અભિનેત્રીના ભાઈની હત્યા, નજીવી બાબતના ઝઘડાનો લોહિયાળ અંજામ

નવી દિલ્હી, 8 ઓગસ્ટ 2025:  બોલીવુડ અભિનેત્રી હુમા કુરેશીના પિતરાઈ ભાઈની હત્યાનો મામલો પ્રકાશમાં આવ્યો છે. દિલ્હીના નિઝામુદ્દીનમાં પાર્કિંગને લઈને હુમાના ભાઈ આસિફ કુરેશીની હત્યા કરવામાં આવી હતી. પોલીસે હત્યામાં સંડોવાયેલા બંને આરોપીઓની ધરપકડ કરી છે.

આરોપીઓના નામ ગૌતમ અને ઉજ્જવલ છે. બંને સગા ભાઈઓ છે. ઉજ્જવલે પહેલા આસિફ કુરેશી પર હુમલો કર્યો હતો. ગૌતમ 18 વર્ષનો છે જ્યારે ઉજ્જવલ 19 વર્ષનો છે.

આરોપી ઉજ્જવલ અને ગૌતમ

ગુરુવારે મોડી રાત્રે નિઝામુદ્દીનના જંગપુરા ભોગલ બજાર લેનમાં સ્કૂટીને ગેટ પરથી હટાવીને બાજુમાં પાર્ક કરવા બાબતે ઝઘડો થયો હતો. આ ઝઘડામાં આરોપીએ આસિફ કુરેશી પર હુમલો કર્યો હતો. ગંભીર રીતે ઘાયલ આસિફને હોસ્પિટલમાં લઈ જવામાં આવ્યો હતો, જ્યાં ડોક્ટરોએ તેને મૃત જાહેર કર્યો હતો.

મૃતકની પત્ની અને સંબંધીઓનું કહેવું છે કે આરોપીએ નાની વાત પર ક્રૂરતાથી ગુનો કર્યો હતો. મૃતકની પત્નીએ કહ્યું કે અગાઉ પણ પાર્કિંગના વિવાદને લઈને તેનો મારા પતિ સાથે ઝઘડો થયો હતો. જ્યારે મારા પતિ કામ પરથી ઘરે પાછા ફર્યા, ત્યારે તેમણે ઘરની સામે એક પાડોશીની સ્કૂટી પાર્ક કરેલી જોઈ, જેને તેમણે પાડોશીને હટાવવાનું કહ્યું. પરંતુ સ્કૂટી કાઢવાને બદલે, પાડોશીએ તેમની સાથે ઝઘડો કરવાનું શરૂ કર્યું અને તીક્ષ્ણ વસ્તુથી તેમની હત્યા કરી.

આસિફની પત્ની સૈનાઝ કુરેશીએ પોલીસને જણાવ્યું કે આરોપીઓએ અગાઉ પણ પાર્કિંગના વિવાદને લઈને આસિફ સાથે ઝઘડો કર્યો હતો. જ્યારે આસિફ ઘરે પરત ફરી રહ્યો હતો, ત્યારે તેણે ઘરની સામે પડોશીની સ્કૂટી પાર્ક કરેલી જોઈ. જ્યારે તેણે પડોશીઓને તે હટાવવાનું કહ્યું, પરંતુ સ્કૂટી કાઢવાને બદલે, તેઓએ આસિફ પર તીક્ષ્ણ હથિયારથી હુમલો કર્યો.

મૃતકના સંબંધીઓ કહે છે કે આસિફની હત્યા જાણી જોઈને કરવામાં આવી છે. તેના એક સંબંધી જાવેદે જણાવ્યું કે આસિફ સાથે પહેલા પણ બે વાર જાણી જોઈને ઝઘડો કરવામાં આવ્યો હતો જેથી તેના પર હુમલો કરી શકાય. તેના પર અગાઉ પણ હુમલો કરવામાં આવ્યો હતો.

આ પણ વાંચો : રહસ્યમય અને અલૌકિક! જંગલમાં વિચિત્ર અને દુર્લભ દીપડા ફરતા જોવા મળ્યા, જૂઓ આ વાયરલ વીડિયો આશ્ચર્યચકિત થઈ જશો