અફઘાનિસ્તાને પાકિસ્તાનને ઘૂંટણિયે પાડી દીધું, કરવુ પડ્યુ આ રીતે સમાધાન

પાકિસ્તાન 15 ઓક્ટોબર 2025: છેલ્લા ઘણા દિવસોથી પાકિસ્તાન અને અફઘાનિસ્તાન વચ્ચે સરહદ પર થયેલી અથડામણમાં ડઝનબંધ લોકોના મોત બાદ પાકિસ્તાને અફઘાનિસ્તાન સાથે 48 કલાકના યુદ્ધવિરામની જાહેરાત કરી છે. મંગળવારે ઉત્તરપશ્ચિમ સરહદી વિસ્તારમાં પાકિસ્તાની અને અફઘાન સૈનિકો વચ્ચે અથડામણ થઈ હતી. પાકિસ્તાને અફઘાન સૈનિકો પર ઉશ્કેરણી વિના ગોળીબાર કરવાનો આરોપ લગાવ્યો છે.

પાકિસ્તાને કઈ માહિતી આપી?

બુધવારે, પાકિસ્તાને અફઘાનિસ્તાનમાં તાલિબાન વહીવટીતંત્ર સાથે 48 કલાકના કામચલાઉ યુદ્ધવિરામની જાહેરાત કરી, જે સાંજે 6 વાગ્યાથી (પાકિસ્તાન માનક સમય) શરૂ થશે. જોકે, પાકિસ્તાને જણાવ્યું હતું કે તાલિબાન દ્વારા યુદ્ધવિરામની વિનંતી કરવામાં આવી હતી. ડોન અખબારે વિદેશ કાર્યાલયને ટાંકીને કહ્યું હતું કે, “તાલિબાનની વિનંતી પર, પાકિસ્તાન સરકાર અને અફઘાન તાલિબાન શાસન વચ્ચે, બંને પક્ષોની પરસ્પર સંમતિથી, આગામી 48 કલાક માટે, આજે સાંજે 6 વાગ્યાથી શરૂ થતાં, કામચલાઉ યુદ્ધવિરામનો નિર્ણય લેવામાં આવ્યો છે.”

આ બાબતે આપવામાં આવેલી માહિતી અનુસાર, યુદ્ધવિરામ સમયગાળા દરમિયાન, પાકિસ્તાન અને અફઘાનિસ્તાન બંને રચનાત્મક વાતચીત દ્વારા આ જટિલ પરંતુ ઉકેલી શકાય તેવા મુદ્દાનો સકારાત્મક ઉકેલ શોધવા માટે ગંભીર પ્રયાસો કરશે.

આ પણ વાંચો: કારના બોનેટમાંથી આવ્યો અજીબ અવાજ, બોનેટ ખોલતાં જ નીકળ્યો કોબ્રા