Celebrate Cinema 2025: ગૌતમ અદાણીએ રાજ કપૂરને યાદ કરી નવી પેઢીને આપી પ્રેરણા
- ગૌતમ અદાણીએ જણાવ્યું કે જો આપણે કોણ છીએ તે વ્યાખ્યાયિત નહીં કરીએ, તો અન્ય લોકો આપણને ફરીથી લખી દેશે
HD ન્યુઝ ડેસ્કઃ મુંબઈમાં વ્હિસલિંગ વુડ્સ ઇન્ટરનેશનલ Whistling Woods International ખાતે આયોજિત ‘સેલિબ્રેટ સિનેમા 2025’ Celebrate Cinema 2025 ફેસ્ટિવલમાં અદાણી ગ્રુપના ચેરમેન ગૌતમ અદાણી Gautam Adaniએ જણાવ્યું કે જો આપણે કોણ છીએ તે વ્યાખ્યાયિત નહીં કરીએ, તો અન્ય લોકો આપણને ફરીથી લખી દેશે. તેમણે ભારતને સિનેમા, વાર્તા કહેવાની અને ઉભરતી ટેકનોલોજી દ્વારા વૈશ્વિક કહાનીને સંભાળનારા લોકોને આ આહ્વાન કર્યું હતું
અદાણીએ ભાર મૂક્યો હતો કે ભારતે વિદેશી અવાજોને પોતાની ઓળખ વ્યાખ્યાયિત કરવાની મંજૂરી આપવાનું બંધ કરવું જોઈએ. તેમણે ગાંધી અને સ્લમડોગ મિલિયોનેર જેવા ઉદાહરણો ટાંકીને કહ્યું કે મૌન એ નમ્રતા નથી, પરંતુ શરણાગતિ છે. આ ફિલ્મો દર્શાવે છે કે ભારતની વાર્તાઓને ઘણીવાર પશ્ચિમી દ્રષ્ટિકોણથી રજૂ કરવામાં આવી છે.
તેમણે રાજ કપૂરની ફિલ્મ ‘અનાડી’ ના ગીત ‘કિસી કી મુસ્કુરાહટો’ને યાદ કરતાં કહ્યું કે આ ગીત માત્ર એક ગીત નથી પરંતુ જીવનનું એક દર્શન છે, જે માનવ મૂલ્યો અને આશાવાદને પ્રતિબિંબિત કરે છે.
ગૌતમ અદાણીએ રાજ કપૂરને ભારતીય સંસ્કૃતિના સાચા પ્રતિનિધિ તરીકે વર્ણવ્યા હતા, જેમના સિનેમાએ અસરકારક રીતે સામાજિક સંદેશો આપ્યો હતો. તેમણે પોતાના સંઘર્ષના દિવસોને પણ યાદ કર્યા હતા, જ્યારે તેઓ એક નાના ગામડાના બાળક હતા અને સપનાઓ સાથે મુંબઈ આવ્યા હતા અને પોતાની મહેનત દ્વારા સફળતાની નવી વાર્તા લખી હતી.
અદાણીએ કહ્યું કે હું ફિલ્મોમાંથી શીખ્યો કે ડરશો નહીં, ભાગશો નહીં, ભલે મંઝિલ દૂર હોય તો પણ રસ્તો બદલશો નહિ. તેમણે હજારો સિનેમા વિદ્યાર્થીઓને પ્રેરણા આપતા કહ્યું કે સિનેમા એક શક્તિશાળી માધ્યમ છે જે ભારતની સર્જનાત્મકતાને વૈશ્વિક મંચ પર સ્થાપિત કરી શકે છે.
આ સત્રમાં અભિનેતા જેકી શ્રોફ અને કાર્તિક આર્યન, પ્રખ્યાત ફિલ્મ નિર્માતા રાજકુમાર હિરાણી, નિર્માતા મહાવીર જૈન અને વ્હિસલિંગ વુડ્સના સ્થાપક સુભાષ ઘાઈ પણ હાજર રહ્યા હતા. આ હસ્તીઓએ સત્રને વધુ પ્રેરણાદાયક બનાવ્યું હતું. અદાણીએ યુવાનો અને સર્જનાત્મક ઉદ્યોગ સાથે સંકળાયેલા લોકોને પ્રોત્સાહિત કરતા કહ્યું કે સિનેમા ફક્ત મનોરંજન વિશે જ નથી, પરંતુ તેમાં સમાજને પરિવર્તન અને પ્રેરણા આપવાની શક્તિ પણ છે. આ કાર્યક્રમમાં સિનેમાના મહત્ત્વ અને ભારતની સાંસ્કૃતિક શક્તિ પર પ્રકાશ પાડવામાં આવ્યો હતો.
આ પણ વાંચોઃ નોટબંધીના કારણે ડૂબ્યો રાજ કુન્દ્રાનો બિઝનેસ, 60 કરોડની છેતરપિંડીના કેસમાં કહી આ વાત
