શું ભારત સ્વતંત્ર છે કે ટ્રમ્પના હાથની કઠપૂતળી? એપસ્ટીન ફાઇલ્સમાં છુપાયેલી છે PM મોદીની સચ્ચાઈ

Epstein Files: વિરોધ પક્ષના નેતા રાહુલ ગાંધીએ આસામની એક જનસભામાં મોદી સરકાર પર ગંભીર આરોપો લગાવ્યા. રાહુલ ગાંધીએ કહ્યું કે ટ્રમ્પે જાહેરમાં એવો દાવો કર્યો છે કે “નરેન્દ્ર મોદી મને સર કહે છે અને હું જ્યારે ઇચ્છું ત્યારે તેમની રાજકીય કારકિર્દી ખતમ કરી શકું છું.”

આ પાછળનું કારણ? ટ્રમ્પના હાથમાં જેફરી એપસ્ટીનની અપ્રકાશિત ફાઇલ્સ છે, જેમાં મોદીની પૂરી સચ્ચાઈ છુપાયેલી છે.

રાહુલ ગાંધીએ વધુમાં જણાવ્યું કે ટ્રમ્પે અમેરિકામાં અદાણી સામે ક્રિમિનલ કેસ નોંધાવ્યો છે, કારણ કે તેઓ જાણે છે કે અદાણી ગ્રુપ BJPનો આર્થિક આધાર સ્તંભ છે. તેમણે આ કંપનીને લઈને લોકોમાં પ્રચલિત થયેલ “મોદાણી” શબ્દનો પણ ઉલ્લેખ કર્યો. રાહુલ ગાંધીએ આગળ કહ્યું કે આ પ્રકારની સમજૂતીના કારણે આજે ભારત અમેરિકાની મંજૂરી વગર રશિયા, ઈરાન કે અન્ય કોઈ દેશમાંથી તેલ ખરીદી શકતું નથી. તેમણે કહ્યું, “નરેન્દ્ર મોદીએ ભારતની ઊર્જા સુરક્ષા અને મહત્વપૂર્ણ માહિતી અમેરિકાના હાથમાં સોંપી દીધી છે. આ નરેન્દ્ર મોદીના કમ્પ્રોમાઇઝ્ડ હોવાનું પરિણામ છે.”

રાહુલે ભારપૂર્વક કહ્યું કે મોદી સરકારે અમેરિકા સાથેના વેપાર કરારમાં ભારતીય ખેડૂતો, નાના વેપારીઓ અને યુવાનોના હિતોને વેચી દીધા છે. તેમણે આંકડા પણ આપ્યા. દર વર્ષે અમેરિકાથી 9.5 લાખ કરોડનો માલસામાન ખરીદવાનું વચન આપવામાં આવ્યું છે, પરંતુ ભારતને શું મળશે? ઊલટાનું ટેક્સ વધ્યા છે, ડેટા ગયો, ખેતી ખતમ થઈ રહી છે અને એનર્જી સિક્યોરિટી પણ ખતરામાં છે.

આ આરોપો કંઈ નવા નથી. અગાઉ પણ રાહુલ ગાંધીએ જ્યારે લોકસભામાં એપસ્ટીન ફાઈલ્સ અને અદાણીનો મુદ્દો ઉઠાવ્યો હતો, ત્યારે PM મોદી ગભરાઈને સંસદ છોડીને ભાગી ગયા હતા. એપસ્ટીનની અપ્રકાશિત ફાઈલ્સમાં મોદી અને અંબાણી-અદાણી જેવા મોટા ઉદ્યોગપતિઓના નામ આવ્યા છે. કોંગ્રેસે આને સ્પષ્ટપણે ‘બ્લેકમેલ’ તરીકે રજૂ કર્યું છે. અદાણી ગ્રુપ પર અમેરિકામાં ક્રિમિનલ કેસ ચાલી રહ્યો છે અને તેને BJPના ફંડિંગ સાથે સીધું જોડવામાં આવે છે.

વળી, ભારતને રશિયન તેલ ખરીદવા માટે અમેરિકાએ માત્ર કામચલાઉ મંજૂરી (વેવર) આપી છે. પરંતુ આ કોઈ સ્વતંત્રતા નથી, આ તો પૂરેપૂરી ગુલામી છે.

મોદી સરકારની આ કમ્પ્રોમાઇઝ્ડ નીતિના કારણે ભારતની વિદેશ નીતિ, અર્થતંત્ર અને રાષ્ટ્રીય સુરક્ષા ખૂબ જ નબળી અને અસુરક્ષિત બની ગઈ છે. રાહુલ ગાંધીએ કહ્યું કે ખેડૂતોની જમીન અદાણી અને અંબાણી જેવા મોટા ઉદ્યોગપતિઓને આપી દેવામાં આવી રહી છે. યુવાનોમાં બેરોજગારીનો દર વધી રહ્યો છે અને સામાન્ય માણસે ભરેલા ટેક્સના પૈસા વિદેશી કંપનીઓ સાથેના સોદાઓમાં વેચાઈ રહ્યા છે, એટલે કે, લોકોના ટેક્સના પૈસા વિદેશીઓને ફાયદો પહોંચાડવા માટે વાપરવામાં આવી રહ્યા છે.

રાહુલે હિમંતા બિસ્વા સરમાની સરકારને ‘લેન્ડ ATM’ કહીને આક્રમક ટીકા કરી. એટલે કે, આસામની જમીન જાણે કોઈ ATM હોય, જ્યાંરે જરૂર પડે ત્યારે મોટી કંપનીઓને વેચી શકાય. આ બધાને કારણે દેશની અર્થવ્યવસ્થા અને સુરક્ષા મોટા ખતરામાં આવી ગઈ છે.

ट्रंप ने सरेआम कहा- नरेंद्र मोदी मुझे ‘सर’ कहता है, मैं जब चाहूं उसका करियर खत्म कर सकता हूं।

⦿ अमेरिकी राष्ट्रपति ट्रंप ऐसा इसलिए कह रहा है, क्योंकि उसके हाथ में Epstein फाइल हैं, जिसमें मोदी की पूरी सच्चाई है

⦿ ट्रंप ने अमेरिका में अडानी पर क्रिमिनल केस भी कर दिया है,… pic.twitter.com/aumlU0YGH4

— Congress (@INCIndia) April 5, 2026

વાત સ્પષ્ટ છે કે મોદી સરકાર હવે ટ્રમ્પના ઈશારે જ ચાલી રહી છે. આ કમ્પ્રોમાઇઝ્ડ PM દેશને વેચી રહ્યા છે. હવે જનતા પણ સવાલ પૂછી રહી છે કે, શું ભારત સ્વતંત્ર છે કે ટ્રમ્પના હાથની કઠપૂતળી? આ તમામ મુદ્દે મોદી ક્યારે જવાબ આપશે? મોદી સંસદમાંથી ક્યાં સુધી ભાગતા રહેશે?

આ પણ વાંચો: ‘રોજગાર દો – સામાજિક ન્યાય દો’, AAPની પદયાત્રાનો ત્રીજો દિવસ, હાથરસમાં જોરદાર પ્રતિસાદ