બોલિવૂડ અભિનેત્રી મંજરી ફડનિસને શું થયું? કેમ બનાવ્યો રડતાં રડતાં વીડિયો?
Entertainment News: જાને તુ યા જાને ના ફેમ અભિનેત્રી મંજરી ફડનિસ વર્ષોથી લાઈમલાઈટથી દૂર છે. તે સોશિયલ મીડિયા અને ફિલ્મ જગતમાં સક્રિય છે, પરંતુ તેણે પાપારાઝીથી અંતર જાળવી રાખ્યું છે. તાજેતરમાં અભિનેત્રી હેડલાઇન્સમાં આવી છે, કારણ કે તેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં અભિનેત્રી ખૂબ રડતી જોવા મળે છે. વીડિયોમાં તેણે તેના દુ:ખનું કારણ જણાવ્યું છે. અભિનેત્રીનો વીડિયો જોયા પછી બોલિવૂડ સ્ટાર્સ પણ તેના સમર્થનમાં આગળ આવ્યા છે. આ ઘટના તેમની સોસાયટીમાં રહેતા એક કોમ્યુનિટી ડોગ મિકી સાથે જોડાયેલી છે, જેની કેટલાક લોકોએ ક્રૂરતાથી હત્યા કરી હતી.
પહેલા કૂતરો ગુમ થયો, પછી…
સામે આવેલા વીડિયોમાં મંજરી ખૂબ રડતી જોઈ શકાય છે. તેણે સમજાવ્યું કે મિકી એક પાલતુ કૂતરો હતો, જેને તેના પરિવારે છોડી દીધો બાદમાં 2019 અથવા 2020 માં તેમની સોસાયટીમાં આવ્યો હતો. તે ત્યારથી ત્યાં રહેતો હતો અને સમુદાય તેની સંભાળ રાખતો હતો. મંજરીએ આગળ સમજાવ્યું કે મિકી ગુમ થઈ ગયો હતો અને સોસાયટીના સભ્યો તેને શોધી રહ્યા હતા. તેમણે પોસ્ટરો બનાવીને આસપાસના વિસ્તારોમાં લગાવ્યા હતા. તેને શોધવામાં મદદ કરવા માટે તેણે સુરક્ષા કર્મચારીઓનો પણ સંપર્ક કર્યો હતો.
મારી મારીને કુતરાની હાલત ખરાબ કરી
વીડિયોમાં વિગતો આપતાં તેણે કહ્યું, કાશ મારે આ વીડિયો ક્યારેય ન બનાવવો પડ્યો હોત, પરંતુ મને લાગે છે કે તે ખૂબ જ મહત્ત્વપૂર્ણ છે. તેણે મિકીને ખૂબ જ પ્રેમાળ કૂતરો ગણાવ્યો અને કહ્યું કે સોસાયટીના લોકો તેને સતત શોધી રહ્યા હતા. પછી ફડનિસે સમજાવ્યું કે સોસાયટીના કોઈએ મિકીને ભોંયરામાં શોધી કાઢ્યો અને વિચાર્યું કે તે શાંતિથી સૂઈ રહ્યો છે જ્યારે તેના માથા પર લાકડી અથવા લોખંડના સળિયાથી માર મારવામાં આવ્યો. તેણે આગળ કહ્યું, તે ગભરાઈ ગયો હતો. તેઓ તેને B1 અને લોબી વચ્ચે સીડી પર ખેંચી ગયા અને તેને એટલો જોરથી માર્યો કે તેના મોંમાંથી લોહી નીકળવા લાગ્યું. તે મરવા જેવી હાલતમાં હતો. તેઓએ તેને કોથળામાં નાખીને પાછળની ખાલી જગ્યામાં ફેંકી દીધો હતો.
View this post on Instagram
મંજરીએ ચિંતા વ્યક્ત કરી
મંજરીએ કહ્યું કે તેને ખબર નથી કે મિકી બચી ગયો છે કે નહીં અને સોસાયટીના લોકો તેને શોધવામાં લાગેલા રહ્યા. અભિનેત્રીએ ચિંતા વ્યક્ત કરી અને કહ્યું કે એક કુતરાની આવી હાલત કરનારા ક્રિમિનલ માઈન્ડના લોકો કેવા હોય છે. ક્યારેય કંઈ ન બોલતા કૂતરાની આ હાલત કરનારા લોકો વિશે વિચારવા જેવું છે. તેણે એમ પણ કહ્યું કે મિકી લાંબા વાળવાળો કૂતરો હતો, જેને તે ક્યારેક ક્યારેક ઘરે લઈ જતી અને નવડાવતી. વિડિઓના અંતે અભિનેત્રીએ કહ્યું, હવે તે ચાલ્યો ગયો છે.
મારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
અભિનેત્રીને મળ્યો ટેકો
અભિનેત્રીએ વીડિયોના કેપ્શનમાં લખ્યું છે કે આપણા મિકીની નિર્દયતાથી હત્યા કરવામાં આવી હતી અને અમે તેના માટે લડીશું. કોઈ પણ સમાજમાં કોઈ પણ કૂતરા સાથે આવું ફરી ક્યારેય ન થવું જોઈએ! લોકોએ કોઈપણ પ્રાણીને નુકસાન પહોંચાડતા ડરવું જોઈએ! આપણને પ્રાણી ક્રૂરતા સામે કડક કાયદાઓની જરૂર છે.” ભૂમિ પેડનેકર, વેદિકા, ડિમ્પલ હયાતી, મધુરિમા તુલી, રિદ્ધિમા પંડિત, અદિતિ ગૌતમ અને રોહિત વર્મા સહિત અનેક સેલિબ્રિટીઓએ આ પોસ્ટ પર ચિંતા વ્યક્ત કરી છે.
