Iran: ઈરાને ખતરનાક વીડિયો જાહેર કર્યો, અમેરિકા જોઈને જ ધ્રુજી જશે

Middle East Tension: અમેરિકાએ ઈઝરાયલ સાથે મળીને ઈરાન પર હુમલો કર્યો હતો, ત્યાર બાદ ઈરાને પણ 9 દેશો પર જવાબી હુમલા કર્યા હતા, જેના પગલે પશ્ચિમ એશિયામાં તણાવની સ્થિતિ સર્જાઈ છે. યુદ્ધ વચ્ચે વૈશ્વિક અર્થતંત્ર પણ ડામાડોળ થઈ ગયું છે અને વેપાર પર પણ તેની અસર જોવા મળી રહી છે. અમેરિકા એક પછી એક હુમલાઓ કરી રહ્યું છે તો ઈરાન પણ જડબાતોડ જવાબ આપી રહ્યું છે, ત્યારે ઈરાને એક ખાસ વીડિયો રીલિઝ કર્યો છે જેનાથી યુદ્ધ વધુ ચાલે તેવી સંભાવના છે.

Iran published footage of underground tunnels stocked with naval drones, anti-ship missiles, and sea mines. Reuters reported, citing US officials, that Iran has mined the Strait of Hormuz with dozens of sea mines. #Iran pic.twitter.com/Kcwp5UqkXq

— NOELREPORTS 🇪🇺 🇺🇦 (@NOELreports) March 11, 2026

હોર્મુઝ સ્ટ્રેટને સંપૂર્ણપણે નાકાબંધી કરવાની યોજના

ઈરાનની સેનાએ ગુરુવારે (સ્થાનિક સમય અનુસાર) તેના આત્મઘાતી ડ્રોનના કાફલાની ઝલક વીડિયો દ્વારા દેખાડી હતી, આ ડ્રોનનો ઉપયોગ ઈરાન હોર્મુઝ સ્ટ્રેટને સંપૂર્ણપણે નાકાબંધી કરવાની યોજના બનાવવા માટે છે. ઈરાની રાજ્ય ટીવીએ ભૂગર્ભ પરિસરની અંદરનો એક ફૂટેજ જાહેર કર્યો છે, જેને ઈરાની અધિકારીઓ મિસાઈલ શહેર તરીકે બતાવી રહ્યા છે.

કેમ ખતરનાક છે આ ઈરાની ડ્રોન?

ઈરાન દ્વારા જાહેર કરાયેલા ફૂટેજમાં મોટી સંખ્યામાં નૌકાદળના ડ્રોન અને મિસાઈલોથી સજ્જ જહાજો પણ બતાવવામાં આવી છે. વધારાના ફૂટેજમાં કેટલાક હથિયારો છોડવામાં આવતા પણ દેખાય છે. જો કે, આ રેકોર્ડિંગ ક્યારે કરવામાં આવ્યું તે સ્પષ્ટ નથી. વીડિયોમાં ભૂગર્ભ ટનલમાં મોટી સંખ્યામાં નૌકાદળના ડ્રોન, જેને USV તરીકે પણ ઓળખવામાં આવે છે, તે બતાવવામાં આવ્યું છે.

ડ્રોન વિસ્ફોટકોથી ભરેલા હોય છે

નોંધનીય છે કે આ ડ્રોન પહેલાથી જ પર્સિયન ગલ્ફમાં તેલ ટેન્કરો પર હુમલો કરી રહ્યા છે, જે હોર્મુઝ સ્ટ્રેટમાં વ્યૂહાત્મક રીતે મહત્ત્વપૂર્ણ શિપિંગ રૂટને આંશિક રીતે વિક્ષેપિત કરી રહ્યા છે. આ નાના જહાજો પાણીની સપાટીએ અથવા નીચે કાર્ય કરે છે. ડ્રોન વિસ્ફોટકોથી ભરેલા છે અને તેલ ટેન્કરો સાથે અથડાતા ભયાનક વિસ્ફોટ થાય છે. ઓમાનના દરિયાકાંઠે પહેલી માર્ચે એક ક્રૂડ ઓઇલ ટેન્કરને આવા જ એક ડ્રોનનો ઉપયોગ કરીને નિશાન બનાવવામાં આવ્યું હતું. આ હુમલામાં ટેન્કર પર વિસ્ફોટ થયો હતો અને એક ક્રૂ મેમ્બરનું મોત થયું હતું. ઈરાને આ ડ્રોનનો ઉપયોગ અન્ય ઘણા જહાજો પર હુમલો કરવા માટે કર્યો છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

શાહેદ ડ્રોન તરીકે ઓળખાય છે

ઈરાનના કામિકાઝ ડ્રોન, જેને આત્મઘાતી ડ્રોન અથવા શાહેદ ડ્રોન તરીકે પણ ઓળખવામાં આવે છે, તે 2,000 કિલોમીટર સુધી વિસ્ફોટકો લઈ જવા સક્ષમ છે. દરેક ડ્રોન સરળતાથી 40-50 કિલોગ્રામ વિસ્ફોટકો લઈ જઈ શકે છે. આ ડ્રોનની ખાસિય એ છે કે તે 180-200 કિલોમીટર પ્રતિ કલાકની ઝડપે ઉડી શકે છે. આ ડ્રોન ખૂબ જ ખર્ચ-અસરકારક પણ છે, અને થોડા લાખ રૂપિયામાં બનાવી શકાય છે. આ ડ્રોનની મદદથી, ઈરાન હોર્મુઝ સ્ટ્રેટમાંથી પસાર થતા તેલ ટેન્કરોને સરળતાથી નિશાન બનાવી શકે છે અને સમગ્ર વિશ્વમાં તેલ અને ગેસના પુરવઠાને અસર કરી શકે છે.

આ પણ વાંચો: અમેરિકી સેનાએ ખર્ગ આઈલેન્ડનો સત્યાનાશ કર્યો, સૌથી મોટો હુમલો કર્યો