CUET UG Result 2025: NTAએ તારીખ કરી જાહેર, 4 જુલાઈએ જાહેર થશે રિઝલ્ટ
નવી દિલ્હીઃ 2 જુલાઈ, 2025: CUET UG Result 2025: નેશનલ ટેસ્ટિંગ એજન્સી (NTA) એ કોમન યુનિવર્સિટી એન્ટ્રન્સ ટેસ્ટ અંડરગ્રેજ્યુએટ (CUET UG) 2025ની તારીખ જાહેર કરી છે. NTA એ તેની સત્તાવાર સોશિયલ મીડિયા પ્લેટફોર્મ X પર આ માહિતી આપી હતી. જેમાં કહેવામાં આવ્યું હતું કે, પરિણામ 4 જુલાઈ 2025ના રોજ જાહેર કરવામાં આવશે. આ દિવસે, વિદ્યાર્થીઓ CUET exam.nta.ac.in ની સત્તાવાર વેબસાઇટ પર જઈને તેમનું પરિણામ ચકાસી શકશે.
CUET (UG)-2025 result will be announced on 4th July 2025
— National Testing Agency (@NTA_Exams) July 2, 2025
13.5 લાખ વિદ્યાર્થીઓએ આપી હતી પરીક્ષા
હકીકતમાં, આ વર્ષે આ પરીક્ષા 13 મે થી 3 જૂન 2025 દરમિયાન લેવામાં આવી હતી, જેમાં લગભગ 13.5 લાખ વિદ્યાર્થીઓએ હાજરી આપી હતી. આ પરીક્ષા ભારતના 379 શહેરોમાં અને વિદેશમાં 26 કેન્દ્રો પર કમ્પ્યુટર-આધારિત મોડ (CBT)માં લેવામાં આવી હતી. 2024માં, CUET UG પરિણામ 25 જુલાઈના રોજ જાહેર કરવામાં આવ્યું હતું.
કેવી રીતે ચેક કરવું રિઝલ્ટ?
- Step 1: CUET ની સત્તાવાર વેબસાઇટ – exam.nta.ac.in ની મુલાકાત લો.
- Step 2: ત્યાં ઉપલબ્ધ CUET UG પરિણામ 2025 વિકલ્પ પર ક્લિક કરો.
- Step 3: જરૂરી વિગતો દાખલ કરો અને સબમિટ બટન પર ક્લિક કરો.
- Step 4: “લોગિન” બટન પર ક્લિક કરો.
- Step 5: CUET UG સ્કોરકાર્ડ 2025 સ્ક્રીન પર પ્રદર્શિત થશે.
- Step 6: પરિણામ ડાઉનલોડ કરો અને ભવિષ્યના સંદર્ભ માટે પ્રિન્ટઆઉટ લો.
આ પણ વાંચોઃ ‘પછી રડતા નહીં કે મમ્મી-મમ્મી મારી ચોકલેટ છીનવી લીધી…’ બિહાર ચૂંટણી પર ઓવૈસીનો રાહુલ-તેજસ્વી પર પ્રહાર
