ચીન, પાકિસ્તાન અને બાંગ્લાદેશના જોડાણ સામે ભારતના સંરક્ષણ વડાએ શું ચેતવણી આપી? વાંચો

એચડી ન્યૂઝ ડેસ્ક, 09 જુલાઇ 2025: War Crisis ભારતના ચીફ ઓફ ડિફેન્સ સ્ટાફ (સીડીએસ) એટલે કે સંરક્ષણ વડા જનરલ અનિલ ચૌહાણે મંગળવારે એક થિંક-ટેન્ક કાર્યક્રમમાં જણાવ્યું હતું કે, ભારતની રાષ્ટ્રીય સુરક્ષા આજે બાહ્ય અને આંતરિક બંને મોરચે ભારે દબાણ હેઠળ છે. તેમણે ચીન, પાકિસ્તાન અને બાંગ્લાદેશના સંભવિત જોડાણને ભારતની સ્થિરતા અને સુરક્ષા માટે મોટો ખતરો ગણાવ્યો હતો.

અમેરિકાની ભૂમિકા જટિલતાભરી?

આજની વૈશ્વિક પરિસ્થિતિ ખૂબ જ અસ્થિર છે, આખું વિશ્વ જૂની વ્યવસ્થાથી નવા વૈશ્વિક સંતુલન તરફ આગળ વધી રહ્યું છે. આ પરિવર્તન વચ્ચે, અમેરિકાની ભૂમિકા પણ ઘણા સ્તરે જટિલતા ઊભી કરી રહી છે. સીડીએસે ભાર મૂક્યો કે મજબૂત અને સ્થિતિસ્થાપક અર્થતંત્ર કોઈપણ દેશની રાષ્ટ્રીય શક્તિનો પાયો છે. તેમણે કહ્યું, “આર્થિક અને વેપાર સુરક્ષા પણ રાષ્ટ્રીય સુરક્ષાનો એક મહત્વપૂર્ણ ભાગ છે. સ્થિર વિકાસ અને ટકાઉ પ્રગતિ માટે મજબૂત અર્થતંત્ર જરૂરી છે.”

સામાજિક અને આંતરિક સુરક્ષાને હળવાશથી ન લેવાય

બાહ્ય પ્રભાવોથી સુરક્ષા ત્યારે જ શક્ય છે જ્યારે દેશની આંતરિક સ્થિતિ મજબૂત હોય અને તેનો આર્થિક આધાર સ્થિર રહે. સામાજિક અને આંતરિક સુરક્ષાનું મહત્વ જનરલ ચૌહાણે કહ્યું કે, ભારત જેવા વૈવિધ્યસભર દેશમાં સામાજિક અને આંતરિક સુરક્ષાને હળવાશથી ન લઈ શકાય. તેમણે કહ્યું, “આપણો દેશ બહુભાષી, બહુધાર્મિક અને બહુજાતીય છે, તેથી સામાજિક એકતા જાળવવી મહત્વપૂર્ણ છે. સામાજિક સુરક્ષા વ્યવસ્થામાં આંતરિક સુરક્ષાને પણ મહત્વપૂર્ણ સ્થાન મળવું જોઈએ.

આ પણ વાંચો:વકીલોના રક્ષણ માટે બાર કાઉન્સિલના ચેરમેન મેદાનમાં, મુખ્યમંત્રી પાસે તાત્કાલિક મળવાનો સમય માંગ્યો

આંતરિક રીતે ભારત નબળું?

ચૌહાણે ચેતવણી આપી હતી કે જો ભારત આંતરિક રીતે નબળું પડશે, તો બાહ્ય જોખમો વધુ અસરકારક બનશે. ચીન-પાકિસ્તાન-બાંગ્લાદેશ જોડાણ પર સતર્ક રહેવાની જરૂર જનરલ ચૌહાણે કહ્યું કે જો ચીન, પાકિસ્તાન અને બાંગ્લાદેશ વચ્ચે કોઈપણ પ્રકારનો વ્યૂહાત્મક સહયોગ થશે, તો તેની સીધી અસર ભારતની સુરક્ષા પર પડશે.

ત્રણ દેશો ભારત માટે પડકાર

 આ ત્રણ દેશોના સામાન્ય હિતો ભારત સામે વ્યૂહાત્મક પડકાર બની શકે છે, ખાસ કરીને જ્યારે બાંગ્લાદેશમાં રાજકીય પરિસ્થિતિ અસ્થિર હોય અને તેના ભૂતપૂર્વ વડાંપ્રધાન શેખ હસીનાએ ભારતમાં આશ્રય લીધો હોય.

ભારતે પાકિસ્તાનની પરમાણુ ધમકી ખોટી સાબિત કરી

 ‘ઓપરેશન સિંદૂર’ એ યુદ્ધનો અર્થ બદલી નાખ્યો છે.  સીડીએસ, મે 2025 માં ‘ઓપરેશન સિંદૂર’ નો ઉલ્લેખ કરતા, કહ્યું કે આ પહેલો કિસ્સો હતો જ્યારે બે પરમાણુ સશસ્ત્ર દેશો ભારત અને પાકિસ્તાન સીધા લશ્કરી સંઘર્ષમાં સામેલ હતા. આ સંઘર્ષમાં ભારતે પાકિસ્તાનના પરમાણુ ધમકીઓને ખોટા સાબિત કર્યા અને આ દુનિયા માટે એક પાઠ છે કે કોઈપણ દેશ પરમાણુ ડર બતાવીને પોતાની કાર્યવાહી છુપાવી શકતો નથી.

ભારતે દરેક સ્તરે તેની તૈયારી વધારવી પડશે

આગામી પડકારો અને તૈયારીઓ સીડીએસે વધુમાં કહ્યું કે હવે યુદ્ધના રસ્તા બદલાઈ ગયા છે. યુદ્ધો હવે ફક્ત સરહદ પર જ નહીં, પરંતુ સાયબર હુમલાઓ, ઇલેક્ટ્રોનિક શસ્ત્રો, ડ્રોન, મિસાઇલો અને હાઇપરસોનિક શસ્ત્રો દ્વારા પણ લડાઈ રહ્યા છે. તેમણે કહ્યું, “દુનિયા પાસે આ બધા મોરચે હજુ સુધી સંપૂર્ણ સંરક્ષણ પ્રણાલી નથી, તેથી ભારતે દરેક સ્તરે તેની તૈયારી વધારવી પડશે.”

આ પણ વાંચો:પ્લેન ક્રેશ દુર્ઘટનામાં કેટલા માનવ અંગોની અંતિમવિધિ સરકારે કરી? 

આ પણ વાંચો:ધન લાભ માટે વાસ્તુ અનુસાર આ ઉપાયો કરો, આર્થિક તંગી દૂર થશે