લદ્દાખ ચેકપોસ્ટ વિવાદ બાદ પર્યટકે ભારતીય સેનાના જવાનોની માફી માંગી, કહ્યું- મને માફ કરો

Tourist Apologized To Army  :  લદ્દાખમાં ચેકપોસ્ટ પર સુરક્ષા જવાનો સાથે થયેલી બોલાચાલીનો વીડિયો સોશિયલ મીડિયા પર વાયરલ થયા બાદ વિવાદમાં આવેલી એક પર્યટકે હવે ભારતીય સેનાના જવાનોની માફી માંગી છે. થોડા દિવસ પહેલાં વાયરલ થયેલા વીડિયોમાં પર્યટક ટ્રાફિક રોકવામાં આવતા સુરક્ષા કર્મચારીઓ સાથે દલીલ કરતી જોવા મળી હતી. તેણે પોતાને ‘Gen Z’ ગણાવીને ટ્રાફિક રોકવા અંગે સવાલો પણ ઉઠાવ્યા હતા.

This “we are Gen Z” has become the new “jaantay nahin ho mera baap kaun hai”. The quickest way to erode any Gen Z goodwill is to start using it as a threat at the slightest perceived affront. https://t.co/ya5OJTgxIn

— Omar Abdullah (@OmarAbdullah) August 19, 2026

હવે પર્યટકે પોતાના વર્તન બદલ અફસોસ વ્યક્ત કર્યો છે અને ભારતીય સેનાના જવાનોને સીધી માફી માંગી છે. તેણે કહ્યું કે ચેકપોસ્ટ પર જે કંઈ થયું તે તેની ભૂલ હતી અને તેને પોતાના વર્તનનો અફસોસ છે.

‘દેશના જવાન ભાઈ, મને માફ કરી દો’

માફી માંગતા પર્યટકે ભારતીય સેનાના જવાનોને સંબોધીને કહ્યું કે, “મહેરબાની કરીને મારા દેશના જવાન ભાઈ, મને માફ કરી દો.” તેણે જવાનોને પોતાની નાની બહેન સમજીને માફ કરવાની અપીલ પણ કરી.

પર્યટકે કહ્યું કે ગુસ્સા અને નિરાશામાં લોકો ક્યારેક કંઈક પણ બોલી જાય છે, પરંતુ દેશના જવાનો પોતાની ફરજ નિભાવતા રહે છે.

‘તમારા કારણે અમે સુરક્ષિત ઊંઘીએ છીએ’

પર્યટકે ભારતીય સેનાના જવાનોની કામગીરીની પ્રશંસા પણ કરી. તેણે કહ્યું કે સેનાના જવાનો દેશની સરહદો પર તૈનાત રહીને લોકોની સુરક્ષા સુનિશ્ચિત કરે છે, જેના કારણે દેશના લોકો સુરક્ષિત રીતે ઊંઘી શકે છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

તેણે ભારતીય સેના અને જમ્મુ-કાશ્મીરના જવાનોની પણ માફી માંગી અને પોતાના અગાઉના વર્તન બદલ પસ્તાવો વ્યક્ત કર્યો.

શું હતો સમગ્ર વિવાદ?

આ મામલો લદ્દાખના મિનિમર્ગ ચેકપોસ્ટનો હોવાનું જણાવવામાં આવ્યું છે. વાયરલ વીડિયોમાં પર્યટક ઘણા કલાકો સુધી ટ્રાફિક રોકવામાં આવતા નારાજ જોવા મળી હતી. તે સુરક્ષા કર્મચારીઓને પૂછતી હતી કે પર્યટકોને આટલા લાંબા સમય સુધી કેમ રોકવામાં આવી રહ્યા છે.

વીડિયોમાં પર્યટકે પોતાને ‘Gen Z’ ગણાવીને કહ્યું હતું કે તેઓ આવી બાબતો સહન નહીં કરે. તેણે ટ્રાફિક નિયંત્રણ અને પ્રતિબંધો અંગે પણ સવાલો ઉઠાવ્યા હતા.

વિવાદ ત્યારે વધુ વકર્યો જ્યારે તેણે કથિત રીતે કહ્યું કે લોકોના ટેક્સમાંથી દરેકને પગાર મળે છે અને પછી જવાનો સામે આ પ્રકારની ટિપ્પણી કરી. આ વીડિયો વાયરલ થયા બાદ સોશિયલ મીડિયા પર લોકોમાં ભારે નારાજગી જોવા મળી હતી.

ઉમર અબ્દુલ્લાએ પણ વ્યક્ત કરી હતી નારાજગી

આ વિવાદ પર જમ્મુ-કાશ્મીરના મુખ્યમંત્રી ઉમર અબ્દુલ્લા અને કેટલાક પૂર્વ સૈન્ય અધિકારીઓએ પણ પ્રતિક્રિયા આપી હતી. ઉમર અબ્દુલ્લાએ પર્યટક દ્વારા વારંવાર ‘Gen Z’ શબ્દનો ઉપયોગ કરવા અંગે કટાક્ષ કર્યો હતો.

હવે પર્યટકે પોતાના વર્તન પર અફસોસ વ્યક્ત કરીને ભારતીય સેનાના જવાનોની માફી માંગી છે. તેણે સ્પષ્ટ કર્યું છે કે ચેકપોસ્ટ પર થયેલી ઘટના તેની ભૂલ હતી અને તે માટે તેને પસ્તાવો છે.

આ પણ વાંચો : ગુજરાતમાં 7 દિવસ હળવાથી મધ્યમ વરસાદની આગાહી, સૌરાષ્ટ્ર-કચ્છમાં વરસાદની ખેંચ યથાવત