ગરમીથી નહીં મળે રાહત, આ રાજ્યો માટે હવામાન વિભાગે જાહેર કર્યું રેડ એલર્ટ
- હવામાન વિભાગે આગામી પાંચ દિવસ માટે જાહેર કર્યું હીટ વેવનું રેડ એલર્ટ
- ગરમીના કારણે અનેક વિસ્તારોમાં સામાન્ય જનજીવન થયું પ્રભાવિત
- વધતી જતી ગરમીથી ભારતના અર્થતંત્ર પર પણ થઈ શકે છે ભારે અસર
નવી દિલ્હી, 22 મે: ગુજરાતના અનેક વિસ્તારોમાં કાળઝાળ ગરમી તેમજ ભેજના કારણે સ્થિતિ વધુ જોખમી બની રહી છે. મંગળવારે હરિયાણાના સિરસામાં મહત્તમ તાપમાન 47.8 ડિગ્રી સેલ્સિયસ નોંધાયું હતું, જે દેશમાં સૌથી વધુ છે.
ભારતના મોટાભાગના વિસ્તારો આ દિવસોમાં આકરી ગરમીથી ત્રસ્ત છે. ઉત્તર ભારતના મેદાની વિસ્તારો છેલ્લા પાંચ દિવસથી તીવ્ર ગરમીની લપેટમાં છે. હવે હવામાન વિભાગે કહ્યું છે કે આગામી દિવસોમાં ગરમીમાંથી રાહત મળવાની કોઈ શક્યતા નથી. હવામાન વિભાગે આગામી પાંચ દિવસ માટે હીટ વેવનું રેડ એલર્ટ જાહેર કર્યું છે. જે રાજ્યો માટે રેડ એલર્ટ જાહેર કરવામાં આવ્યું છે તેમાં પંજાબ, હરિયાણા, દિલ્હી, રાજસ્થાન, ઉત્તર પ્રદેશ, ગુજરાત અને ઉત્તર પશ્ચિમ મધ્ય પ્રદેશનો સમાવેશ થાય છે.
ગરમીથી સામાન્ય જનજીવન પ્રભાવિત
હવામાન વિભાગે કહ્યું છે કે ગરમીને જોતા વૃદ્ધો, બાળકો અને બીમાર લોકોએ ખાસ ધ્યાન આપવાની જરૂર છે. નીચલા પહાડી વિસ્તારોમાં પણ તીવ્ર ગરમી રહેશે. મંગળવારે દેશના ઘણા વિસ્તારોમાં મહત્તમ તાપમાન 45 ડિગ્રી સેલ્સિયસથી વધુ હતું. જેમાં રાજસ્થાન, હરિયાણા, દિલ્હી, ચંદીગઢ અને ઉત્તર પ્રદેશના ઘણા વિસ્તારો સામેલ છે. ગરમીના કારણે આ વિસ્તારોમાં સામાન્ય જનજીવન ખરાબ રીતે પ્રભાવિત થયું હતું. ગુજરાતના અનેક વિસ્તારોમાં આકરી ગરમી અને ભેજના કારણે સ્થિતિ વધુ જોખમી બની રહી છે. મંગળવારે હરિયાણાના સિરસામાં મહત્તમ તાપમાન 47.8 ડિગ્રી સેલ્સિયસ નોંધાયું હતું, જે દેશમાં સૌથી વધુ છે.
#WATCH राजस्थान: जयपुर मौसम विज्ञान केन्द्र निदेशक राधेश्याम शर्मा ने कहा, “पिछले 24 घंटों में इस सीजन में पहली बार राजस्थान में अधिकतम तापमान 47 डिग्री सेल्सियस रिकॉर्ड किया गया है…पश्चिमी राजस्थान के सभी स्थानों पर अधिकतम तापमान 45 डिग्री सेल्सियस से ऊपर है…हीट वेव की… pic.twitter.com/h9B2Hl9q8I
— ANI_HindiNews (@AHindinews) May 22, 2024
વીજળીનો વપરાશ વધ્યો
મંગળવારે દિલ્હીના તાપમાનમાં થોડી રાહત જોવા મળી હતી, પરંતુ હજુ પણ તે સામાન્ય કરતા ત્રણથી પાંચ ડિગ્રી સેલ્સિયસ વધારે છે. ગરમીના કારણે દિલ્હીમાં વીજળીના વપરાશમાં ઉછાળો આવ્યો છે. મંગળવારે દિલ્હીમાં રેકોર્ડ 7,717 મેગાવોટ વીજળીની માંગ હતી અને આગામી દિવસોમાં તે 8200 મેગાવોટ સુધી પહોંચવાની અપેક્ષા છે. દિલ્હીમાં 25 મેના રોજ છઠ્ઠા તબક્કાનું મતદાન થવાનું છે. આવી સ્થિતિમાં લોકોએ ચૂંટણી પંચને અપીલ કરી છે કે મતદાન દરમિયાન મતદાન મથકો પર પંખા, કુલર અને ઠંડા પાણીની વ્યવસ્થા કરવામાં આવે.
ભારતના અર્થતંત્ર પર ગરમીની ભારે અસર પડશે
હવામાન વિભાગનું કહેવું છે કે આગામી ચારથી પાંચ દિવસમાં મહત્તમ તાપમાનમાં બેથી ત્રણ ડિગ્રી સેલ્સિયસનો વધારો થઈ શકે છે. મંગળવારે પણ રાજસ્થાનના ઝુંઝુનુના પિલાનીમાં મહત્તમ તાપમાન 47.2 ડિગ્રી સેલ્સિયસ નોંધાયું હતું. ભારતમાં ઉનાળાની ઋતુમાં તાપમાનમાં સતત વધારો થઈ રહ્યો છે. જેના કારણે ઓછી આવક ધરાવતા વર્ગની આવક પર પણ માઠી અસર પડી રહી છે. વર્લ્ડ બેંકના રિપોર્ટ અનુસાર ભારતમાં ગરમીના કારણે 2030 સુધીમાં 3 કરોડથી વધુ નોકરીઓ છીનવાઈ શકે છે. ગરમીના કારણે ઉત્પાદકતા પણ પ્રભાવિત થઈ રહી છે અને તેના કારણે ભારતના જીડીપીને પણ ભારે નુકસાન થઈ શકે છે.
