‘અમેરિકા સાથે ત્યાં સુધી કોઈ કરાર નહીં થાય જ્યાં સુધી…’, US-ભારત ટ્રેડ ડીલને લઈને પિયુષ ગોયલનું મોટું નિવેદન
US India trade deal: કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે ગુરુવારે (25 જૂન, 2026) ભારત અને યુનાઇટેડ સ્ટેટ્સ વચ્ચેના પ્રસ્તાવિત દ્વિપક્ષીય વેપાર કરાર અંગે એક મહત્વપૂર્ણ નિવેદન આપ્યું હતું. તેમણે કહ્યું છે કે અમેરિકા સાથે કોઈ દ્વિપક્ષીય વેપાર કરાર ત્યારે જ શક્ય છે, જ્યારે ભારત અને અમેરિકા વચ્ચે સ્પર્ધાત્મક દેશોની સરખામણીમાં ભારતીય માલના નિકાસ માટે “કમ્પેરેટિવ ટેરિફ એડવાન્ટેજ” એટલે કે તુલનાત્મક શુલ્ક લાભ સુનિશ્ચિત કરવા માટે એક નિશ્ચિત ફ્રેમવર્ક તૈયાર કરવામાં આવે.
ભારત અમેરિકા સાથે કયા પ્રકારના માળખા પર કામ કરી રહ્યું છે?
રોઇટર્સના અહેવાલ મુજબ, કેન્દ્રીય વાણિજ્ય અને ઉદ્યોગ મંત્રી પિયુષ ગોયલે બંને દેશો વચ્ચે ટ્રેડ ડીલને લઈને ચાલી રહેલી ચર્ચા પર પ્રતિક્રિયા આપી છે. તેમણે કહ્યું છે કે વોશિંગ્ટન સાથે હવે એક એવા ફ્રેમવર્ક પર ચર્ચા ચાલી રહી છે, જે ભારતને અન્ય સ્પર્ધાત્મક દેશોની તુલનામાં વધુ લાભ અને વધારાનો ફાયદો આપી શકે.
તેમણે કહ્યું, “જ્યાં સુધી આપણી પાસે તુલનાત્મક લાભનું માળખું ન હોય ત્યાં સુધી આપણે અમેરિકા સાથે કોઈ કરાર કરી શકતા નથી. જોકે, ભારત અને અમેરિકા દ્વિપક્ષીય વેપાર કરારને અંતિમ સ્વરૂપ આપવાની ખૂબ નજીક છે.”
બંને દેશોની વાટાઘાટ ટીમો કરારની વિગતો પર ચર્ચા કરી રહી છે – ગોયલ
પીયૂષ ગોયલે વેપાર કરાર અંગે સ્પષ્ટપણે જણાવ્યું હતું કે, “ભારત અને યુનાઇટેડ સ્ટેટ્સ વચ્ચે દ્વિપક્ષીય વેપાર કરારના વ્યાપક માળખા પર આ વર્ષે 6 ફેબ્રુઆરી, 2026 ના રોજ સંમતિ સધાઈ હતી. ત્યારથી, બંને દેશોની વાટાઘાટ ટીમો કરારની વિગતો પર ગંભીરતાથી કામ કરી રહી છે.”
તેમણે વધુમાં કહ્યું, “ભારત અને યુનાઇટેડ સ્ટેટ્સની વાટાઘાટ ટીમો હાલમાં દ્વિપક્ષીય વેપાર કરારના કાનૂની અને નીતિગત મિકેનિઝમ્સ પર ચર્ચા કરી રહી છે, જેના દ્વારા કરાર પૂર્ણ થયા પછી યુનાઇટેડ સ્ટેટ્સ ભવિષ્યમાં ભારતને સ્પર્ધાત્મક લાભ પ્રદાન કરી શકે છે.”
આ પણ વાંચો: AIIMSનો મોટો નિર્ણય, સોશિયલ મીડિયા પર પ્રતિબંધ! દર્દીઓની વિગતો પોસ્ટ કરવા પર થઈ શકે છે કાર્યવાહી
