અમૃતસર બાયપાસ નજીક મોટો બ્લાસ્ટ, જે શખ્સ બોમ્બ ફેંકવા આવ્યો હતો, તેના જ હાથમાં ફુટ્યો

અમૃતસર: પંજાબના અમૃતસર બાયપાસ પર મંગળવાર સવારે એક મોટો ધમાકો થયો હતો. ત્યાર બાદ આજુબાજુના લોકો એકઠા થયા અને પોલીસને આ ઘટનાની જાણ કરી હતી. પોલીસે ઘટનાસ્થળે પહોંચીને તપાસ શરુ કરી હતી. સૂત્રોના જણાવ્યા અનુસાર, જે શખ્સ બોમ્બ નાખવા આવ્યો હતો, તેના જ હાથમાં ફાટી ગયો હતો. આ ઘટના બાદ યુવક ગંભીર રીતે ઘાયલ થયો હતો.

શું છે આખો મામલો?

આજે સવારે 9 થી 9:15 વાગ્યાની વચ્ચે મજીઠા રોડ બાયપાસ પર વિસ્ફોટ થયો હતો. ઘાયલ વ્યક્તિની હાલત ખૂબ જ ગંભીર છે. આ માણસ આ બધું લઈને ક્યાં જઈ રહ્યો હતો તે ખબર નથી.

સ્થાનિક લોકો શું કહે છે?

સ્થાનિક લોકોએ જણાવ્યું હતું કે સવારે અમૃતસરના મજીઠા બાયપાસ રોડ પર બોમ્બ જેવી વસ્તુના વિસ્ફોટના સમાચાર મળ્યા હતા, જેમાં એક વ્યક્તિ ગંભીર રીતે ઘાયલ થયો હતો. નજીકના લોકોના મતે, આ વિસ્ફોટ એટલો ખતરનાક હતો કે આસપાસનો વિસ્તાર ધ્રુજી ગયો હતો.

આ સંદર્ભે, નજીકના લોકોએ જણાવ્યું કે તેઓએ વિસ્ફોટનો અવાજ સાંભળ્યો. જ્યારે અમે ઘટનાસ્થળે પહોંચ્યા, ત્યારે અમને ખબર પડી કે કોઈ બોમ્બ જેવી વસ્તુ ફૂટી ગઈ હતી અને એક વ્યક્તિ ગંભીર રીતે ઘાયલ થયો હતો. પોલીસ તેને હોસ્પિટલ લઈ ગઈ છે.

પોલીસે વિસ્ફોટનો ઇનકાર કર્યો

પંજાબ પોલીસે કહ્યું કે અમને માહિતી મળી હતી કે એક વ્યક્તિ ઘાયલ થયો છે અને અમે અહીં પહોંચ્યા છીએ. આ ઘટના મજીઠા રોડ બાયપાસ પર બની હતી. વિસ્ફોટ અંગે હજુ સુધી કંઈ પ્રકાશમાં આવ્યું નથી. તપાસ અધિકારીએ કહ્યું કે તેમને માહિતી મળી હતી કે કોઈ ઘાયલ થયું છે, જેને તેમણે હોસ્પિટલમાં દાખલ કર્યો છે અને ઘટનાની તપાસ કરવામાં આવી રહી છે.

આ ઘટના પ્રકાશમાં આવ્યા બાદ, ઘટનાસ્થળે લોકોની ભીડ એકઠી થઈ ગઈ હતી અને ગંભીર રીતે ઘાયલ વ્યક્તિને જોઈને બધા ચોંકી ગયા હતા. વ્યક્તિની સ્થિતિ ખરેખર નાજુક છે.

આ પણ વાંચો: જોકર છે એ લોકો: કુવૈતમાં ઓવૈસીએ પાકિસ્તાનના ધજાગરા ઉડાવી દીધા