Samrat Choudhary : ભરત તિવારી એન્કાઉન્ટર કેસની તપાસ માટે રચાયેલા તપાસ પંચે પોતાનો વચગાળાનો અહેવાલ રજૂ કર્યો છે. આ અહેવાલ બાદ, બિહાર સરકારે પીડિત પરિવારના હિતમાં એક મહત્વપૂર્ણ નિર્ણય લીધો છે. સરકારે સ્પષ્ટતા કરી છે કે, તપાસ પંચ દ્વારા રજૂ કરાયેલા તથ્યો અને સૂચનોના આધારે, સ્વર્ગસ્થ ભરત તિવારીના પરિવારને સહાય અને ન્યાય આપવા માટે દરેક શક્ય પ્રયાસો કરવામાં આવી રહ્યા છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
બિહારના મુખ્યમંત્રી સમ્રાટ ચૌધરીએ X પર ટ્વિટ કર્યું કે, “ન્યાયિક તપાસના વચગાળાના અહેવાલના આધારે, બિહાર સરકાર સ્વર્ગસ્થ ભરત તિવારીના પરિવારને નાણાકીય સહાય અને તેમના પરિવારના એક સભ્યને સરકારી નોકરી આપશે.” અગાઉ, 24 જુલાઈના રોજ સીએમ સમ્રાટ ચૌધરીએ ભરત તિવારીના પરિવાર સાથે મુલાકાત કરી હતી અને તેમને નિષ્પક્ષ તપાસની ખાતરી આપી હતી. તે સમયે, સમ્રાટ ચૌધરીએ સોશિયલ મીડિયા પર ભરતના પરિવાર સાથેનો ફોટો શેર કર્યો હતો અને લખ્યું હતું કે, સ્વર્ગસ્થ ભરત તિવારીના પરિવારને ન્યાય મળશે.
જાણો કેવી રીતે ભરત તિવારીનું થયું મૃત્યુ
17 જૂન 2026ના રોજ બિહારના ભોજપુર જિલ્લાના બિલૌટી ગામમાં પોલીસ કાર્યવાહી દરમિયાન ભરત ભૂષણ તિવારીનું મૃત્યુ થયું હતું. પોલીસે દાવો કર્યો હતો કે, તિવારીએ પોલીસ ટીમ પર ગેરકાયદેસર હથિયારથી હુમલો કર્યો હતો, જેના કારણે તેમને સ્વબચાવમાં ગોળીબાર કરવાની ફરજ પડી હતી. જોકે, પરિવાર અને કેટલાક ગ્રામજનોએ આ ઘટનાક્રમ પર સવાલ ઉઠાવ્યા હતા અને આરોપ લગાવ્યો હતો કે તે નકલી એન્કાઉન્ટર હતું.
આ પણ વાંચો : બેંગલુરુ જેલમાં પ્રજ્વલ રેવન્ના પાસે મોબાઈલ મળતાં ખળભળાટ, ફોનમાંથી 90 અશ્લીલ વીડિયો મળ્યાનો દાવો
