OMG: આઈસ્ક્રીમના કોનમાં માનવ આંગળી મળી, ગ્રાહક મહિલા ડૉક્ટર સ્તબ્ધ
- આઈસ્ક્રીમમાં માનવ આંગળી જોઈને માણસ રહી ગયો દંગ
- યમ્મો આઈસ્ક્રીમ વિરુદ્ધ નોંધવામાં આવી FIR
મુંબઈ, 13 જૂન, લોકોએ ઓનલાઈન ખરીદી કરતી વખતે અથવા કોઈ પણ વસ્તુનો ઓનલાઈન ઓર્ડર કરતી વખતે સાવધાની રાખવી જરૂરી છે. હાલમાં ઘણા એવા કેસ સામે આવી રહ્યા છે જેમાં લોકો કોઈ વસ્તુ ઓનલાઈન ઓર્ડર કરીને મંગાવે છે અને જ્યારે ઘર પર તે વસ્તુ આવે છે ત્યારે તે કઈક અલગ હોય છે. પરંતુ એક ન માનવામાં આવે તેવી વિચિત્ર ઘટના પ્રકાશમાં આવી છે. મહારાષ્ટ્રના મુંબઈના મલાડ વિસ્તારમાં ઓનલાઈન મંગાવેલા કોન આઈસ્ક્રીમની અંદર એક વ્યક્તિની માનવ આંગળી મળી આવતા ચકચાર મચી જવા પામી છે. પોલીસે આ મામલાની નોંધ લીધી અને એફઆઈઆર નોંધી, આંગળીને ફોરેન્સિક ટેસ્ટ માટે મોકલી છે.
અડધાથી વધુ આઈસક્રીમ ખાઈ લીધો હતો
મુંબઈથી એક ચોંકાવનારો કિસ્સો પ્રકાશમાં આવ્યો છે. એક મહિલાએ ઓનલાઈન પ્લેટફોર્મ પરથી આઈસ્ક્રીમ કોન મંગાવ્યો હતો, ત્યારબાદ આઈસ્ક્રીમમાં માનવ આંગળીનો ટુકડો મળી આવ્યો હતો. ઘટના બાદ મહિલા તરત જ મલાડ પોલીસ સ્ટેશન પહોંચી અને ફરિયાદ નોંધાવી. મલાડ પોલીસે યુમ્મો આઈસ્ક્રીમ કંપની વિરુદ્ધ કેસ નોંધ્યો છે અને આઈસ્ક્રીમને તપાસ માટે મોકલી આપ્યો છે. પોલીસે આઈસ્ક્રીમમાં મળેલા માનવ શરીરના ભાગને એફએસએલ (ફોરેન્સિક)માં મોકલી આપ્યો છે. મલાડ પોલીસે આ ઘટનાની માહિતી આપી છે.
માનવ આંગળી 2 સેન્ટિમીટર લાંબી હતી.
ઓર્લેમ બ્રાન્ડોન સેરાઓ નામના ડૉક્ટરે જણાવ્યું હતું કે તેની બહેને બુધવારે હોમ ડિલિવરી એપ્લિકેશનમાંથી કોન આઈસ્ક્રીમ – યુમ્મો બટરસ્કોચ – ઓર્ડર કર્યો હતો જેમાં આંગળી દેખાઈ હતી. સેરાવે ક્યારેય કલ્પના પણ ન હતી કરી કે આ આઈસ્ક્રીમ તેને એવો આંચકો આપશે કે તે ક્યારેય ભૂલી શકશે નહીં. તેણે અડધાથી વધુ આઈસ્ક્રીમ પણ ખાધો હતો અને પછી તેને ખ્યાલ આવ્યો કે તેમાં કંઈક ગરબડ છે. તેણે એક બાઇટ લીધું અને સમજાયું કે તેના મોંમાં કંઈક બીજું છે. પછી તેણે તેના મોઢામાંથી તે ટુકડો કાઢ્યો અને તેની તરફ જોયું અને સમજાયું કે તે કોઈની આંગળી હતી. આ જોઈને તે સ્તબ્ધ થઈ ગયા. વ્યવસાયે MBBS ડૉક્ટર હોવાને કારણે તે જાણી ગયો હતો કે તે કોઈનો અંગૂઠો છે. તે અંગૂઠા પર નખ અને ફિંગરપ્રિન્ટ્સ પણ જોઈ શકતો હતો. આ પછી, તેણે પહેલા આંગળી બરફમાં રાખી અને પછી તરત જ પોલીસ સ્ટેશનમાં ફરિયાદ નોંધાવવા પહોચ્યાં.
આ પણ વાંચો..અજબ ઊંઘની ગજબ કહાની! ઈંગ્લેન્ડમાં રહેતી આ મહિલાએ ઊંઘમાં કરી લાખોની ખરીદી
