ટોપ ન્યૂઝટ્રેન્ડિંગનેશનલ

પેટ્રોલ-ડીઝલ અને ગેસની અછતને પહોંચી વળવા સરકારનું મોટું પગલુંઃ અમિત શાહની અધ્યક્ષતામાં બની કમિટી

  • સરકારે કેન્દ્રીય ગૃહમંત્રી અમિત શાહના નેતૃત્વમાં પેટ્રોલ, ડીઝલ અને ગેસના પુરવઠા પર દેખરેખ રાખવા માટે એક ખાસ સમિતિની રચના કરી છે

National News: દેશમાં પેટ્રોલ, ડીઝલ અને રાંધણ ગેસની અછત ન રહે તે માટે કેન્દ્ર સરકારે એક મોટું પગલું ભર્યું છે. સરકારે કેન્દ્રીય ગૃહમંત્રી અમિત શાહના નેતૃત્વમાં પેટ્રોલ, ડીઝલ અને ગેસના પુરવઠા પર દેખરેખ રાખવા માટે એક ખાસ સમિતિની રચના કરી છે. ત્રણ મંત્રીઓની સમિતિમાં વિદેશ મંત્રી એસ. જયશંકર અને કેન્દ્રીય પેટ્રોલિયમ મંત્રી હરદીપ સિંહ પુરીનો સમાવેશ થાય છે.

આ સમિતિમાં કોણ કોણ છે?

  • અમિત શાહ (ગૃહમંત્રી)
  • એસ. જયશંકર (વિદેશ મંત્રી)
  • હરદીપ સિંહ પુરી (પેટ્રોલિયમ મંત્રી)

ગેસ એજન્સીઓમાં ભીડ જામી

દિલ્હી, મુંબઈ, લખનૌ અને ભોપાલ જેવા મુખ્ય શહેરોમાં ગેસ એજન્સીઓની બહાર લાંબી લાઈનો જોવા મળી રહી છે. લોકો તેમના સિલિન્ડર રિફિલ કરાવવા માટે કલાકો સુધી રાહ જોઈ રહ્યા છે, જેનું મુખ્ય કારણ મિડલ-ઈસ્ટમાં ચાલી રહેલી જંગ છે. આ અહેવાલોએ લોકોમાં ભય ફેલાવ્યો છે કે રસોઈ ગેસનો પુરવઠો ખોરવાઈ શકે છે અથવા કિંમતો વધી શકે છે. આ ગભરાટને કારણે લોકો સમય પહેલા ગેસનો સ્ટોક કરવા ઉતાવળ કરી રહ્યા છે, જેના કારણે બજારોમાં અરાજકતા ફેલાઈ રહી છે.

અમારી WhatsApp ચેનલમાં જોડાવા આ લીંક પર ક્લીક કરો

https://whatsapp.com/channel/0029VauCUMx6LwHmdrOBwa2X

જોકે સરકારે આ બધી ચિંતાઓને સંપૂર્ણપણે ફગાવી દીધી છે. સરકારનો દાવો છે કે દેશમાં પૂરતો ગેસ અને તેલનો સ્ટોક છે અને સપ્લાય ચેઇનમાં કોઈ વિક્ષેપ નથી. પેટ્રોલિયમ મંત્રાલયે સ્પષ્ટતા કરી છે કે આંતરરાષ્ટ્રીય પરિસ્થિતિ ભારતના સ્થાનિક પુરવઠા પર અસર કરશે નહીં અને ગેસ પુરવઠો સામાન્ય રીતે ચાલુ રહેશે. સરકારે જનતાને અફવાઓ પર ધ્યાન ન આપવા અને ગભરાટથી બચવા અપીલ કરી છે, કારણ કે દેશનો ઉર્જા પુરવઠો સંપૂર્ણપણે સુરક્ષિત છે.

આ પણ વાંચોઃ LPG Crisis: કાળા બજાર રોકવા સરકારના કડક પગલા, બોટલિંગ પ્લાન્ટની સિક્યોરિટી ટાઈટ

Back to top button