Post Office Scheme: રોજ માત્ર 195 રૂપિયાની બચત કરીને બનાવો 10 લાખ રૂપિયાનું ફંડ, જાણો ગણતરી
Post Office Scheme: સુરક્ષિત રોકાણ અને જોરદાર રિટર્નની વાત આવે ત્યારે પોસ્ટ ઓફિસ દ્વારા ચલાવવામાં આવતી સરકારી યોજનાઓ (Govt Schemes) ખૂબ જ લોકપ્રિય છે. આ સ્મોલ સેવિંગ્સ સ્કીમ્સમાં નાની-નાની બચત કરીને પણ મોટું ફંડ બનાવી શકાય છે. આવી જ એક પોસ્ટ ઓફિસ યોજના છે ‘પોસ્ટ ઓફિસ રિકરિંગ ડિપોઝિટ સ્કીમ’ (Post Office Recurring Deposit Scheme), જેમાં રોજના માત્ર 195 રૂપિયા બચાવીને તમે 10 લાખ રૂપિયાનું ફંડ ભેગું કરી શકો છો.
‘Zero Risk’ વાળી સેવિંગ સ્કીમ
પોસ્ટ ઓફિસની આ બચત યોજનાને લોકપ્રિય બનાવવામાં સૌથી મહત્વનો ભાગ એ છે કે આ યોજના સંપૂર્ણપણે રિસ્ક-ફ્રી છે. તેની પાછળનું કારણ એ છે કે આમાં રોકાણ નાનું હોય કે મોટું, તમામ પૈસાની સુરક્ષાની ગેરેંટી ખુદ સરકાર આપે છે. એટલે કે તમે ટેન્શન ફ્રી થઈને તેમાં રોકાણ કરી શકો છો. આ સિવાય સરકાર દ્વારા આ પોસ્ટ ઓફિસ સેવિંગ સ્કીમ્સ પર આકર્ષક વ્યાજ પણ આપવામાં આવે છે, જે ઘણી બેંકોની FD કરતા પણ વધુ છે.
નાનું રોકાણ, મોટો ફાયદો
Post Office RD સ્કીમની બીજી ખાસ વાત એ છે કે આમાં તમારે એકસાથે મોટી રકમ રોકવાની જરૂર નથી હોતી, પરંતુ તમે રોજિંદી નાની-નાની બચત કરીને પણ મોટું ફંડ બનાવી શકો છો. આ પોસ્ટ ઓફિસ સ્કીમ બિલકુલ મ્યુચ્યુઅલ ફંડની SIP (Mutual Fund SIP) ની જેમ જ કામ કરે છે. આમાં માત્ર 100 રૂપિયાથી પણ ખાતું ખોલાવીને રોકાણની શરૂઆત કરી શકાય છે.
RD Scheme પર મળી રહ્યું છે આટલું વ્યાજ
પોસ્ટ ઓફિસની રિકરિંગ ડિપોઝિટ સ્કીમ પર સરકાર દ્વારા આપવામાં આવતા વ્યાજદર (Post Office RD Scheme Interest Rate) ની વાત કરીએ તો હાલમાં 6.7% નો વ્યાજદર મળી રહ્યો છે. તમે આ સ્કીમમાં 100 રૂપિયાથી રોકાણ શરૂ કરી શકો છો, જ્યારે મહત્તમ રોકાણ માટે કોઈ મર્યાદા નક્કી કરવામાં આવી નથી. એટલે કે તમે જેટલું વધુ રોકાણ કરશો, તેટલો જ વધુ નફો મળશે.
પતિ-પત્ની મળીને ખોલાવી શકે છે ખાતું
Post Office RD સ્કીમમાં તમે સિંગલ એકાઉન્ટ ખોલાવીને રોકાણ કરી શકો છો, જ્યારે પતિ-પત્ની મળીને જોઈન્ટ એકાઉન્ટ પણ ખોલાવી શકે છે. આ સ્કીમમાં રોકાણ માટે મેચ્યોરિટી પિરિયડ 5 વર્ષનો છે અને તે પૂર્ણ થયા પછી રોકાણને આગામી 5 વર્ષ માટે લંબાવવાની સુવિધા પણ આપવામાં આવે છે.
આમાં રોકાણ દરમિયાન કેટલીક બાબતોનું ધ્યાન રાખવું જરૂરી છે. જેમ કે, જો તમે કોઈ મહિને સમયસર હપ્તો ભરવાનું ભૂલી જાઓ છો, તો દર મહિને 1% પેનલ્ટી લાગે છે. જો સતત 4 હપ્તા ચૂકી જવાય, તો આરડી એકાઉન્ટ બંધ કરી દેવામાં આવે છે.
195 રૂપિયાથી 10 લાખ રૂપિયા ભેગા કરવાની ગણતરી
પોસ્ટ ઓફિસ રિકરિંગ ડિપોઝિટમાં 10 લાખ રૂપિયા ભેગા કરવાની ગણતરી ખૂબ જ સરળ છે:
-
રોજિંદી બચત: દરરોજ 195 રૂપિયાની બચત કરશો તો મહિનાની સેવિંગ 5,860 રૂપિયા થશે.
-
પ્રથમ 5 વર્ષનું રોકાણ: મહિને 5,860 રૂપિયા લેખે 5 વર્ષના મેચ્યોરિટી પિરિયડ સુધી તમારું કુલ રોકાણ 3,51,600 રૂપિયા થશે. 6.7% વ્યાજ સાથે કુલ ફંડ 4,18,201 રૂપિયા બનશે.
-
આગામી 5 વર્ષ માટે એક્સટેન્શન: હવે જો તમે આ રોકાણને બીજા 5 વર્ષ માટે લંબાવો છો (કુલ 10 વર્ષ), તો તમારું કુલ રોકાણ 7,03,200 રૂપિયા થશે, જ્યારે માત્ર વ્યાજની રકમ આશરે 2.98 લાખ રૂપિયા થશે.
-
કુલ ફંડ: આ રીતે 10 વર્ષના અંતે તમારું કુલ ફંડ વધીને 10,01,203 રૂપિયા થઈ જશે.
DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધારે હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતા પહેલા એક વખત માર્કેટ નિષ્ણાંતની સલાહ જરૂર લેવી જોઈએ, humdekhenge.in કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.
આ પણ વાંચોઃ 211 રન બનાવીને દેવદત્ત પડિક્કલનું ગૉલમાં કારસ્તાન… તૂટતા તૂટતા રહી ગયો દ્રવિડનો મહારેકોર્ડ
આ પણ વાંચોઃ Chandra Grahan 2026 : ભારતમાં નહીં વર્ષનું અંતિમ ચંદ્ર ગ્રહણ, આ 5 રાશિના લોકોએ રહેવું સાવધાન
અમારી WhatsApp ચેનલમાં જોડાવા આ લિંક પર ક્લીક કરો
