GST: GSTની રાહતમાં બાધા બન્યો નબળો રૂપિયો, ડોલર સામે ભારે ઘટાડાથી આયાતી પ્રોડક્ટ થશે મોંઘી
નવી દિલ્હી, 26 સપ્ટેમ્બર, 2025: અમેરિકન ડોલર સામે નબળો પડી રહેલો રૂપિયા ઐતિહાસિક નીચલા સ્તરે સ્પર્શી ગયો છે. નોંધનીય છે કે બુધવારે રૂપિયો ડોલર સામે 88.71ના રેકોર્ડ નીચા સ્તરે બંધ થયો હતો. રૂપિયામાં ઘટાડાનું કારણ દેશમાં આયાતી પ્રોડક્ટ્સ મોંઘી થવાની આશંકા વધી ગઇ છે, જેના કારણે જીએસટી ઘટાડાનો લાભ પણ ઓછો થવાની સંભાવના વધી રહી છે.
H1-B વિઝા પર ફી લગાવવાને કારણે રૂપિયો દબાણ અનુભવી રહ્યો છે. વેપાર નીતિમાં અઆનિશ્ચિતતાની વચ્ચે વિદેશી રોકાણકારોની વેચવાલીને કારણે પણ ઘટાડો આવ્યો છે અને અત્યાર સુધીમાં સૌથી નીચલા સ્તરે છે. મેમાં રૂપિયાનું મૂલ્ય અત્યાર સુધીમાં 4.7% થી વધુ ઘટ્યું છે, જેના કારણે આયાત-આધારિત ક્ષેત્રો માટે ખર્ચમાં વધારો થયો છે. સોનું, ક્રૂડ ઓઇલ, ઇલેક્ટ્રોનિક્સ, પ્લાસ્ટિક અને ખાદ્ય તેલના આયાત ખર્ચમાં 8% વધારો થઈને 12% થયો છે. મોબાઇલ ફોન, લેપટોપ અને ટેલિવિઝન જેવા ગ્રાહક ઇલેક્ટ્રોનિક્સને GST રાહત મળી છે, પરંતુ સપ્ટેમ્બરમાં તેમના ખર્ચ 2025 ના બીજા ક્વાર્ટર કરતા 6% થી 11% વધુ છે. આનાથી GST ઘટાડાનો લાભ 60% ઘટાડીને 90% થયો છે. GST ઘટાડા છતાં, મોટાભાગની આયાતી દવાઓ અને તબીબી ઉપકરણોના છૂટક ભાવ ઊંચા આયાત ભાવને કારણે સ્થિર અથવા થોડા ઊંચા રહ્યા છે.
આ અસર થશે
આયાતી શ્રેણીઓમાં GST ઘટાડાના ફાયદા ગ્રાહકો સુધી મર્યાદિત રહેશે. આયાત ખર્ચમાં વધારો થવાથી કંપનીઓ માટે છૂટક ડિસ્કાઉન્ટ લંબાવવાનું મુશ્કેલ બનશે. મોંઘી આયાત સ્થાનિક ઉત્પાદકો અને છૂટક વિક્રેતાઓને ફાયદો કરાવશે, જ્યારે આયાતકારો એશિયન દેશોમાં સોર્સિંગ શિફ્ટ કરવાની યોજના બનાવી રહ્યા છે.
રૂપિયાની નબળાઈથી પ્રભાવિત ક્ષેત્રો
| ખર્ચમાં વધારો | GSTનો લાભ | કિંમત પર અસર |
| ક્રૂડ ઓઇલ, ઇંધણ | 9-11% | 3-8% |
| ઇલેક્ટ્રોનીકસ | 6-11% | 8-13% |
| સોનું જ્વેલરી | 10-14% | 5-8% |
| ખાદ્ય તેલ, અનાજ | 6-9% | 8-12% |
| ફાર્માસ્યુટિકલ્સ | 5-7% | 5-8% |
આ પણ વાંચોઃ રોકાણકારોની પૈસાથી હેરફેર, બનાવટી એકાઉન્ટ બનાવ્યાઃ સેબીએ સીકોસ્ટ શિપીંગ પર લગાવ્યો 5 વર્ષનો પ્રતિબંધ
