અમેરિકાના પ્રમુખ પદની દાવેદારી કરી રહેલા ડોનાલ્ડ ટ્રમ્પ હશ મની કેસમાં દોષી જાહેર

• વ્હાઇટ હાઉસની રેસમાં ટ્રમ્પના અભિયાનને ફરી એકવાર મોટો ફટકો પડ્યો

ન્યૂયોર્ક, 31 મે: 2024માં અમેરિકાના પ્રમુખ પદની રેસમાં રહેલા ડોનાલ્ડ ટ્રમ્પને કોર્ટ તરફથી મોટો ઝટકો લાગ્યો છે. અમેરિકન કોર્ટે તેમને સિક્રેટ મની (Hush Money)કેસમાં દોષિત ઠેરવ્યા છે. કોર્ટે તમામ 34 કેસમાં ટ્રમ્પને દોષિત જાહેર કર્યા છે. આનાથી વ્હાઇટ હાઉસની રેસમાં ટ્રમ્પના અભિયાનને ફરી એકવાર મોટો ફટકો પડ્યો છે. ન્યાયાધીશે સજા માટે 11 જુલાઈની તારીખ નક્કી કરી છે. USમાં નવેમ્બરમાં પ્રમુખની ચૂંટણી પણ યોજાવાની છે. તેના પહેલા ટ્રમ્પની સજા કોઈ મોટા આંચકાથી ઓછી નથી. ટ્રમ્પની સજાની જાહેરાત એવા સમયે થવા જઈ રહી છે જ્યારે તેઓ 2024 માટે રિપબ્લિકન પ્રમુખ પદના ઉમેદવાર છે. ટ્રમ્પ અમેરિકાના પહેલા પૂર્વ પ્રમુખ છે જેમને ફોજદારી કેસમાં દોષિત ઠેરવવામાં આવ્યા છે.

ઉલ્લેખનીય છે કે, ચૂંટણીના માંડ પાંચ મહિના પહેલા થયેલા આ મોટા ઘટનાક્રમમાં ગુરુવારે ન્યૂયોર્કની જ્યુરીએ ડોનાલ્ડ ટ્રમ્પને હશ મનીના કેસમાં તમામ આરોપોમાં દોષિત ઠેરવ્યા હતા. આ રીતે ભૂતપૂર્વ US પ્રમુખના પ્રથમ ફોજદારી કેસમાં ટ્રમ્પએ પોર્ન સ્ટાર સ્ટોર્મી ડેનિયલ્સને ચૂપ કરવા માટે કરવામાં આવેલી ચૂકવણીને છુપાવવા માટે કરેલ વ્યાવસાયિક રેકોર્ડની હેરાફેરીના 34 મામલામાંથી દરેકમાં તેઓ દોષિત જાહેર થતાં સમાપ્ત થયા છે.

ટ્રમ્પને જામીન વગર મુક્ત કરવામાં આવ્યા 

પૂર્વ પ્રમુખને દોષિત ઠેરવ્યા બાદ જામીન વગર મુક્ત કરવામાં આવ્યા હતા. તે શરૂઆતમાં મેનહટન કોર્ટરૂમમાં તેના ખભા ઝુકાવીને બેઠા હતા. જો કે થોડીવાર પછી તેઓ બહાર આવ્યા અને પત્રકારોને સંબોધ્યા. સાથે જ આ નિર્ણયને “શરમજનક” ગણાવ્યો. ટ્રમ્પે વચન આપ્યું હતું કે, 5 નવેમ્બરની પ્રમુખની ચૂંટણીમાં “વાસ્તવિક નિર્ણય” મતદારો તરફથી આવશે. આ નિર્ણય સામે ઉચ્ચ અદાલતમાં અપીલ કરવી લગભગ નિશ્ચિત માનવામાં આવે છે.

શું સજા થયા બાદ પણ ટ્રમ્પ ચૂંટણી લડી શકશે?

કાયદાકીય નિષ્ણાતોના મતે, આ કેસમાં દોષિત જાહેર થયા બાદ પણ ડોનાલ્ડ ટ્રમ્પ પ્રમુખની ચૂંટણી લડવા માટે લાયક ગણાશે. ન્યાયાધીશ જુઆન મર્ચને તેને જેલની સજા માટે 11 જુલાઈ નક્કી કરી છે. આ નિર્ણય મિલવૌકીમાં રિપબ્લિકન નેશનલ કન્વેન્શનની પહેલા આવ્યો છે, જ્યાં ટ્રમ્પને ચૂંટણીમાં ડેમોક્રેટિક પ્રમુખ જો બાઈડનનો સામનો કરવા માટે પાર્ટીનું ઔપચારિક નોમિનેશન મળવાનું હતું. ટ્રમ્પ પરના આ નિર્ણય પછી, બાઈડનના અભિયાન દ્વારા એક નિવેદન જારી કરીને કહેવામાં આવ્યું કે, આ નિર્ણય દર્શાવે છે કે “કોઈ પણ કાયદાથી ઉપર નથી.” “ટ્રમ્પ દ્વારા આપણી લોકશાહી માટે જે ખતરો ઉભો થયો છે તેનાથી મોટો ક્યારેય ન હતો.” 12-સભ્યોની જ્યુરીએ તેનો ચુકાદો આપતા પહેલા બે દિવસમાં 11 કલાકથી વધુ સમય સુધી ચર્ચા કરી. આ પછી થોડી જ મિનિટોમાં ટ્રમ્પને લઈને આ જાહેરાત કરવામાં આવી હતી.

આ પણ જુઓ: પ્રજ્વલ રેવન્નાની SIT દ્વારા બેંગલુરુ એરપોર્ટ પરથી ધરપકડ, આજે કોર્ટમાં થશે હાજર