VIDEO: કપ્તાન ગિલને ઈંગ્લેન્ડના બોલરની શંકાસ્પદ હરકત પસંદ ન પડી, અને પછી શું થયું જુઓ

IND VS ENG SECOND TEST MATCH: ભારત અને ઇંગ્લેન્ડ વચ્ચે રમાઈ રહેલી 5 મેચની ટેસ્ટ સિરીઝની બીજી મેચ 2 જુલાઈના રોજ એજબેસ્ટન મેદાન પર શરૂ થઈ ગઈ છે, જેમાં પ્રથમ દિવસની રમત પૂરી થઈ ત્યારે ટીમ ઈન્ડિયાએ પોતાની પહેલી ઇનિંગમાં 5 વિકેટ ગુમાવીને 310 રન બનાવી લીધા હતા. ભારતીય ટેસ્ટ ટીમના કેપ્ટન શુભમન ગિલનું બેટિંગ સાથે શાનદાર ફોર્મ પણ આ મેચમાં જોવા મળ્યું, જેમાં તે દિવસની રમતના અંતે 114 રન બનાવીને અણનમ રહ્યો. તે જ સમયે, પ્રથમ દિવસની રમતમાં, કેપ્ટન ગિલ અને ઇંગ્લેન્ડના ફાસ્ટ બોલર બ્રાઇડન કાર્સ વચ્ચે થોડી ઝપાઝપી પણ જોવા મળી હતી, જેમાં કાર્સના ગંદા વર્તનને કારણે ગિલ બેટિંગ દરમિયાન થોડો ગુસ્સે થઈ ગયો હતો.

ગિલનું ધ્યાન ભટકાવવા માટે કાર્સે અસભ્ય વર્તન કર્યું

જ્યારે શુભમન ગિલ પહેલા દિવસે બેટિંગ કરવા આવ્યો, ત્યારે રમતના બીજા સત્ર દરમિયાન, ભારતીય ઇનિંગ્સની 34મી ઓવરમાં, જ્યારે બ્રાયડન કાર્સે ઇંગ્લેન્ડ તરફથી બોલિંગ કરી રહ્યો હતો, ત્યારે ચોથા બોલ પર, કાર્સે રન-અપમાં નો-બોલની જેમ પોતાનો નોન-બોલિંગ હાથ હવામાં ઉંચો કર્યો, જેથી તે શુભમન ગિલનું ધ્યાન ભટકાવી શકે. કાર્સેની આ હરકત પર ગિલે અચાનક વિકેટથી દૂર જતો રહ્યો અને બોલ રમવાની ના પાડી દીધી. ગિલની આ એક્શન જોઈને કાર્સને પણ નવાઈ લાગી. આ પછી ગિલે ગુસ્સામાં આવીને કાર્સેને તેના આવા કાંડ બદલ ઠપકો આપતા જોવા મળ્યો હતો.  જો કે, ફિલ્ડ અમ્પાયરે બાદમાં આ બોલને ડેડ જાહેર કર્યો હતો.

Mind games or genuine distraction? We’ll never know 🤷‍♂️#SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings pic.twitter.com/iIO2NH1HXR

— Sony Sports Network (@SonySportsNetwk) July 2, 2025

શુભમન ગિલે રવિ શાસ્ત્રી અને ધોનીને પાછળ છોડી દીધા

શુભમન ગિલ ભલે અત્યાર સુધી ઇંગ્લેન્ડ પ્રવાસ પર કેપ્ટન તરીકે વધુ પ્રભાવિત કરી શક્યો ન હોય, પરંતુ તે ચોક્કસપણે બેટ્સમેન તરીકે પોતાને સાબિત કરી રહ્યો છે. શુભમન ગિલે ઇંગ્લેન્ડ પ્રવાસ પર સતત બીજી સદી ફટકારવાની સાથે, તેણે આંતરરાષ્ટ્રીય ક્રિકેટમાં સૌથી વધુ સદી ફટકારવાના મામલે ટીમ ઇન્ડિયાના ભૂતપૂર્વ દિગ્ગજ ખેલાડીઓ રવિ શાસ્ત્રી અને એમએસ ધોનીને પાછળ છોડી દીધા છે. શાસ્ત્રીએ પોતાની કારકિર્દીમાં કુલ 15 સદીની ઇનિંગ્સ રમી હતી, જ્યારે શુભમન ગિલ અત્યાર સુધીમાં 16 સદી ફટકારવામાં સફળ રહ્યો છે.

આ પણ વાંચો: કપ્તાન બનતા જ શુભમન ગિલ બન્યો “સદી-વીર”, અત્યાર સુધી ખાલી 3 ખેલાડી જ આવું કરી શક્યા