ફિલ્મી સ્ટાઇલમાં ATMની ચોરી, 2 મિનિટમાં ATMને વેનમાં બાંધી ઉખેડી નાખ્યું અને….

HD ન્યૂઝ ડેસ્ક, 25 જૂન, ચોરીની ઘણી ઘટનાઓ તમે જોઈ જ હશે. કેટલીક જગ્યાએ ચોરો એટીએમમાંથી લાખો રૂપિયાની ચોરી કરે છે તો કેટલીક જગ્યાએ નકલી કાર્ડનો ઉપયોગ કરીને ચોરી કરે છે, પરંતુ મહારાષ્ટ્રના બીડ જિલ્લામાં ચોરીની આવી ઘટના સામે આવી છે જેના વિશે જાણીને દરેકને આશ્ચર્ય થયું છે. અહીં ચોરોની હિંમત એટલી વધી ગઈ છે કે, મહારાષ્ટ્રના બિડ જિલ્લામાં ચોરોએ માત્ર 2 મિનિટમાં ATMને વેનમાં બાંધી ઉખેડી નાખ્યું અને ત્યાંથી  ભાગી છૂટયા હતા. તેઓ એટીએમ મશીન પણ લઈ ગયા, પરંતુ કહેવાય છે કે ચોરો કરતા કાયદાના હાથ લાંબા હોય છે. અહીં પણ એવું જ થયું.

#Maharashtra : ATM को पिकअप वैन से बांधकर ले भागे चोर, पुलिस ने 61KM तक किया पीछा, Video Viral
.
.
.#महाराष्ट्र #ATM #Bheed #newsupdate #viral #viralvideo #trending #trendingnow #abcnewsmedia pic.twitter.com/CA59oe4Rfk

— Abcnews.media (@abcnewsmedia) June 24, 2024

દોરડાની મદદથી આખું એટીએમ ઉખાડી નાખ્યું
મહારાષ્ટ્રના બીડ જિલ્લામાં એક ચોંકાવનારો કિસ્સો સામે આવ્યો છે. અહીં ચોરોએ ખૂબ જ ચતુરાઈથી માત્ર બે મિનિટમાં આખું એટીએમ ચોરી લીધું હતું. મળતી માહિતી મુજબ, આ સમગ્ર ઘટના સીસીટીવી કેમેરામાં પણ કેદ થઈ ગઈ છે. ચોરોએ બીડના ધારુરમાં SBI એટીએમ મશીનને થોડી જ મિનિટોમાં તોડી નાખ્યું હતું અને તેને પીકઅપ વાહનમાં લઈ ગયા હતા. ચોરોએ પોતાની ઓળખ છૂપાવવા માટે મોઢા પર માસ્ક લગાવ્યા હતા. આ ઉપરાંત એટીએમ ઉખેડવા માટે તેની પાસે જાડું દોરડું પણ હતું. પહેલા તેણે એટીએમનો ઉપરનો ભાગ દોરડા વડે અલગ કર્યો અને પછી બીજી વખત તેણે દોરડાની મદદથી આખું એટીએમ ઉખાડી નાખ્યું.

ઘટનાને અંજામ આપ્યા બાદ આરોપી એટીએમ પીકઅપમાં ભરીને ફરાર થઈ ગયો હતો. જોકે, આ અંગેની માહિતી પોલીસને મળતાં તેઓએ તેમનો પીછો શરૂ કર્યો હતો. પોલીસની ટીમે 61 કિલોમીટર સુધી ચોરોનો પીછો કર્યો હતો. પોલીસનું કહેવું છે કે સીસીટીવી ફૂટેજના આધારે ચોરોની ઓળખ કરવામાં આવી રહી છે. ટૂંક સમયમાં તમામ આરોપીઓની ધરપકડ કરવામાં આવશે. વાસ્તવમાં આ સમગ્ર મામલો 22 જૂનનો છે. 61 કિલોમીટર સુધી પીછો કર્યા બાદ આખરે પોલીસે એટીએમ રીકવર કર્યું.

એટીએમમાંથી 21 લાખ 13 હજાર 700 રૂપિયાની રોકડ મળી
પોલીસે જણાવ્યું કે રિકવર કરાયેલા એટીએમમાંથી 21 લાખ 13 હજાર 700 રૂપિયાની રોકડ મળી આવી છે. હાલ પોલીસનું કહેવું છે કે સીસીટીવી ફૂટેજના આધારે ચારેય ફરાર આરોપીઓની શોધ કરવામાં આવી રહી છે. ટૂંક સમયમાં તમામ આરોપીઓની ધરપકડ કરવામાં આવશે. ઘટનાના સીસીટીવી ફૂટેજમાં સ્પષ્ટ જોઈ શકાય છે કે કેટલાક આરોપીઓ પહેલા એટીએમમાં ​​ઘૂસે છે અને પછી તેને દોરડાથી બાંધે છે. આ પછી, ચોરોએ પીકઅપ સાથે દોરડું બાંધીને તેને ખેંચી લીધું, જેના કારણે એટીએમ ઉખડી ગયું. આ પછી ચોરોએ એટીએમ પીકઅપ પર ચઢાવી દીધું અને ત્યાંથી ફરાર થઈ ગયા.

આ પણ વાંચો..અજીબ ચોરી! ફ્રિજ ચોરી કરવા આવ્યા 2 ચોર, ફ્રિજ ઉપાડી ન શક્યા તો દૂધ અને દહીં ચોરી ભાગ્યા