nana patekar full name: બોલિવૂડ અને મરાઠી સિનેમાના દિગ્ગજ અભિનેતા નાના પાટેકરને દુનિયા ‘નાના’ નામથી જ ઓળખે છે. તેમની દમદાર એક્ટિંગ, ધારદાર સંવાદ અને સાદગીભર્યું જીવન તેમને ફિલ્મ ઈન્ડસ્ટ્રીમાં એક અલગ ઓળખ અપાવે છે. પરંતુ શું તમે જાણો છો કે તેમનું અસલી નામ ‘નાના પાટેકર’ નહોતું? ‘નાના’ નામ પાછળ એક ખૂબ જ ભાવુક અને દિલને સ્પર્શી જાય તેવી કહાની છે.

શું છે નાના પાટેકરનું અસલી નામ?

નાના પાટેકરનો જન્મ 1 જાન્યુઆરી, 1951ના રોજ મહારાષ્ટ્રના રાયગઢ જિલ્લાના મુરુડ-જંજીરામાં થયો હતો. તેમનું અસલી નામ વિશ્વનાથ ગજાનન પાટેકર છે.

તેમના પિતા દિનકર પાટેકર અને માતા નિર્મલા પાટેકર હતા. તેમનો પરિવાર મરાઠી પૃષ્ઠભૂમિ ધરાવતો હતો. નાના પાટેકરે મુંબઈની બાંદ્રા સ્કૂલ ઑફ આર્ટમાંથી અભ્યાસ કર્યો હતો.

વિશ્વનાથમાંથી ‘નાના’ કેવી રીતે બન્યા?

‘નાના’ નામ જન્મથી મળ્યું નહોતું. એક ઇન્ટરવ્યૂમાં નાના પાટેકરે પોતે આ નામ પાછળની કહાની જણાવી હતી.

તેમના જણાવ્યા અનુસાર, તેમની માતાની એક સખી હતી, જે તેમના માટે બહેન જેવી હતી. બાળપણમાં તે સખી તેમને પ્રેમથી ‘નાના-નાના’ કહીને બોલાવતી હતી. ધીમે-ધીમે આ નામ પરિવાર અને આસપાસના લોકોમાં પણ પ્રચલિત થઈ ગયું.

નાના પાટેકરે એક ઇન્ટરવ્યૂમાં જણાવ્યું હતું કે તેમને આ નામ ખૂબ જ પસંદ છે અને આજે તેમના પાસપોર્ટ, આધાર કાર્ડ સહિતના સત્તાવાર દસ્તાવેજોમાં પણ ‘નાના પાટેકર’ નામ જ લખાયેલું છે.

‘વિશુ’ કહીને બોલાવે તો આજે પણ તરત ઓળખી જાય છે

સ્કૂલના દિવસોમાં નાના પાટેકરને ‘વિશ્વનાથ’ અથવા પ્રેમથી ‘વિશુ’ કહીને બોલાવવામાં આવતા હતા. તેઓ કહે છે કે આજે જો કોઈ તેમને ‘વિશુ’ કહીને બોલાવે તો તેમને તરત સમજાઈ જાય છે કે સામેની વ્યક્તિ તેમના સ્કૂલના સમયની કોઈ જૂની ઓળખાણ ધરાવતી હશે.

સમયની સાથે ‘નાના’ નામ એટલું લોકપ્રિય બન્યું કે વિશ્વનાથ પાછળ રહી ગયા અને ‘નાના’ જ તેમની કાયમી ઓળખ બની ગયું.

ચાહકોના દિલમાં વસેલા ‘નાના’

આજે જ્યારે નાના પાટેકર સ્ક્રીન પર દેખાતા ત્યારે દર્શકો તેમને પ્રેમથી ‘નાના’ કહીને જ ઓળખતા હતા. પરંતુ આ નામની પાછળ માતાની એક સખીના બાળપણના પ્રેમની નાની પરંતુ ખૂબ જ લાગણીસભર કહાની છુપાયેલી છે.

આ કહાની એ પણ યાદ અપાવે છે કે કોઈ વ્યક્તિનું નામ ભલે સમય સાથે ખૂબ મોટું બની જાય, પરંતુ તેની પાછળ જોડાયેલી યાદો ઘણીવાર અત્યંત સામાન્ય અને ભાવુક હોય છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

75 વર્ષની ઉંમરે નિધન

નાના પાટેકરના 75 વર્ષની ઉંમરે ગોવામાં નિધનના અહેવાલ સામે આવ્યા છે. અહેવાલોમાં જણાવ્યા મુજબ, તેમને ગોવાના ડોના પાઉલા સ્થિત તેમના ઘરે બેભાન હાલતમાં મળી આવ્યા હતા. ત્યારબાદ તેમને હોસ્પિટલ લઈ જવામાં આવ્યા હતા, જ્યાં ડોક્ટર્સે તેમને બચાવવાના પ્રયાસો કર્યા હતા.

પ્રાથમિક અહેવાલોમાં કાર્ડિયાક અરેસ્ટને મૃત્યુનું સંભવિત કારણ ગણાવવામાં આવ્યું છે, જોકે સત્તાવાર તબીબી કારણની પુષ્ટિ મહત્વપૂર્ણ છે.

આ પણ વાંચો: અમદાવાદ આવી રહેલી ઈન્ડિગોની ફ્લાઈટ માથે વીજળી પડી, જાણો 104 મુસાફરોનું શું થયું?