કોંગ્રેસ નેતા રાજીવ ગૌડાની ધરપકડ, નગર આયુક્તને ‘અપશબ્દો અને ધમકી’ આપવાનો આરોપ
કર્ણાટક, 27 જાન્યુઆરી 2026: કર્ણાટકના શિદલાઘટ્ટા નગર આયુક્ત અમૃતા ગૌડાને અપશબ્દો કહ્યા અને ગંભીર પરિણામોની ધમકી આપવાના આરોપમાં કોંગ્રેસ નેતા રાજીવ ગૌડાને સોમવારે કેરળમાંથી ધરપકડ કરવામાં આવી છે. આ માહિતી ચિકબલ્લાપુરા જિલ્લાના પોલીસ અધિક્ષક કુશલ ચોકસીએ આપી હતી.
પોલીસ અધિક્ષક કુશલ ચોકસીએ પીટીઆઈને જણાવ્યું હતું,
“હા, અમે તેમની ધરપકડ કરી લીધી છે. આ મામલે વધુ વિગતો અમે આવતીકાલે શેર કરીશું.”
શું છે સમગ્ર મામલો?
મળતી માહિતી મુજબ, 13 જાન્યુઆરીના રોજ શિદલાઘટ્ટા શહેરના એક વ્યસ્ત ચોરસ્તા પરથી રાજીવ ગૌડાનો ફોટો ધરાવતું બેનર હટાવવામાં આવ્યું હતું. આ બાબતને લઈને રાજીવ ગૌડાએ નગર આયુક્ત અમૃતા ગૌડાને ફોન કરીને અપશબ્દોનો ઉપયોગ કર્યો હતો અને ગંભીર પરિણામોની ધમકી આપી હતી.
Karnataka | Rajeev Gowda was taken into custody following an FIR registered earlier this month after he allegedly abused and issued death threats to Sidlaghatta City Municipal Council Commissioner Amrutha Gowda: SP Chikkaballapura https://t.co/Tf7MBP846X
— ANI (@ANI) January 26, 2026
આ ઘટનાના પગલે પોલીસ દ્વારા તેમની સામે કાર્યવાહી શરૂ કરવામાં આવી હતી.
આયુક્ત અમૃતા ગૌડાનો ખુલાસો
આ ધમકીથી વ્યથિત થયેલા અમૃતા ગૌડાએ 14 જાન્યુઆરીએ મીડિયા સામે પોતાની આપબીતી રજૂ કરી હતી અને ફોન પર થયેલી વાતચીતને જાહેર કરી હતી. આ પછી નગરપાલિકાના કર્મચારીઓ અને અધિકારીઓ સહિત આખું શહેર નગર આયુક્તના સમર્થનમાં ઊભું રહ્યું.
શહેરમાં રેલી કાઢવામાં આવી અને ધરણા પ્રદર્શન પણ યોજાયા, જેમાં રાજીવ ગૌડા સામે કડક કાર્યવાહી કરવાની માંગ ઉઠી.
વિપક્ષે સરકાર પર કર્યો પ્રહાર
આ ઘટનાને લઈને વિપક્ષી ભાજપ (BJP) અને જનતા દળ સેક્યુલર (JD-S)એ રાજ્ય સરકાર પર તીવ્ર ટીકા કરી હતી. અમૃતા ગૌડાની ફરિયાદના આધારે પોલીસે રાજીવ ગૌડા સામે પ્રાથમિકી (FIR) નોંધાવી હતી.
ચૂંટણી હાર્યા બાદ ફરાર, કેરળથી ધરપકડ
રાજીવ ગૌડાએ 2023ની વિધાનસભા ચૂંટણીમાં શિદલાઘટ્ટા બેઠક પરથી કોંગ્રેસના ટિકિટ પર ચૂંટણી લડી હતી, પરંતુ તેમને પરાજયનો સામનો કરવો પડ્યો હતો. FIR નોંધાયા બાદ તેઓ ફરાર થઈ ગયા હતા, પરંતુ પોલીસની તપાસ બાદ સોમવારે તેમને કેરળમાંથી પકડી પાડવામાં આવ્યા.
આ પણ વાંચો : દિલ્હી–મુંબઈ એક્સપ્રેસ-વે પર ભયાનક અકસ્માત, ટ્રકે કારને 4 કિમી સુધી ઘસેડી, ઉજ્જૈનથી નોઇડા પરત ફરી રહેલા 4 લોકોના મોત
