Success Story: PM મોદી સાથે દેખાતા આ અધિકારી કોણ? UPSCમાં 15મો રેન્ક છતાં IAS છોડીને IFS પસંદ કર્યું

કેરળ, 30 જાન્યુઆરી 2026:  દરેક ઉમેદવારનું સ્વપ્ન હોય છે કે UPSCમાં ઊંચી રેન્ક મેળવીને IAS અધિકારી બને, પરંતુ સિદ્ધાર્થ બાબુએ આ સામાન્ય રસ્તાથી અલગ નિર્ણય લીધો. વર્ષ 2016માં UPSCના પોતાના બીજા પ્રયાસમાં સિદ્ધાર્થએ ઓલ ઇન્ડિયા રેન્ક 15 મેળવી હતી, છતાં તેમણે IAS પસંદ ન કરીને ભારતીય વિદેશ સેવા (IFS) પસંદ કરી. તાજેતરમાં સિદ્ધાર્થ ચર્ચામાં છે કારણ કે ભારતના 77મા ગણતંત્ર દિવસ સમારોહ દરમિયાન તેઓ પ્રધાનમંત્રી નરેન્દ્ર મોદી સાથે નજરે પડ્યા હતા. આ સફળતાની કહાનીમાં જાણીએ કે સિદ્ધાર્થ બાબુ કોણ છે અને તેમની પ્રેરણાદાયક યાત્રા શું છે.

કેરળના રહેવાસી, એન્જિનિયરિંગ બાદ UPSCની તૈયારી

સિદ્ધાર્થ બાબુ કેરળના રહેવાસી છે. 12મી પછી તેમણે એન્જિનિયરિંગમાં ડિગ્રી મેળવી. ત્યારબાદ તેમનો ઝુકાવ સિવિલ સર્વિસ તરફ થયો અને તેમણે યુનિયન પબ્લિક સર્વિસ કમિશન (UPSC)ની તૈયારી શરૂ કરી.

પહેલા પ્રયાસમાં નિષ્ફળતા, 2016માં મેળવી 15મી રેન્ક

સિદ્ધાર્થને UPSCના પહેલા પ્રયાસમાં સફળતા મળી નહોતી, પરંતુ તેમણે હાર સ્વીકારી નહીં. સતત મહેનત અને ધીરજ સાથે આગળ વધતા રહ્યા અને UPSC 2016માં તેમણે સિવિલ સર્વિસ પરીક્ષામાં AIR 15 હાંસલ કરી. તેમનો વૈકલ્પિક વિષય ઇન્ટરનેશનલ રિલેશન્સ હતો.

ઇન્ટરનેશનલ રિલેશન્સમાં રસ, એટલે IFS પસંદ કરી

સિદ્ધાર્થને આંતરરાષ્ટ્રીય સંબંધોમાં વિશેષ રસ હતો. આ જ કારણથી તેમણે ટોપ રેન્ક હોવા છતાં IASને બદલે IFS પસંદ કરી. તેઓ 2017 બેચના ભારતીય વિદેશ સેવા અધિકારી છે.

તૈયારીની સ્ટ્રેટેજી: સરળ ટાઇમટેબલ અને ફોકસ

સિદ્ધાર્થ કહે છે કે તેમના બેચના ઘણા વિદ્યાર્થીઓ ટોપર રહ્યા છે, પરંતુ તેમણે ક્યારેય કોઈને અતિશય લાંબા સમય સુધી ભણતા નથી જોયા. તેમની તૈયારીની રણનીતિમાં રુચિ ધરાવતા વિષયો પર ધ્યાન, અને એવો ટાઇમટેબલ બનાવવો સામેલ હતો જે લાંબા સમય સુધી અનુસરવો શક્ય હોય.

હાલ EA પદ પર, એટલે ચર્ચામાં

સિદ્ધાર્થને અનેક ભાષાઓનું જ્ઞાન છે. તેઓ પ્રધાનમંત્રી મોદી અને વિદેશી નેતાઓ વચ્ચે અનુવાદક (ટ્રાન્સલેટર) તરીકે પણ કામ કરી ચૂક્યા છે. વર્ષ 2026ના ગણતંત્ર દિવસ સમારોહમાં PM મોદી સાથે દેખાવાથી તેઓ ચર્ચાનો વિષય બન્યા. આ તેમની ક્ષમતા, યોગદાન અને સિદ્ધિઓની ઓળખ છે.

આ પણ વાંચો : 12 કલાકમાં 1000 પુરુષો સાથે શારીરિક સંબંધ બાંધનારી મહિલા હવે નવો કાંડ કરશે, જાનવરોની માફક કરશે આ કામ