VIDEO: ભારત સામે ફાઈનલમાં ભૂંડી રીતે હાર્યા બાદ પાકિસ્તાની કપ્તાનની શરમજનક કરતૂત, ઈનામમાં મળેલો ચેક ફેંકી દીધો
દુબઈ, 29 સપ્ટેમ્બર, 2025: પાકિસ્તાનના કેપ્ટન સલમાન અલી આગાએ ભારત પર “ક્રિકેટનો અનાદર” કરવાનો આરોપ લગાવ્યો છે. જો કે, શું મેચ પછીની પ્રેઝન્ટેશન દરમિયાન તેણે કરેલી કરતૂત વાજબી હતી? ભારત-પાકિસ્તાન એશિયા કપ 2025 ની ફાઇનલમાં ટીમ ઇન્ડિયાના હાથે કારમી હારનો સામનો કર્યા પછી, જ્યારે સલમાન આગાને રનર-અપ ચેક આપવામાં આવ્યો, ત્યારે તેણે તે બધાની સામે ફેંકી દીધો.
આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે. સલમાન આગાને બધાની સામે ચેક ફેંક્યા પછી હસતો પણ જોવા મળે છે. નોંધનીય છે કે મેચ પછીની પ્રેઝન્ટેશનમાં પણ ભારે હોબાળો થયો હતો. ભારતે ACC પ્રમુખ અને પાકિસ્તાની નેતા મોહસીન નકવી પાસેથી ટ્રોફી સ્વીકારવાનો ઇનકાર કર્યો હતો. ક્રિકેટ ઇતિહાસમાં આવું પહેલી વાર બન્યું છે.
no way this dude is sober😭🙏🏻 pic.twitter.com/dFyLE0zap2
— Abdullah (@ab4dullahx) September 28, 2025
આ ઘટના બાદ પાકિસ્તાની ટીમના કપ્તાન સલમાન અલી આગાએ કહ્યું હતું કે, “મને લાગે છે કે આ ટુર્નામેન્ટમાં જે બન્યું તે ખૂબ જ નિરાશાજનક છે. જો તમે જોયું તો, તેઓ વિચારે છે કે તેઓ હાથ ન મિલાવીને અમારું અપમાન કરી રહ્યા છે, પરંતુ વાસ્તવમાં તેઓ ક્રિકેટનું અપમાન કરી રહ્યા છે. અને જે કોઈ ક્રિકેટનું અપમાન કરે છે, મને લાગે છે કે તે પાછું આવશે અને મને ખાતરી છે કે તે થશે.”
તેણે આગળ કહ્યું, “આજે તેમણે જે કર્યું, મને લાગે છે કે એક સારી ટીમ એવું નથી કરતી. સારી ટીમો એ જ કરે છે જે અમે કર્યું; અમે એકલા ગયા અને ટ્રોફી સાથે પોઝ આપ્યો અને હાર્યા પછી પણ, અમે ત્યાં ઉભા રહીને અમારા મેડલ લીધા. હું ખૂબ કઠોર શબ્દોનો ઉપયોગ કરવા માંગતો નથી, પરંતુ પ્રમાણિકપણે, તે રમત માટે ખૂબ જ અપમાનજનક છે, બીજા કોઈ માટે નહીં.”
આ પણ વાંચો: જેવા સાથે તેવા: ટીમ ઈંડિયાના ખેલાડીઓએ અબરારના ધજાગરા ઉડાવ્યા, વીડિયો જોઈ દિલ ખુશ થઈ જશે
