની વાત કરીએ તો ગુપ્તકાશીથી બંને તરફનો ખર્ચ આશરે 12,762 રૂપિયા છે, ફાટાથી 10,164 રૂપિયા અને સિરસીથી 6,390 રૂપિયા નક્કી કરવામાં આવ્યા છે.

પ્રશાસન દ્વારા ભક્તોને ખાસ ચેતવણી આપવામાં આવી છે કે કોઈપણ ખોટી વેબસાઇટ, સંદેશા અથવા લોભામણા ઓફરો પરથી સાવચેત રહેવું. અગાઉ પણ આવી ઠગાઈના બનાવો સામે આવ્યા છે, તેથી ફક્ત સત્તાવાર માધ્યમ દ્વારા જ બુકિંગ કરવું.

આ સમગ્ર વ્યવસ્થા ભક્તોને સરળ અને સુરક્ષિત યાત્રા સુનિશ્ચિત કરવા માટે કરવામાં આવી છે, જેથી તેઓ નિરાંતે ધાર્મિક યાત્રાનો આનંદ લઈ શકે.

આ પણ વાંચો : VIDEO: ગુજરાતની આરોગ્ય સેવાથી પ્રભાવિત થયો જર્મન પ્રવાસી, જુઓ શું કહ્યું?